កម្ពុជាដែនដីអច្ឆរិយះ

រមណីយដ្ឋានធម្មជាតិព្រែកត្នោត កំពុងអភិរក្ស

2011-06-21T03:14:00.000-07:00

កំពត: ប៉ុន្មានឆ្នាំចុងក្រោយនេះវិស័យទេសចរណ៍នៅកម្ពុជា បានរីកចំរើនគួរឲ្យកត់សម្គាល់ ក្នុងនោះតំបន់ទឹកធ្លាក់ធម្មជាតិ ក៏បានទាក់ទាញ ភ្ញៀវជាតិ និងអន្តរជាតិ ឲ្យមកកម្សាន្តមិនតិចទេ ។ ដោយឡែកតំបន់ទេសចរធម្មជាតិព្រែកត្នោត ដែលមានប្រភពទឹកពីភ្នំបូកគោ បានស្រូបទាញអ្នកទេសចរមកកម្សាន្តមិនដាច់ក្នុងរយៈប៉ុន្មានខែពេល ចុងក្រោយ។

រមណីយដ្ឋានទេសចរណ៍ធម្មជាតិព្រែកត្នោត មានទីតាំងស្ថិតនៅភូមិព្រែកក្រែង ឃុំព្រែកត្នោត ស្រុកទឹកឈូ ខេត្តកំពត ស្ថិតក្នុងសហគមន៍តំបន់ការពារធម្មជាតិព្រែកត្នោត នៃតំបន់ឧទ្យានជាតិព្រះមុនីវង្ស ’បូកគោ” ដែលមានចំងាយប្រមាណ២០គ.ម ពីឧទ្យានជាតិបូកគោ តាមផ្លូវជាតិលេខ៣ បត់ស្តាំដៃ តាមផ្លូវលំក្រាលក្រួសក្រហម ចំងាយប្រមាណ១.៦០០ម៉ែត្រ ។
ស្នូរទឹកហូរមកប៉ះផ្ទាំងថ្មធំៗ ពីជម្រាលភ្នំបូកគោ ប្រដេញគ្នាតាមដងព្រែកត្នោត ដែលលម្អដោយព្រឹក្សព្រៃដុះ ត្រដុំត្រសង លាយឡំនិងសំលេងបក្សាបក្សីយំឆ្លើយឆ្លងគ្នា ឮសូរចេចចាច ញ៉ាំងឲ្យអ្នកទេសចរណ៍ដែលបានធ្វើដំណើរមកកម្សាន្តរមណីយដ្ឋានព្រែក ត្នោត មានអារម្មណ៍ស្រស់ស្រាយមួយរំពេចន៍ ។ ពិសេសបើបានងូតទឹកកម្សាន្តនៅទីនេះ ភាពក្តៅស្អុះស្អាប់ ពីកំដៅព្រះអាទិត្យនារដូវប្រាំង អំឡុងពេលធ្វើដំណើរមកកាន់រមណីយដ្ឋានទេសចរណ៍ធម្មជាតិនេះ និងរលាយបាត់អស់ហើយសព៌ាង្គកាយត្រជាក់ស្រេង ហាក់ដូចជាកំពុងស្ថិតនៅភពមួយយ៉ាងសែនមនោរម្យ បើទោះជានៅរដូវប្រាំងមិនសូវមានទឹកច្រើនដូចរដូវវស្សាក៏ដោយ ។

រមណីយដ្ឋាននេះ មានប្រភពទឹកពីជម្រាលភ្នំខាងត្បូងនៃភ្នំបូកគោ ត្រូវបានបង្កើតឡើងនៅខែវិច្ឆិកា ឆ្នាំ២០០៧ ដោយមានការសម្របសម្រួលពីអង្គការសង្គ្រោះសត្វព្រៃកម្ពុជា SCW (save Cambodia’s Wildlife) រួមជាមួយអាជ្ញាធរដែនដី និងឧទ្យានជាតិព្រះមុនីវង្ស ’បូកគោ” ។ ចាប់តាំងពីបង្កើតមក មានភ្ញៀវទេសចរទស្សនាជាបន្តបន្ទាប់ ពិសេសកាលពីឆ្នាំ២០១០ កន្លងទៅ នៅថ្ងៃបុណ្យភ្ជុំបិណ្ឌ មានអ្នកទេសចរតាមរថយន្ត រហូតដល់ទៅជា១.០០០គ្រឿង ។
ដោយជំនួយពីអង្គការ IUCN របស់ប្រទេសហុល្លង់ដ៏ ក្រោមគម្រោងសាកល្បងរយៈពេល៤ឆ្នាំ ពី២០០៧-២០១០ អង្គការ SCW បានបង្កើតសហគមន៍តំបន់ការពារធម្មជាតិ ឃុំព្រែកត្នោតនេះ ដោយចំណាយថវិកាអស់ប្រមាណ ៤០.០០០ ដុល្លារ ។ គម្រោងនេះគ្របដណ្តប់លើផ្ទៃដី ២.០០៦ ហិតា នៃឃុំព្រែកត្នោត ក្នុងនោះ ផ្ទៃដីសហគមន៍ទេសចរណ៍មានចំនួនជោគជ័យគួរឲ្យកត់សម្គាល់ ។

ក្រោយពីការបង្កើតតំបន់ទេសចរណ៍ធម្មជាតិមកមានភ្ញៀរទេសចរមកកម្សាន្ត ជាច្រើន ពិសេសនៅថ្ងៃសៅរ៍-អាទិត្យមានប្រមាណពី១០០-២០០នាក់ ខណៈដែលនៅថ្ងៃបុណ្យទាន មានប្រមាណជាង៥.០០០នាក់ ។

ដោយឡែកចំពោះម្ហូបអាហារនៅទីនោះ មានសេវាកម្មនាំភ្ញៀវ ចម្អិនម្ហូបអាហារ តម្លៃសមរម្យ ។ ភ្ញៀវអាចអង្គុយនៅតាមខ្ចូស ដែលមានតម្លៃ១០.០០០រៀល ដែលក្នុងនោះ៣០% ត្រូវបានទៅលើសហគមន៍ ។

ជារួមក្រោយពេលមាតុភូមិមានសុខសន្តិភាពពេញបរិបូរណ៍មកទីតាំងធម្មជាតិ ជាច្រើនកន្លែង នៅខេត្តកំពត ដែលជាអតីតសមភូមិប្រយុទ្ធរវាងកងទ័ពខ្មែរក្រហមនិងកងទ័ព រាជរដ្ឋាភិបាល ត្រូវបានអភិឌ្ឍន៍ឲ្យក្លាយជាតំបន់ទេសចរណ៍ដ៏ប្រណិត ជាក់ស្តែង រមណីយដ្ឋានព្រែកត្នោត នេះ។ សម្រាប់ប្រជាពលរដ្ឋ ដែលចូលចិត្តការដើរកម្សាន្ត ជាពិសេស យុវវ័យ តែងបបួលគ្នារកទីតាំងធម្មជាតិណា ដែលមានលក្ខណៈប្លែក ទាក់ភ្នែកទាក់អារម្មណ៍ ។ ដូច្នេះ បើអាជ្ញាធរពាក់ព័ន្ធ ចេះរៀបចំយ៉ាងណាឲ្យទីតាំងនេះកាន់តែប្រណីតជាងនេះ ច្បាស់ណាស់ថា ប្រភពចំណូលថវិកាមិនចេះរីងស្ងួតទេ ដែលនេះក៏ដូចជាជួយកាត់បន្ថយភាពក្រីក្រក្នុងសង្គមបានមួយចំណែកផង ៕

ថៃគំរាមដកខ្លួនពីគណៈកម្មការបេតិកភណ្ឌពិភពលោក ប្រឆាំងនឹងផែនការអភិវឌ្ឍន៍ប្រាសាទព្រះវិហារ

2011-06-21T03:10:00.000-07:00

នាយករដ្ឋមន្រ្តីថៃ អាប់ភីស៊ីត វាចាជីវ៉ា កាលពីថ្ងៃម្សិលមិញនេះបានធ្វើការគំរាមថា ប្រទេសថៃនឹងដកខ្លួនចេញពីសមាជិកគណៈកម្មាធិការបេតិកភណ្ឌពិភពលោក ប្រសិនបើគណៈកម្មាធិការមួយនេះមិនព្រមធ្វើការពន្យារពេលលើផែនការ អភិវឌ្ឍន៍ប្រាសាទព្រះវិហារទេនោះ។

កាសែតបាងកកប៉ុស្តិ៍បានដកស្រង់សម្តីរបស់ អាប់ភីស៊ីត វាចាជីវ៉ា មកចុះផ្សាយថា «យើងកំពុងតែធ្វើការពិភាក្សាជាមួយយូណេស្កូ។ ប្រសិនបើពួកគេមិនព្រមធ្វើការពន្យារពេល ពួកគេត្រូវដឹងថា យើងមិនអាចធ្វើការជាមួយពួកគេបានទៀតទេ»។

នាយករដ្ឋមន្រ្តីថៃរូបនេះបានធ្វើការអះអាងថា កម្ពុជានឹងជាប្រទេសតែមួយគត់ ដែលបានប្រឆាំងជំទាស់សំណើរបស់ថៃ ដែលសុំឲ្យពន្យារពេលផែនការអភិវឌ្ឍន៍តំបន់ជុំវិញប្រាសាទព្រះវិហារ នេះ។

កិច្ចប្រជុំរបស់គណៈកម្មាធិការបេតិកភណ្ឌពិភពលោកលើកទី៣៥នៅ ប្រទេសបារាំង ដែលមានរយៈពេល១០ថ្ងៃចាប់ផ្តើមតាំងតែពីថ្ងៃចន្ទមក នឹងធ្វើការពិភាក្សាអំពីរមណីយដ្ឋានថ្មីដែលត្រូវចុះបញ្ជីបេតិកភណ្ឌ ពិភពលោក ត្រួតពិនិត្យលើការអភិរក្សរមណីដ្ឋាន និងសម្រេចថា តើរមណីយដ្ឋានណាដែលកំពុងស្ថិតនៅក្នុងគ្រោះថ្នាក់។ ចំណែកសំណុំរឿងប្រាសាទព្រះវិហារគេនឹងលើកយកទៅពិភាក្សានៅថ្ងៃ ព្រហស្បតិ៍ ទី២៣ មិថុនាខាងមុខ៕

កម្ពុជាព្រមានថា នឹងមិនអត់ឱនឲ្យសៀមទៀតទេ

2011-06-21T03:03:00.000-07:00

ខុសប្លែកពីគ្រាមុនដែល ហ៊ុន សែន ចាត់ទុកការផ្ទុះអាវុធនៅប្រាសាទតាមាន់ និងតាក្របីថា ជាសង្រ្គាម ប៉ុន្ដែនៅព្រឹកថ្ងៃអង្គារនេះ ក្នុងកម្មវិធីមួយរបស់ក្រសួងសង្គមកិច្ចនាយករដ្ឋមន្រ្ដីខ្មែររូបនេះ បាននិយាយថា វាមិនមែនជាសង្រ្គាមទេ វាជាប្រភេទភេរវកម្ម ហើយកម្ពុជានឹងមិនអត់ឱនឲ្យទៀតទេ។

នៅចំពោះមុខក្រុមមន្រ្ដីពីក្រសួងការងារនិងអតីតយុទ្ធជន ឯវិទ្យាស្ថានជាតិអប់រំ ហ៊ុន សែន បានហៅការប្រើប្រាស់ប្រភេទអាវុធស្មាយភើរបស់ទាហានសៀមអំឡុងការ ផ្ទុះអាវុធកាលពីខែមេសានោះថា គឺជាប្រភេទអាវុធសម្រាប់ប្រើប្រាស់ក្នុងសកម្មភាពភេរវកម្ម។ ហើយថា «បើថ្ងៃក្រោយវាយគ្នាទៀត លេងអាធំវិញម្ដងទៅកុំលួចបាញ់គ្នាដូច្នេះ»។

ដោយនាយករដ្ឋមន្រ្ដីរូបនេះបានរំឭកដល់ការផ្ទុះអាវុធកាល ពីថ្ងៃទី២២ ខែមេសាកន្លងទៅឯប្រាសាទតាមាន់, តាក្របីក្នុងខេត្ដឧត្ដរមានជ័យថា «ពេលនោះយើងបានទុកឲ្យគេវាយរយៈពេល៤ថ្ងៃ ហើយធ្វើការតបវិញនៅល្ងាចថ្ងៃទី២៦ មេសាហើយរយៈពេល១៧នាទីភាគីថៃសុំកម្ពុជាចរចារ។ យើងថ្នមមិនចង់ឲ្យមានសង្គ្រាមទេ តែវាឈ្លើយ….»។

ប្រទេសកម្ពុជា និងសៀមបានប្រឈមមុខដាក់គ្នាដោយអាវុធកាលពីអំឡុងខែកក្កដាឆ្នាំ ២០០៨ ខណៈដែលកម្ពុជាបានដាក់ប្រាសាទព្រះវិហារដែលមានអាយុជិត១ពាន់ឆ្នាំ របស់ខ្លួនទៅក្នុងបញ្ជីសម្បត្ដិបេតិកភ័ណ្ឌពិភពលោក។ កម្ពុជាបាននិយាយថា ការប្រឈមមុខដាក់គ្នាដោយអាវុធដ៏រ៉ាំរ៉ៃនេះវាជាលេសមួយចំពោះ មហិច្ឆតាសៀមក្នុងការឈ្លានពានទឹកដីកម្ពុជា៕

កុល ដាវី

2011-06-21T02:56:00.000-07:00

ណាប់ ពិសី

2011-06-21T02:48:00.000-07:00

"ជីវិតគ្មានមេបា"

2011-06-21T02:47:00.000-07:00

1. កើតមកជាមនុស្ស ប្រាថ្នាសូមរស់ មានសុខសេរី មានលំនៅដ្ឋាន សិទ្ធិបាយឆី កិត្តិយសថ្លាថ្លៃ កូនបានសិក្សា។

2. តែសែនតូចចិត្ត បំណងជីវិត រលាយអស់រ៉ា ខ្ញុំរស់កំសត់ ព្រាត់ក្រុមគ្រួសារ ជីវិតវេទនា ដើរសុំទានគេ។

3. ជីវិតសែងត្រែង កណ្តោចកណ្តែង រស់ដូចគ្មានមេ គ្មានស្រុកគ្មានទេស គ្មានអ្នកមើលថែ ដូចសត្វរំពេ ហោះហើររាល់ថ្ងៃ។

5. ពេលឃ្លានដើរសុំ មិនថាតូចធំ ក្រែងគេប្រណី ក្រែងបានចំអែត ក្រពះរីងរៃ បន្តសង្ខ័យ ទៅថ្ងៃស្អែកទៀត។

6. ដើរសុំមិនឈប់ ទោះថ្ងៃទោះយប់ ជីវិតត្រូវឆ្លៀត ទោះភ្លៀងទោះផ្គរ ត្រូវតែខ្មីឃ្មាត ព្រោះជាលទ្ធភាព ដែលខ្ញុំធ្វើបាន។

7. មេឃដីជាផ្ទះ ដាក់ខ្លួនដេកប្រាស់ ប្រៀបលំនៅដ្ឋាន មិនខ្វល់លោកា អ្នកណារំខាន សុបិន្តបានទាន បាយហូបស្កប់ស្កល់។

8. ឳ!អ្នកដឹកនាំ កាលណាឃើញខ្ញុំ រងទុក្ខអំពល់ ឲ្យផ្ទះឲ្យដី លោកប្លន់គ្មានសល់ ជួយផ្គត់ផ្គង់ផ្តល់ ឲ្យខ្ញុំសុខវិញ។

ដោយ៖ខ្មែរ សុវណ្ណភូមិ (កុលបុត្រ)
ថ្ងៃទី១៨ខែមិថុនាឆ្នាំ២០១១

តាស្ទាវប្រចាំភូមិ

2011-06-21T02:41:00.000-07:00

ម៉ាក សែនសូនីតាចូលចិត្ត ឡេឌី ហ្គាហ្គា

2011-01-26T03:26:00.000-08:00

ម៉ាក សែនសូនីតា បានសម្រេចចិត្ត ជ្រើសរើសសាប៊ូកក់សក់ សាន់ស៊ីល យក មកប្រើប្រាស់ដើម្បីព្យាបាលសក់ខូច ដែលត្រូវនឹងសក់របស់នាង ហើយ នាងបានផ្តល់ដំបូន្មាន ដល់អ្នកអានផ្សេង ទៀតដែល មានបញ្ហាសក់ ដូចរូបនាង ឱ្យជ្រើសរើសសាប៊ូកក់សក់ ដូចជានាងដែរ ។ ការសម្រេចចិត្តជ្រើសរើសសាប៊ូកក់ សក់ សាន់ស៊ីល ខូគ្រីអេសិន មកប្រើប្រាស់នាំឱ្យតារាសម្តែងរូបនេះមានឈ្មោះជាតារា កិត្តិយស សាន់ស៊ីល ខូគ្រី អេសិន ។
* តើកញ្ញាផ្លាស់ប្តូរស្ទីលរាល់ថ្ងៃដែរទេ ? ប្រសិនបើ មែន តើអ្វីដែលជំរុញឱ្យកញ្ញាផ្លាស់ប្តូរស្ទីលបែបនេះ ? ប្រសិន បើទេ តើហេតុអ្វីបានជាកញ្ញាចូលចិត្តរក្សាស្ទីលផ្ទាល់ខ្លួនរបស់ កញ្ញារាល់ថ្ងៃបែបនេះ ?
- បើនិយាយទៅអាចថាខ្ញុំចូលចិត្តផ្លាស់ប្តូរស្ទីលរាល់ថ្ងៃ ក៏ថាបានដែរ ប៉ុន្តែភាគច្រើនចូលចិត្តភាពដើមជាងផ្លាស់ប្តូរ រាល់ថ្ងៃ ព្រោះអីស្ទីលដើមរបស់យើងជាលក្ខណៈពេញចិត្តនៅ ក្នុងចិត្តរបស់យើងតែម្តង ហើយបើសិនជាការផ្លាស់ប្តូររាល់ ថ្ងៃ គឺផ្លាស់ប្តូរតាមសម័យនិយម ព្រោះយើងជាតារា ដូច្នេះ ត្រូវធ្វើអ្វីមួយដែលប្លែក មិនធ្វើអ្វីដដែលៗពេកទេ វានាំ ឱ្យសាំ ។
* តើស្ទីលសក់របស់តារាល្បីបរទេសរូបណា ដែលកញ្ញាពេញចិត្ត ? ហេតុអ្វី ?
- អើ ! សម្រាប់ស្ទីលសក់របស់តារាល្បីនោះ គឺនាងខ្ញុំផ្ទាល់ចូលចិត្ត ឡេឌី ហ្គាហ្គា ព្រោះអីគាត់ជាតារាមួយរូបពូកែផ្លាស់ប្តូរម៉ូដសក់ ការលេងមុខមាត់ ខោអាវ ដែលស្ទីលរបស់គាត់ចេញមកប្លែកពីគេ ហើយគួរឱ្យចង់ទស្សនា ។
* តើអ្វីជាបញ្ហាសក់ដែលកញ្ញាធ្លាប់បានជួបប្រទះ ?
- សម្រាប់បញ្ហាដែលខ្ញុំធ្លាប់បានជួបប្រទះនោះគឺភាគច្រើនសក់បែកចុង។
* តើវិធីសាស្ត្រអ្វីខ្លះដែលកញ្ញាបានធ្វើដើម្បីកែប្រែ ឬ ព្យាបាលបញ្ហានេះ ?
- សម្រាប់វិធីសាស្ត្រនោះ ទីមួយ ខ្ញុំព្យាយាមរកផលិតផលណាមួយដែល ល្អ ហើយត្រូវនឹងសក់របស់នាងខ្ញុំ ។ ទីពីរ គឺពេលទំនេរ ឧស្សាហ៍ទៅកក់ ឬ អប់ សក់ដើម្បីជំនួយសរសៃសក់ឡើងវិញ ។

រាល់ថ្ងៃនេះនាងកំពុងតែថត រឿង “ប្រែជីវិតគិតដល់អូន” ឱ្យ ទូរទស្សន៍បាយ័ន ដែលគេគ្រោង នឹងចាក់ផ្សាយក្នុងពេលឆាប់ខាង មុខនេះ ។ តារាសម្តែងរូបនេះបាន ឱ្យដឹងថា រឿង “ប្រែជីវិតគិត ដល់អូន” គឺជារឿងទី ៧ ដែល នាងបានសម្តែងជាតួឯក ៕

Chat and Khmer mp3 ឪពុករំលោភកូនស្រីពីរនាក់ មានប្តីហើយតាមរំលោភទៀត

2011-01-26T03:25:00.000-08:00

រឿងរ៉ាវដ៏សែនខ្លោចផ្សា នេះត្រូវបានធ្លាក់ ទៅលើគ្រួសារក្រីក្រ មួយដែលមានឪពុក ជាសត្វតិរច្ឆានឈ្មោះ កូវដាអាយុ ៣៩ ឆ្នាំ ប្រពន្ធឈ្មោះ លាក់ សាខន អាយុ ៤០ ឆ្នាំ មានមុខរបរ ជាកម្មករឡឥដ្ឋទាំងពីរនាក់ប្តី ប្រពន្ធ ។ រីឯកូនដែលរងការបំផ្លាញអនាគតពីឪពុកបង្កើតមានឈ្មោះ ដា ស្រីម៉ៅ អាយុ ១៣ ឆ្នាំ (ជាកូនស្រីប្អូន) និង កូនស្រីច្បងឈ្មោះ ដា ស្រីធី អាយុ ១៨ ឆ្នាំ រស់នៅជាមួយឪពុកម្តាយទាំងពីរនាក់នៅផ្ទះកម្មករឡឥដ្ឋ ស្ថិតនៅភូមិធ្យូង ឃុំវិហារហ្លួង ស្រុកពញ្ញាឮ ខេត្តកណ្តាល ។

ដោយសារតែក្នុងចិត្តក្តុកក្តួលខ្លោចផ្សា អាណិតកូនស្រី ស្ត្រីជាម្តាយឈ្មោះ លាក់ សាខន បានរៀបរាប់ទាំងទឹកភ្នែកថា កាលពីវេលាម៉ោង ៥ ទៀបភ្លឺ ថ្ងៃទី ២ ខែធ្នូ ឆ្នាំ ២០១០ នេះ ខ្លួនបាន ចុះពីលើផ្ទះទៅអាំងត្រីនៅផ្ទះអ្នកជិតខាងនោះ ដោយទុកឱ្យកូនស្រីរងគ្រោះជាប្អូន និង ប្តីរបស់ ខ្លួននៅបន្តដេករហូតដល់ភ្លឺ ដោយមិននឹកស្មាន ថាប្តីខ្លួនឈ្មោះ កូវ ដា នោះហ៊ានប្រព្រឹត្តអំពើ លាមកទៅលើកូនស្រីឯងបង្កើតដូច្នេះទេ ប៉ុន្តែ ដឹងអីពេលគាត់ចុះពីលើផ្ទះបានមួយសន្ទុះ ឃើញ ឱកាសស្ងាត់ល្អផងនោះ ឪពុកតិរច្ឆាននេះបានទៅ ដេកក្បែរកូនហើយគំរាមសម្លាប់កូន រួចធ្វើសកម្ម-ភាពដោះសម្លៀកបំពាក់កូនរំលោភរហូតបានសម្រេច តែម្តង ។

ក្រោយពីកើតហេតុ កូនស្រីរងគ្រោះឈ្មោះ ដា ស្រីម៉ៅ នោះមិនហ៊ានប្រាប់ម្តាយ និង បងៗ របស់ខ្លួនឡើយដោយខ្លាចឪពុកគំរាមអារ-កសម្លាប់ ទាំងពូជ ប៉ុន្តែដោយសារតែស្នាមរបួសឈឺចាប់ នៅលើប្រដាប់ភេទទ្រាំពុំបាននោះ កូនស្រីរង គ្រោះ ដា ស្រីម៉ៅ បានត្អូញត្អែរការឈឺចាប់ប្រាប់ ក្មេងដទៃដែលលេងជាមួយគ្នានៅជិតខាងផ្ទះនោះ ហើយទើបបែករឿងដឹងដល់ចាស់ៗ និង ដឹងដល់ ម្តាយ ហើយក៏បានទៅប្រាប់ថៅកែឡឥដ្ឋឱ្យប្តឹង ប៉ូលិសចាប់ខ្លួនកូន ដា នៅព្រឹកថ្ងៃទី ២ ខែធ្នូ នោះតែម្តង ។

មិនត្រឹមតែប៉ុណ្ណោះទេ កូនស្រីរងគ្រោះ ឈ្មោះ ដា ស្រីម៉ៅ អាយុត្រឹម ១៣ ឆ្នាំនេះ បាន ឱ្យដឹងបន្ថែមទៀតថា នៅវេលាទៀបភ្លឺស្រាងៗ ម៉ោងប្រហែល ៥ និង ៣០ នាទី ឪពុកកំណាច របស់ខ្លួនបានមកឱបពោបពីលើធ្វើឱ្យខ្លួនភ័យរន្ធត់ យ៉ាងខ្លាំង ហើយបម្រុងស្រែកហៅម្តាយ ប៉ុន្តែ ត្រូវឪពុកចាប់ខ្ទប់មាត់ ហើយគំរាមមិនឱ្យស្រែក បើហ៊ានតែស្រែកនឹងសម្លាប់ចោល ដោយសារ តែខ្លាចការគំរាមពីឪពុកនោះ កូនស្រីរងគ្រោះក៏ នៅសំងំ ពេលនោះឪពុកកំណាចចាប់ផ្តើមសម្រាតខោកូនស្រីដល់ត្រឹម ជង្គង់ ហើយធ្វើសកម្មភាពរំលោភតែម្តង ។ ដោយសារតែការឈឺចាប់ទ្រាំ មិនបាន ខ្លួនបានអង្វរឱ្យឪពុកឈប់រំលោភមកលើខ្លួន ដោយនិយាយថា “ឈឺណាស់ឪ ! ចុកណាស់ឪ !” ហើយបើទោះបីឮពេញត្រចៀកនូវពាក្យអង្វរ កររបស់កូនយ៉ាងណាក៏ដោយ ក៏ឪពុកតិរច្ឆាននោះមិនព្រមស្តាប់តាមពាក្យ សុំអង្វរនោះដែរ ហើយនៅតែបន្តរំលោភរហូតបានសម្រេច បើទោះបីបើក ភ្នែកសម្លឹងមើលឃើញកូនកំពុងតែដេកសម្រក់ទឹកភ្នែកនៅគ្រានោះក៏ដោយ ។

ងាកមកស្តាប់ការសារភាពរបស់ឪពុកចិត្តខ្មៅនោះវិញ បើទោះបីដៃ កំពុងជាប់ខ្នោះក្តី ក៏ខ្លួនមិនបានញញ្ញើតជាមួយសមត្ថកិច្ចនោះឡើយ ដោយ បាននិយាយឥតសំចៃមាត់ថា នេះមិនមែនជាលើកទីមួយួនោះឡើយ ដែល ខ្លួនបានរំលោភមកលើកូនស្រីឯងនេះ ពោលគឺបានរំលោភម្តងតាំងពីកូនស្រី រងគ្រោះអាយុបាន ១០ ឆ្នាំ ខណៈពេលដែលក្រុមគ្រួសារនេះបាននៅលើ ខ្ទមស៊ីឈ្នួលចាំដីឱ្យគេនៅក្បែរឧទ្យានជាតិគិរីរម្យក្នុងខេត្តកំពង់ស្ពឺ ។

មិនតែប៉ុណ្ណោះ រឿងរ៉ាវដែលកូនស្រីច្បងឈ្មោះ ដា ស្រីធី អាយុ ១៨ ឆ្នាំ បានលាក់បាំងនឹងប្តីដើម្បីបិទបាំងភាពអាម៉ាស់ និង ដើម្បីរក្សាសុភមង្គល ក្នុងគ្រួសារ ក៏ត្រូវឪពុកតិរច្ឆាននេះលាតត្រដាងសារភាពប្រាប់ប៉ូលិសបែក-ការដល់អ្នកជិតខាងផងដែរ ដោយខ្លួនបានបញ្ជាក់ថា កាលពីកូនស្រីច្បង អាយុបាន ១៤ ឆ្នាំ ខ្លួនបានរំលោភកូនស្រីច្បង ពេលរស់នៅក្បែរឧទ្យាន ជាតិគិរីរម្យនោះ ហើយពេលមករស់នៅក្នុងផ្ទះឡឥដ្ឋនៅខេត្តកំពង់ឆ្នាំងក្នុង អំឡុងឆ្នាំ ២០០៧ កន្លងមក ក៏ខ្លួនបានរំលោភកូនស្រីច្បងនោះជាបន្តបន្ទាប់ ដែរ ហើយរាល់ពេលរំលោភ គេតែងគំរាមអារ-កសម្លាប់កូនស្រីនោះ ។

បើតាមការរៀបរាប់ទាំងទឹកមុខអឹមអៀនរបស់កូនស្រីច្បងឈ្មោះ ដា ស្រីធី នោះ បានឱ្យដឹងស្រដៀងនេះដែរថា ខ្លួនពិតជារងការឈឺចាប់ទាំង ផ្លូវចិត្តផ្លូវកាយ ដោយសារឪពុកបង្កើតឯងចាប់រំលោភតាំងពីអាយុ ១៤ ឆ្នាំ ម៉្លេះ ។ ដោយសារតែការគំរាមសម្លាប់ទាំងពូជនេះ ខ្លួនចេះតែបន្តសំងំមិន ហ៊ានប្រាប់អ្នកណាម្នាក់ឱ្យដឹងនោះទេ ហើយដើម្បីរក្សាសុភមង្គលក្នុងក្រុម គ្រួសារ ទើបខ្លួននៅបន្តលាក់រឿងអសោចិ៍ជាមួយប្តីនេះ ប៉ុន្តែទោះបីខំ សន្សំទាំងចិត្តមិនដែលភ្លេចនូវរឿងលាមកទាំងនេះក៏ត្រូវឪពុកលាតត្រដាង បានឮដល់អ្នកជិតខាងដល់ប្តីរបស់ខ្លួន ហើយដោយសារលាងជម្រះភាព អាម៉ាស់របស់ខ្លួន ប្តីដែលទើបផ្សំផ្គុំមិនទាន់បានមួយឆ្នាំផងនោះ ក៏បាន សម្រេចសុំចែកផ្លូវពីខ្លួនទាំងចិត្តនៅតែស្រឡាញ់ ។

គេធ្លាប់តែឮថា ឪពុកម្តាយដទៃបំបែកកូននៅមុនពេលរៀបការក្នុង បំណងកុំឱ្យកូនជ្រើសរើសគូអនាគតខុស ប៉ុន្តែបុរសជាឪពុកកំណាចនេះបាន បំបែកកូនមិនឱ្យរស់នៅជាមួយគ្នាដោយសារតែបង្កើតកូនមកដើម្បីបំពេញ តណ្ហាតែខ្លួនឯងតែប៉ុណ្ណោះ ។

ដោយសារតែការមិនអស់ចិត្ត ស្ត្រីជាម្តាយឈ្មោះ លាក់ សាខន បាន បន្តរៀបរាប់ថា មិនមែនតែកូនស្រីច្បងឈ្មោះ ដា ស្រីធី នេះព្រាត់ប្រាស់ពីប្តី តែម្នាក់ឯងនោះទេ ពោលគឺកូនរបស់ ដា ស្រីធី ដែលទើបចាប់កំណើត ក្នុងផ្ទៃបាន ២ ខែ ក៏ត្រូវរលូតទៅវិញ ចំណែកកូនប្រុសដែល ជាបងបង្កើត របស់ ដា ស្រីធី នេះក៏ត្រូវបានគូកំណាន់ជាកូនស្រីអ្នកជិតខាងនោះសុំបែក ដែរ ដោយសារតែគេរើសអើងមកលើគ្រួសារនេះ ។ មិនតែប៉ុណ្ណោះខ្លួន ត្រូវបែកពីកូនស្រីប្អូនឈ្មោះ ដា ស្រីម៉ៅ នោះទៀត ព្រោះ ដា ស្រីម៉ៅ ត្រូវ បានអង្គការក្នុងស្រុកមួយយកទៅចិពឹម្ច និង បណ្តុះបណ្តាលជំនាញវិជ្ជាជីវៈ បន្ទាប់ពីត្រូវដឹងថា នាងត្រូវឪពុកឯងរំលោភនោះ ។

ដោយសារតែភាពអាម៉ាស់ទាំងនេះស្ទើរតែធ្វើឱ្យគ្រួសារមួយនេះមិនហ៊ាន រស់នៅក្បែរអ្នកជិតខាងក្នុងឡឥដ្ឋ ស្រុកពញាឮនេះ ប៉ុន្តែដោយខ្លួននៅជាប់ ជំពាក់ប្រាក់ថៅកែ ១.៥០០ ដុល្លារ ទើបខ្លួនមិនហ៊ានចាកចេញពីទីនោះ ។

ទោះយ៉ាងណា អ្នកជិតខាងខ្លះបាននិយាយពេបជ្រាយ ប៉ុន្តែអ្នកជិត ខាងខ្លះបានសម្តែងការអាណិតអាសូរមកលើគ្រួសារនេះទេ ហើយបានរិះ គន់បុរសនេះថា ស្រវឹងស្រារករឿងប្រពន្ធកូនគ្មានលស់ថ្ងៃ សូម្បីអ្នកជិតខាង ក៏មិនត្រូវជាមួយគេដែរ ។

ទាំងម្តាយ ទាំងកូនស្រី គឺសុទ្ធតែអំពាវនាវឱ្យតុលាការដាក់ទោសឪពុក និង ប្តីតិរច្ឆាននេះ អស់មួយជីវិត ដោយសារ តែឪពុកនេះគំរាមថា ពេល ចេញពីគុកនឹងសម្លាប់ផ្តាច់ពូជ ៕

សឿ សុធារ៉ា ឆ្លងទន្លេបានបុត្រីនៅមន្ទីរពេទ្យរ៉ូយ៉ាល់រតនៈ

2011-01-26T03:20:00.000-08:00

រាជធានីភ្នំពេញ ៖ លោកសាពូន មីដាដា និងអ្នកនាងសឿ សុធារ៉ា ដែលជាតារាចំរៀងគូស្វាមី-ភរិយាបានផ្តល់កំណើតឱ្យទារិកាដ៏ផូរ ផង់ម្នាក់ បន្ទាប់ពីចាប់ដៃគ្នាចូលរោងការអស់រយៈពេលជាង១ឆ្នាំមកហើយ ។ ការទទួលបានទារិកានេះធ្វើឱ្យលោកសាពូន មីដាដា រំភើបចិត្តយ៉ាងខ្លាំងរហូតដល់និយាយមិនចង់ចេញ ព្រោះតែសប្បាយចិត្តខ្លាំងពេក។ ចំណងដៃអាពាហ៍ពិពាហ៍ដែលមិនអាចកាត់ថ្លៃបានសំរាប់គូស្វាមីភរិយា ដ៏ស្រស់សោភា១គូនេះគឺជាកូនស្រីជាទីស្រលាញ់ម្នាក់ ហើយមិនសូវមានអ្នកដឹងច្រើនទេ ។ លោកសាពូន មីដាដា និងអ្នកនាងសឿ សុធារ៉ា ដាក់ឈ្មោះឱ្យកូន បន្ទាប់ពីសំរាលបាន១ថ្ងៃ គឺឈ្មោះថា សាពូន ដារ៉ាពិមាន។ លោកសាពូន មីដាដា ប្រាប់ថា កូនស្រីជាទីស្រឡាញ់របស់លោកកើតនៅថ្ងៃទី២១ មករា វេលាម៉ោង៩ និង៣០នាទីព្រឹក នៅមន្ទីរពេទ្យរ៉ូយ៉ាល់រតនៈក្នុងរាជធានីភ្នំពេញ។ លោកប្រាប់ថា ក្នុងគ្រាដំបូងដែលលោកបានធ្វើជាឪពុកគេបែបនេះធ្វើឱ្យរូបលោក សប្បាយចិត្តយ៉ាងខ្លាំង គឺរកអ្វីមកប្រៀបផ្ទឹមពុំបានឡើយ។
លោក ប្រាប់ថា ដោយហេតុតែលោកចង់ឃើញមុខកូនជាទីស្រឡាញ់របស់លោកថាតើស្រស់ស្អាត យ៉ាងណា មុនពេលសំរាល១ថ្ងៃ លោកមិនហ៊ានគេងទេ ហើយក៏មិនហ៊ានដើរទៅណាឆ្ងាយដែរ។ លោកទន្ទឹងរង់ចាំយ៉ាងអន្ទះសា លុះនៅវេលាម៉ោង៩ និង៣០នាទីព្រឹក គ្រូពេទ្យប្រាប់ថា កូនរបស់លោកកើតមកហើយៗអនុញ្ញាតឱ្យរូបលោកចូលបន្ទប់សំរាល។ ដើម្បី បង្កើនក្តីស្រលាញ់រវាងឪពុក និងកូន លោកគ្រូពេទ្យបានអនុញ្ញាតឱ្យលោកជាអ្នកកាន់កន្ត្រៃកាត់ទងសុករបស់ កូនដោយខ្លួនឯង។ ដំបូងលោកមិនហ៊ានកាត់ទេ ព្រោះខ្លាចកូនឈឺ តែត្រូវលោកគ្រូពេទ្យប្រាប់ថា មិនអីទេ ។

លោកថ្លែងទាំងរំភើបថា នៅពេលលោកបានឃើញកូនរបស់លោកភ្លាម គឺលោកមានអារម្មណ៍រំភើបសប្បាយចិត្តហួសពីការស្មាន ។ លោកបានប្រាប់ថា ចាប់ពីថ្ងៃនេះទៅ លោកបានធ្វើជាឪពុកគេហើយ។ លោកត្រូវបានអនុញ្ញាតឱ្យលើកកូនពមុនគេ។ លោកសំលឹងមើលមុខកូនមិនព្រិចភ្នែក គឺមើលមិនឆ្អែតឡើយ ទាល់តែលោកគ្រូពេទ្យថា បានហើយទើបលោកព្រមដាក់ចុះ។
លោក ប្រាប់ថា សុខភាពម្តាយកូន គឺល្អខ្លាំងណាស់ ដោយសារតែការថែទាំរបស់មន្ទីរពេទ្យរ៉ូយ៉ាល់រតនៈល្អមិនចាញ់ មន្ទីរពេទ្យនៅក្រៅប្រទេសឡើយ។ ពីមុនលោកមិនបានគិតថា មន្ទីរពេទ្យស្រុកខ្មែរមានវេជ្ជបណ្ឌិតល្បីៗ មានការថែទាំល្អ និងបន្ទប់សំរាកល្អបែបនេះសោះ ។ នៅពេលលោកឮតាមរយៈមិត្តភក្តិរួចមក លោកសំរេចចិត្តជ្រើសរើសយកមន្ទីរពេទ្យរ៉ូយ៉ាល់រតនៈតែម្តង។ លោកគិតថាកូនដំបូងបែបនេះមិនអាចធ្វេសប្រហែសឡើយ។

លោកសាពូន មីដាដា ប្រាប់ថា លោកធ្លាប់ឃើញមន្ទីរពេទ្យនៅបារាំង ឬបណ្តាប្រទេសផ្សេងៗទៀត បើនិយាយពីបច្ចេកទេសមិនលើសគ្នាទេ តែបើនិយាយពីសេវាកម្មវិញនោះគឺចាញ់ស្រុកខ្មែរ ជាពិសេសមន្ទីរពេទ្យរ៉ូយ៉ាល់រតនៈដែលលោកបានឃើញផ្ទាល់ភ្នែកតែ ម្តង។ សូម្បីបន្ទប់សំរាកមិនត្រឹមតែស្អាតមានអនាម័យល្អប៉ុណ្ណោះទេ គឺធំទូលាយអាចទទួលបងប្អូនមកសួរសុខទុក្ខបានរហូតជិត២០នាក់ឯ ណោះ ។ ចំពោះការមើលថែទាំរបស់លោកគ្រូពេទ្យបានល្អខ្លាំងណាស់។ គ្រូពេទ្យបានចែកការងារគ្នា រៀងៗខ្លួន អ្នកដែលមើលថែម្តាយផ្សេង និងមើលថែទារកផ្សេងទៀតមិនឡូកឡំគ្នាទេ ។ ចំណែកអ្នកទៅកំដរមិនពិបាកធ្វើនេះ ឬធ្វើនោះ គឺមន្ទីរពេទ្យេមិនឱ្យយើងខ្វល់ខ្វាយឡើយ។ ដូច្នេះអ្វីដែលលោកបានឃើញពេលនេះពិតជាល្អខ្លាំងណាស់ ហើយអ្វីដែលធ្វើឱ្យលោករឹតតែមានការចាប់អារម្មណ៍ថែមទៀតនោះគឺ សេវាថែទាំបានល្អឥតខ្ចោះ។ មន្ទីរពេទ្យរ៉ូយ៉ាល់ រតនៈ សាងសង់ឡើងតាមស្តង់ដាអន្តរជាតិមានលោកវេជ្ជបណ្ឌិតជំនាញៗគ្រប់ ផ្នែកទាំងអស់ ឯតំលៃថោកសមរម្យទៀត៕

ភ្ញៀវកូនកំលោះកូនក្រមុំវាយតប់គ្នាផ្អើលរោងការនៅអូររាំងឪ

2011-01-26T03:17:00.000-08:00

ខេត្តកំពង់ចាម ៖ ក្នុងពិធីមង្គលការមួយកាលពីថ្ងៃទី២៣ មករា នៅភូមិថ្មី ឃុំគងជ័យ ស្រុកអូររាំងឪ ខណៈកំពុងរៀបចំកាត់នំអាពាហ៍ពិពាហ៍នាវេលាម៉ោង៧និង៤៥នាទីយប់ ស្រាប់តែភ្ញៀវដែលចូលរួមបានឈ្លោះដេញវាយតប់គ្នាផ្អើលពេញរោង ការ បណ្តាលឱ្យបុរសម្នាក់រងរបួសក្បាលរយះហូរឈាមដេរចំនួន៦ថ្នេរ ហើយក្រោមកិច្ចអន្តរាគមកន៍របស់កំលាំងប៉ុស្តិ៍រដ្ឋបាលឃុំគងជ័យ ក៏បានឃាត់ខ្លួនជនសង្ស័យចំនួន៤នាក់ បញ្ចូនមកកាន់ស្នងការដ្ឋាននគរបាលខេត្ត ។ ទោះបីជាយ៉ាងណា ជម្លោះនោះមិនបានរំខានសេចក្តីសុខរបស់កូនកំលោះ និងកូនក្រមុំទេ ខណៈក្រុមជម្លោះត្រូវដេកឱ្យមូសខាំនៅប៉ុស្តិ៍ប៉ូលិស ។

តាមលោកអនុសេនីយ៍ឯក ញ៉ែម សុខុម អធិការនគរបាលស្រុកអូររាំងឪ បានឱ្យដឹងថា ជនចំនួន៤នាក់ដែលត្រូវឃាត់ខ្លួននោះរួមមាន ១-ឈ្មោះជិន សារ៉ន ភេទប្រុស អាយុ២៤ឆ្នាំ រស់នៅភូមិតាទប់ ឃុំជាំតាម៉ៅ ស្រុកមេមត់ ២-ឈ្មោះហួរ ជិនហេង ភេទប្រុស អាយុ៣៣ឆ្នាំ រស់នៅភូមិការ៉ាស ឃុំស្នួល ស្រុកស្នួល ខេត្តក្រចេះ ៣-ឈ្មោះហេង សំអាត ភេទប្រុស អាយុ២៦ឆ្នាំ រស់នៅភូមិអូររាម ឃុំស្រែខ្ទុំ ស្រុកកែវសីមា ខេត្តមណ្ឌលគីរី និង៤-ឈ្មោះហួរ ឡៃ ភេទប្រុស អាយុ២៥ឆ្នាំ នៅភូមិម៉ាស៊ីនទឹក ឃុំតាមូង ស្រុកមេមត់ ។

លោកអធិការបានបន្តថា មុនមានពិធីកាត់នំអាពាហ៍ពិពាហ៍ ពិធីករបានប្រកាសតាមមីក្រូឱ្យភ្ញៀវដែលមកចូលរួមរៀបចំ កន្លែងឱ្យបានត្រឹមត្រូវ ដើម្បីអបអរសាទរដល់គូស្វាមីភរិយាថ្មីខណៈនោះស្រាប់តែមាន ជម្លោះកើតឡើងបង្កភាពរញ៉េរញ៉ៃដោយភ្ញៀវដេញវាយតប់គ្នាផ្អើលពេញ រោងការ ។ នៅក្នុងហេតុការណ៍នេះ បណ្តាលឱ្យបុរសម្នាក់ឈ្មោះរ៉េន ផារី អាយុ៣៣ឆ្នាំ រស់នៅភូមិថ្មី ឃុំគងជ័យ ស្រុកអូររាំងឪ រងរបួសរយះក្បាលដេរចំនួន៦ថ្នេរ ។ ក្រោមកិច្ចអន្តរាគមន៍របស់កំលាំងប៉ុស្តិ៍រដ្ឋបាលឃុំគងជ័យ ទាន់ពេលវេលាក៏ចាប់បានជនសង្ស័យចំនួន៤នាក់ បញ្ជូនមកកាន់ស្នងការដ្ឋាននគរបាលខេត្ត ហើយពិធីកាត់នំមិនបានអាក់ខាននោះទេ គឺបានដំណើរការទៅមុខទៀតទាល់តែចប់កម្មវិធី ។

អ្នករងគ្រោះឈ្មោះរ៉េន ផារី បានបំភ្លឺប្រាប់ថា នៅពេលពិធីករប្រកាសឱ្យភ្ញៀវទាំងអស់ថយចេញពីតុកាត់នំចំនួន២០ជំហាន ស្រាប់តែភ្ញៀវខាងកូនកំលោះបានស្រែកជេរប្រមាថពិធីករថា «ថយក្រោយ២០ជំហាន ម៉ែអ្ហែងអី!» និងខ្លះទៀតស្រែកថា បើថយក្រោយ២០ជំហាន នឹងដល់របងផ្ទះគេហើយ។ ខណៈស្តាប់ឮបែបនេះខ្លួនក៏បានដើរទៅប្រាប់ថា បើគេនិយាយខុសតិចតួចកុំប្រកែប្រកាន់អី ព្រោះសុទ្ធតែគ្នាយើងទេ រំពេចនោះស្រាប់តែភ្ញៀវខាងកូនកំលោះបានស្រែកជេរខ្លួន ហើយខ្លួនក៏ដើរទៅសួរនាំថា «គ្រាន់តែខ្ញុំនិយាយបែបនេះ ហេតុអ្វីបានជាជេរម្រ៉ាយខ្ញុំ» ។ បន្ទាប់មកស្រាប់តែក្រុមនោះបានស្ទុះមកវាយខ្លួនយ៉ាងចាស់ដៃ បណ្តាលឲ្យរងរបួសរយះក្បាលហូរឈាមដេរ៦ថ្នេរ ដែលករណីនេះខ្លួនប្តឹងទារសំណងជំងឺចិត្តចំនួន៥០០ដុល្លារ និងឲ្យចាត់ការតាមច្បាប់។

ឯជនសង្ស័យឈ្មោះហួរ ឡៃ បានឆ្លើយថា ខ្លួនមកពីស្រុកមេមត់មកការបងប្អូននៅភូមិថ្មី ឃុំគងជ័យ ដោយមានគ្នាចំនួន៦នាក់ ក្នុងនោះស្រី្ត២នាក់។ នៅវេលាម៉ោងជាង៧យប់ ខណៈកំពុងអង្គុយផឹកនៅក្នុងរោងការ ស្រាប់តែមានមនុស្សម្នាក់មិនស្គាល់ឈ្មោះមកលើកយកស្រាបៀរចំនួន៥ កំប៉ុងពីតុរបស់ខ្លួន ដែលឃើញបែបនេះខ្លួនក៏តាមទៅសុំយកមកវិញ ប៉ុន្តែដើរបានប្រហែល២០ម៉ែត្រប៉ុណ្ណោះ ស្រាប់តែមានមនុស្សប្រហែលជិត១០នាក់មកព្រួតវាយខ្លួន ហើយត្រូវបានមិត្តភក្តិស្ទុះមកជួយឃាត់ និងប្រវាយប្រតប់គ្នាផ្អើលពេញរោងការតែម្តង លុះបន្តិចក្រោយមកក៏ត្រូវសមត្ថកិច្ចចាប់ខ្លួនតែម្តង។ លោករី ប៉ូ មន្រ្តីនគរបាលព្រហ្មទណ្ឌកំរិតស្រាលខេត្ត បានឱ្យដឹងតាមទូរស័ព្ទថា ជនសង្ស័យទាំង៤នាក់ខាងលើនេះ ត្រូវបានបញ្ជូនទៅសាលាដំបូងខេត្ត៕

ប៉ូលិសព្រហ្មទណ្ឌខេត្តឃាត់ខ្លួនជនទំនើងបង្កការអុកឡុកពេលបុណ្យទាន

2011-01-26T03:15:00.000-08:00

ខេត្តកំពង់ស្ពឺ ៖ ប៉ូលិសការិយាល័យកណ្តាលនគរបាលព្រហ្មទណ្ឌខេត្ត កាលពីថ្ងៃទី២៣ មករា កន្លងទៅនេះ បានឃាត់ខ្លួនជនទំនើងចំនួន៥នាក់ នៅកន្លែងផ្សេងៗគ្នាដែលបង្កអំពើហិង្សាដោយចេតនា ។ មន្ត្រីប៉ូលិសព្រហ្មទណ្ឌកំរិតស្រាលនៃការិយាល័យកណ្តាលនគរបាល ព្រហ្មទណ្ឌបានឱ្យដឹងថា ប៉ូលិសតាមស្រុកបានធ្វើការល្បាតគ្រប់ពេលមានបុណ្យទាន ហើយតែតែចាប់ឃាត់ខ្លួនជនពាលទំនើងដែលបង្កការអុកឡុកធ្វើ ឱ្យបាត់បង់សណ្តាប់ធ្នាប់សាធារណៈ និងបង្កការភ័យខ្លាច ។ ជាក់ស្តែងនៅស្រុកឧដុង្គ ជនទំនើងចំនួនពីរនាក់ ត្រូវបានឃាត់ខ្លួន ហើយនៅស្រុកភ្នំស្រួច ពីរនាក់ និងនៅស្រុកគងពិសីម្នាក់ ។ ជនទំនើងទាំង៥នាក់នេះ សុទ្ធតែបង្កការអុកឡុកក្នុងពិធីបុណ្យដារលានដោយប្រើវិធីផឹក ស្រាស្រវឹង ហើយផ្តើមអុកឡុកធ្វើឱ្យផ្អើលមហាជនក្នុងពិធីបុណ្យ ។

ជនទាំង៥នាក់នេះ ១-ឈ្មោះសឿន ថុល ភេទប្រុស អាយុ២២ឆ្នាំ នៅភូមិត្រពាំងស្មាច់ ឃុំដំណាក់រាំង ស្រុកឧដុង្គ ២-ឈ្មោះអុន សល់ ភេទប្រុស អាយុ២៥ឆ្នាំ នៅភូមិខ្សាច់ពូន ឃុំដំណាក់រាំង ស្រុកឧដុង្គ ៣-ឈ្មោះម៉ាក់ រុំ ភេទប្រុស នៅភូមិក្រាំងពន្លៃ ឃុំគីរីវ័ន ស្រុកភ្នំស្រួច ៤-ឈ្មោះម៉ាន កៃ ភេទប្រុស អាយុ២៣ឆ្នាំ នៅភូមិទី៦ ចំការចេក ឃុំត្រែងត្រយឹង ស្រុកភ្នំស្រួច និង៥-ឈ្មោះលូន សុខហេង ភេទប្រុស អាយុ២៥ឆ្នាំ នៅភូមិបាក់.ក ឃុំព្រៃញាតិ ស្រុកគងពិសី ។

អ្នកទាំង៥នាក់ បានសារភាពប្រាប់សមត្ថកិច្ចថា ដោយការសប្បាយផឹកស្រាច្រើនក៏នឹកឃើញរឿងសងសឹកគូបដិបក្សកាល ពីឆ្នាំមុនដែលនៅរដូវបុណ្យកឋិនត្រូវគេវាយបែកក្បាល ឥឡូវជួបគ្នា ក៏សងសឹកវាយឱ្យបែកក្បាលវិញដែរ ។ ជនឈ្មោះលួន សុខហេង បាននិយាយថា ខ្លួនស្រវឹងខ្លាំងពេលបុណ្យដារលាននោះ ហើយដោយគ្មានគូប្រជែងវ៉ាយគ្នាក៏យកដំបងវាយរបងផ្ទះគេ បណ្តាលឱ្យខូចខាតទ្រព្យសម្បត្តិអ្នកដទៃ ។ ជាមួយនឹងការឃាត់ខ្លួននេះសមត្ថកិច្ចប៉ូលិសបានរឹបអូសដាវ កាំបិត និងដំបងជាវត្ថុតាង ហើយកសាងសំណុំរឿងបញ្ជូនទៅសាលាដំបូងខេត្ត ៕

បុរសពីរនាក់ត្រូវនគរបាលឃាត់ខ្លួនសង្ស័យចែកចាយថ្នាំញៀន

2011-01-26T03:10:00.000-08:00

រាជធានីភ្នំពេញ ៖ នគរបាលផ្នែកព្រហ្មទណ្ឌខណ្ឌដូនពេញ បានឃាត់ខ្លួនបុរសពីរនាក់នៅចំណុចផ្លូវលេខ១១៨ កែងផ្លូវលេខ១៩ សង្កាត់ផ្សារចាស់ ខណ្ឌដូនពេញ កាលពីវេលាម៉ោង៦និង១០នាទីល្ងាច ថ្ងៃទី២៥ មករា ក្រោយពីសមត្ថកិច្ចឆែកឆេររកឃើញម្សៅថ្នាំញៀនពណ៌ស មួយកញ្ចប់ ។ ជនសង្ស័យចែកចាយថ្នាំញៀនដែលឃាត់ខ្លួន ១-ឈ្មោះឆា សំណាង ភេទប្រុស អាយុ២៥ឆ្នាំ មុខរបររត់ម៉ូតូឌុប ស្នាក់នៅផ្ទះជួលប្លុកបឹងកក់ សង្កាត់ស្រះចក ខណ្ឌដូនពេញ និង២-ឈ្មោះសែត សុវណ្ណី ភេទប្រុស អាយុ២១ឆ្នាំ ស្នាក់នៅផ្ទះជួល ផ្លូវលេខ១៤៤ សង្កាត់ផ្សារកណ្តាលទី២ ខណ្ឌដូនពេញ ។

យោងតាមរបាយការណ៍សមត្ថកិច្ចឱ្យដឹងថា នៅថ្ងៃទី២៥ មករា ឆ្នាំ២០១១ វេលាម៉ោង៦និង១០នាទីល្ងាច កំលាំងនគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូន ពេញ បានឃាត់ខ្លួនបុរសពីរនាក់នៅចំណុចកែងផ្លូវលេខ១១៨ និង១៩ ស្ថិតក្នុងសង្កាត់ផ្សារចាស់ ខណ្ឌដូនពេញ ខណៈពេលជនទាំង២នាក់នោះកំពុងតែជិះម៉ូតូមួយគ្រឿងម៉ាកវ៉េវ ពណ៌ស្លែ ពាក់ស្លាកលេខONU-2283។ ដោយមានការសង្ស័យសមត្ថកិច្ចជំនាញបានហៅឱ្យពួកគេឈប់ ហើយធ្វើការឆែកឆេរក៏រកឃើញថ្នាំញៀនប្រភេទក្រាមពណ៌សថ្លា (ម៉ាទឹកកក) មួយកញ្ចប់នៅចង្កេះខោជនសង្ស័យឈ្មោះសែត សុវណ្ណី ដែលអង្គុយខាងក្រោយ ។ បច្ចុប្បន្នជនសង្ស័យទាំងពីរនាក់ខាងលើត្រូវបានឃាត់ខ្លួនបណ្តោះ អាសន្ននៅអធិការដ្ឋាននគរបាលខណ្ឌដូនពេញ ដើម្បីចាត់ការតាមនីតិវិធី៕

ឈិត សុជាតា ប្រកាស់លក់ផ្ទះ១០ ម៉ឺនដុល្លារ

2010-12-25T03:33:00.000-08:00

តារាសម្តែងនិងជាពិធីការិនីទូរទស្សន៍ មេម៉ាយវ័យក្មេងសាច់ស្រស់ផូរផង់ សិចស៊ីឈិតសុជាតាបានប្រកាសជូន ដំណឹងតាម រយៈការបិទប្រកាសថាផ្ទះរបស់នាងម្តុំ ឆាយណា ថោន ជាប់របងស្តាតចាស់ត្រូវការ លក់បន្ទាន់ ក្នុងតម្លៃតែ ១០ ម៉ឺនដុល្លារ ។ ផ្ទះនេះមានកម្ពស់ ២ ជាន់ដែលសព្វថ្ងៃជាទីស្នាក់ការក្រុមហ៊ុនទេសចរណ៍ របស់នាង ។ នាងនិយាយប្រាប់គេថា តម្លៃ ១០ ម៉ឺនគឺជាតម្លៃដើម ពីព្រោះនាងក៏ទិញក្នុងតម្លៃនេះដែរ ប៉ុន្តែនាងអាចចុះបន្តិចបន្តួចទៀត ពីព្រោះនាងត្រូវការលក់បន្ទាន់យកលុយទៅធ្វើអ្វីផ្សេងៗ ។
តើនាងលក់យកលុយទៅធ្វើអ្វី ? ឈិត សុជាតា ប្រាប់ថាធ្វើផ្ទះថ្មីធំជាងនេះហើយទីតាំងល្អជាងនេះទៀត ។

ហ៊ានក្បត់ចិត្តអូនផង

2010-12-25T03:29:00.000-08:00

អគតិឆ្កួតជឿលើទំនាយ ហោរគ្មានការត្រិះរិះពិចារណា រកហេតុផល ដែលកាប់ សម្លាប់ប្តីឯង រួចប្រមូលទ្រព្យសម្បត្តិ មានតម្លៃរត់គេចខ្លួនបាត់នោះឈ្មោះ ងួន វន អាយុ ៤៩ ឆ្នាំ ឯស្វាមីឈ្មោះ ចិន ជីម អាយុ ៤២ ឆ្នាំ មានទីលំនៅភូមិត្រពាំងស្នោ ឃុំពញ្ញាពន់ ស្រុកពញ្ញាឮ ខេត្ត កណ្តាល ។
លោក យាយ ព្រឿង មុត វ័យ ៧០ ឆ្នាំ ជាម្តាយបង្កើតរបស់ជនរងគ្រោះ ចិន ជីម ជាប្តីបានឱ្យដឹងថា ស្ត្រីជាប់ ចោទឈ្មោះ ងួន វន នេះជាកូនប្រសាក្រោយទេ បន្ទាប់ពីប្រពន្ធដើមកូនគាត់ស្លាប់ គាត់ក៏ដណ្តឹងនាងរៀបការជាមួយកូនប្រុសរបស់គាត់តែម្តង ។
កូនប្រុសរបស់គាត់ដែលស្លាប់នេះមានភរិយាពីរនាក់ប្រពន្ធដើមឈ្មោះ ភន រឿង (ស្លាប់កាលពីឆ្នាំ ១៩៨៩) បានកូនប្រុសម្នាក់ឈ្មោះ ចិន គង់ ។ ក្រោយពីកូនប្រសាស្លាប់ រូបគាត់ក៏រៀបការប្រពន្ធឱ្យមួយទៀតគឺនាង ងួន វន នេះ ដែលនាងមានស្រុកកំណើតនៅឯសង្កាត់ឃ្មួញ ខណ្ឌសែនសុខ ឯណោះ និង បានកូនពីរនាក់បន្ថែមទៀត គឺកូនប្រុស ឈ្មោះ ចិន ថូ អាយុ ១៨ ឆ្នាំ និង កូនស្រីពៅ ឈ្មោះ ចិន វិន វ័យ ១៥ ឆ្នាំ ។
កូនប្រុសរបស់គាត់ម្នាក់នេះប្រសប់រកស៊ី និង ស្រឡាញ់ប្រពន្ធណាស់ មិនដែលឱ្យប្រពន្ធធ្វើអ្វីធ្ងន់ក្រៅពីមើលរៀបចំផ្ទះសម្បែង ថែកូនៗនោះទេ សូម្បីតែស្រូវស្រែក៏ពុំដែលឱ្យចុះ ជួយដកស្ទូង ច្រូតកាត់ដែរ គឺសុខចិត្តរ៉ាប់រ៉ងម្នាក់ឯងទាំងអស់ គ្រាន់តែចូលចិត្តផឹកស្រាបន្តិចប៉ុណ្ណោះ ជាមួយគ្នានោះក៏ចូលចិត្តលេងសើចច្រើនផងដែរ ។ កូនប្រសាស្រីរបស់គាត់មួយនេះមួយថ្ងៃៗគ្មានរវល់អ្វីក្រៅអំពីប្រចណ្ឌប្តី និង ស្វែងរកគ្រូទាយនោះទេ ហើយឱ្យតែត្រឡប់ពីរកហោរគន់គូរមើលវិញនោះ តែងមកនិយាយប្រាប់គាត់ថា “កូនម៉ែឯងមានស្រីក្មេង លួចលាក់នៅទីនេះកន្លែងនោះរាល់លើក លុះគាត់សួរបញ្ជាក់ថា ដឹងមកពីណា ? នាងបានឆ្លើយថា គ្រូទាយថាអ៊ីចឹង” ។ រយៈពេលប៉ុន្មានខែនេះកូនប្រសាតែងឱ្យកូន និង ឧស្សាហ៍ពឹងបងប្អូនក្មួយឌុបជូនទៅរកគ្រូណាស់ស្ទើររាល់ថ្ងៃ និង តែងនិយាយប្រាប់ថា “កូនម៉ែងឯងមានស្រីក្មេងហើយ ស្រីនោះសក់ក្រហមទៀតផង” ។ គាត់ក៏មិនដេញដោលដែរ លុះរំលងអធ្រាត្រថ្ងៃទី ១៩ ខែធ្នូ ឆ្នាំ ២០១០ ស្រាប់តែចៅស្រីរត់ទៅប្រាប់យ៉ាងត្រហេបត្រហបថា ម៉ែកាប់ពុកស្លាប់បាត់ហើយ គាត់រត់ទៅមើល ឃើញកូនប្រសាស្រីកំពុងប្រមូលប្រាក់កាស មាសប្រាក់ បម្រុងគេចខ្លួន គាត់ឃាត់រួចនិយាយថា បើឯងកាប់វាស្លាប់ហើយ នៅធ្វើបុណ្យឱ្យវាសិនទៅ ប៉ុន្តែនាងមិនស្តាប់ឡើយ ហើយថែមទាំងទាញរនាស់រកវាយគាត់ទៀត រួចក៏គេចខ្លួនបាត់ទៅ ។
នាង ចិន វិន អាយុ ១៥ ឆ្នាំ កូនស្រីពៅ ដែលស្ថិតនៅក្នុងហេតុការណ៍នោះ ហើយរងរបួសត្រូវម្តាយកាប់មួយ កាំបិត ខណៈដែលចូលទៅជួយឪពុកបាននិយាយថា ម៉ែជាមនុស្សងប់ងុលជឿគ្រូទាយណាស់ ឱ្យតែមករកគ្រូម្តងៗ ពេលត្រឡប់មកវិញតែងចោទថា ពុកមានស្រីក្មេងរហូត ។ កាលពីថ្ងៃទី ១៩ ខែធ្នូកន្លងទៅនេះ បន្ទាប់ពីមកពីរកគ្រូវិញ ម៉ែក៏អង្គុយសំលៀងកាំបិងប៉័ងតោ រួចរអ៊ូថា ហ៊ានក្បត់លួចមានស្រីក្មេងអញនឹងកាប់ឯងចោល ។ ភ្លាមនោះនាងក៏សួរថា ម៉ែសំលៀងកាំបិតធ្វើអី ស្រាប់តែពុកចូលមកដល់ ម្តាយក៏ឆ្លើយថា ទុកកាប់ឪឯងចោល កុំឱ្យពូកែលួចមានស្រីក្មេងសក់ក្រហមទៀត ហើយពុកក៏សើចរួចសម្រាកក្នុងអង្រឹងទៅ ។

លុះយប់កើតហេតុ ម៉ោងប្រហែលជា ១១ ទៅហើយ ពុកត្រឡប់មកដល់ផ្ទះស្រវឹងដាប ហើយក៏សម្រាកក្នុងអង្រឹង និង ប្រាប់ម៉ែឱ្យបិទទូរទស្សន៍ ។ លុះកន្លះម៉ោងក្រោយមកទើបងើបចូលបន្ទប់ក៏ឮពុកនិយាយថា ចង់ក្អួត ម៉ែប្រាប់ ឱ្យទៅខាងក្រៅទៅកុំក្អួតដាក់ពូក ។ បន្តិចក្រោយមកឮផាំងៗ ពុកស្រែកអូយៗថា ម៉េចម៉ែវាឯងកាប់ខ្ញុំ ម៉ែក៏និយាយថា អញកាប់ឱ្យងាប់កុំឱ្យប៉ិនដើររកស្រីទៀត ។ គ្រានោះនាងក៏ចុះមកឃើញឪពុករត់ជុំវិញផ្ទះ ត្រូវម្តាយតាមចាប់អូសមកកាប់ចិញ្ច្រាំនៅមាត់ទ្វារស្លាប់ទៅ នាងបានចូលទៅជួយដែរ តែត្រូវម៉ែកាប់ចំដៃស្តាំមួយកាំបិតក៏រត់ទៅប្រាប់យាយ ។
ចំណែកលោក ចិន ខែម ប្អូនបង្កើតជនរងគ្រោះបាននិយាយថា មូលហេតុដែលបងថ្លៃកាប់សម្លាប់បងរបស់ លោក គឺបណ្តាលមកពីជឿគ្រូទាយប្រាប់ថា ប្តីលួចមានស្រីក្មេងសក់ក្រហមហ្នឹងឯង ។

ឈើគ្រូញូងនៅរតនគិរីឡើងថ្លៃ ១ ម៉ែត្រគុប ១ ម៉ឺនដុល្លារ

2010-12-25T03:25:00.000-08:00

ប៉ុន្មានថ្ងៃនេះឈើគ្រូញូងនៅខេត្ត រតនគិរីបានឡើងថ្លៃកប់ពពកតែម្តងគឺ ១ ម៉ែត្រ គុបឡើងដល់ ១ ម៉ឺនដុល្លារ ។ ជាធម្មតាឈើ គ្រញូងត្រូវប៉ាន់ ពីព្រោះគេកាប់ពីរតនគិរី និង ស្ទឹងត្រែងយកទៅលក់ ឱ្យវៀតណាមហើយបន្ត ទៅលក់ឱ្យចិន ទៀត ។
តាមព័ត៌មានបានឱ្យដឹងកាលពីម្សិលមិញ្ថ្ងៃទី ២៣ ខែធ្នូថា ឈើគ្រូញូងដែលមានមុខត្រឹម ២ តឹក ឬ ៣ តឹក ហើយប្រវែងពី ៦ តឹកទៅ ១,២ ម៉ែត្រ នៅខេត្តរតនគិរីឡើងដល់ ១ ម៉ឺនដុល្លារក្នុងមួយ ១ ម៉ែត្រគុប ដែលតម្លៃមិនទាន់ ឡើងនោះ ១ ម៉ែត្រគុបថ្លៃ ៧ ពាន់ដុល្លារ ។ ឈើគ្រញូងមានទីផ្សារលក់ណាស់ ប៉ុន្តែនៅខេត្តរតនគិរីអស់ហើយ សូម្បីតែមុខ ១ តឹកក៏មិនសល់ដែរ ។ អ្នករកស៊ីឈើដើរចូលជ្រៅរកគាស់តែគល់គ្រញូងដែលគេកាប់ចោល ១០ ទៅ ២០ ឆ្នាំមុន ។
តាមប្រភពបានឱ្យដឹងថា សព្វថ្ងៃនេះបន្ទាប់ពីមានការចាប់ឈើគ្រញូង ពីផ្ទះមួយកាលពីសប្តាហ៍មុន ហើយរកឃើញ ឈើគ្រញូងរាប់ពាន់ដើមនោះមកស្រាប់តែទីផ្សារគ្រញូងឡើងថ្លៃកប់ពពកតែម្តង ។
សព្វថ្ងៃនេះឈើគ្រញូងនៅបន្តកាប់នៅខេត្តស្ទឹងត្រែង និង ខេត្តក្រចេះ ហើយលួចដឹកឆ្លងទៅវៀតណាម ៕

កែវ នីសានឹងចូលទូរទស្សន៏បុស្តិលេខ៥

2010-12-22T04:00:00.001-08:00

ថ្មីៗនេះ តារាសម្តែង កែវ នីសា បាន ប្រកាសប្រាប់ មិត្តភក្តិតៗគ្នាថា នាងនឹង វិលចូលសិល្បៈវិញនាពេល ឆាប់ៗខាងមុខ ហើយនាងនឹងបង្ហាញខ្លួននៅក្នុងភាពយន្ត នៅក្នុង ស្ថានីយទូរទស្សន៍មួយ។ ប៉ុន្មានខែចុងក្រោយនេះ កែវ នីសា បានភ្ជាប់ទំនាក់ទំនង មិត្តភក្តិសិល្បៈឡើងវិញ ជាក់ស្តែងតាំងពីបាន បង្ហាញខ្លួនក្នុងកម្មវិធីខួប កំណើត តេង លក្ខិណា កាលពីថ្ងៃទី ២០ ខែតុលាមក នាងក៏បានបង្ហាញ ខ្លួនក្នុងកម្មវិធីផ្សេងៗជាបន្តបន្ទាប់ ហើយនៅដំណាច់ខែវិច្ឆិកា នាងបាន លេចមុខក្នុងកម្មវិធីមួយ នៅស្ថានីយទូរទស្សន៍ប៉ុស្តិ៍លេខ ៥ ជាលើកដំបូង បន្ទាប់ពីបាត់មុខជាងមួយឆ្នាំ ដែលកម្មវិធីនោះមានអ្នកនាង សុខា សុធានី ជាពិធីការិនី ។ កែវ នីសា ពិតជាស្រស់ស្អាតប្លែកជាងពេលមុន សាច់ ឈាមទ្រលុកទ្រលន់ សូម្បីតែដើមទ្រូងរបស់នាងក៏ប្រែប្រួលគួរឱ្យចាប់ អារម្មណ៍ណាស់ មិត្តភក្តិរួមអាជីពសុទ្ធតែសរសើរពីសម្រស់នាង ។

មានព័ត៌មានចចាមអារ៉ាមថា កែវ នីសា បានបង្កើតផលិតកម្មមួយ ដែលមានប្រុសស្នេហ៍ជាអ្នកឧបត្ថម្ភ ។ ព័ត៌មានចចាមអារ៉ាមនោះថា ផលិតកម្មនោះនឹងដំណើរការនាពេលឆាប់ៗខាងមុខ មូលហេតុដែល នាងវិលមកវិញគឺដើម្បីផ្សព្វផ្សាយពីផលិតកម្មរបស់ខ្លួន ។ នៅពេលនាង សម្ភាសជាមួយទូរទស្សន៍ប៉ុស្តិ៍លេខ ៥ នាងបាននិយាយថា នាងកំពុង មមាញ្ញឹកនៅក្នុងអាជីពសិល្បៈ ។ តែបើតាមព័តមាននិយាយតៗគ្នាថានាងចូលកាន់កម្មវិធីមួយអោយទូរទស្សន៏លេខ៥។

ចាប់តាំងចាកចេញពីពិភពសិល្បៈ ជីវិត កែវ នីសា កាន់តែធូរធារ នាងរស់នៅក្នុង ជីវភាពមួយខុសប្លែកពីមុន រូបសម្រស់ក៏ស្រស់ស្អាត មានរថយន្តទំនើបជិះ ពេលទៅណាមក ណាមានអ្នកតាមឆ្វេងស្តាំ ៕

អន្លង់ព្រីង នឹងក្លាយជាតំបន់ ទេសចរណ៌ថ្មីនៅខេត្តកំពត

2010-12-22T03:58:00.000-08:00

កំពតជាខេត្តដែលមានសក្តានុពល ទេសចរណ៍យ៉ាងច្រើនរាប់មិនអស់ដើម្បី បម្រើការ ទស្សនារបស់ភ្ញៀវទេសចរជាតិ និងភ្ញៀវទេសចរបរទេស ។ ថ្មីៗ ក្រោយពីរាជរដ្ឋាភិបាលបានសម្រេច ដាក់តំបន់អភិរក្សសត្វក្រៀលបឹងព្រីង ស្រុក កំពង់ត្រាចឱ្យទៅជាតំបន់អភិរក្សកាលពីខែវិច្ឆិកា ឆ្នាំ ២០១០ នេះ ទាំងប្រជាពលរដ្ឋ និង មន្ត្រីទាំងឡាយរបស់ខេត្តកំពត សង្ឃឹមថាតំបន់អភិរក្សមួយនេះនឹងទាក់ទាញភ្ញៀវទេសចរឱ្យមកទស្សនាសត្វក្រៀលកាន់តែច្រើនឡើងៗ ។
បើយើងចង់ធ្វើដំណើរទៅទស្សនាសត្វក្រៀលនៅតំបន់អភិរក្សអន្លង់ព្រីង យើងគ្រាន់តែចេញពីប្រជុំជនស្រុក កំពង់ត្រាចទៅទិសខាងត្បូងប្រមាណជាង ១១ គីឡូម៉ែត្រនោះ យើងនឹងបានឃើញផ្ទៃទឹកយ៉ាងល្ហល្ហេវ និង បានរំលេចទៅដោយហ្វូងសត្វក្រៀលយ៉ាងច្រើនដែលកំពុងដើររកចំណី ។

តំបន់អភិរក្សសត្វក្រៀលមួយកន្លែងស្ថិតនៅអន្លង់ព្រីង ឃុំបឹងសាលា ខាងត្បូង ស្រុកកំពង់ត្រាច ខេត្តកំពត កំពុងធ្វើឱ្យភ្ញៀវជាតិនិងភ្ញៀវអន្តរជាតិ មានការចាប់អារម្មណ៍យ៉ាងខ្លាំង ដោយសារតែតំបន់បឹងនេះមានផ្ទៃល្ហល្ហេវ ដាច់កន្ទុយភ្នែកដែលសម្បូរទៅដោយសត្វស្លាបជាច្រើនប្រភេទ ពិសេសសត្វ ក្រៀលដែលជិតផុតពូជទៅហើយ នោះបានចុះរកចំណីយ៉ាងច្រើននៅក្នុងបឹងនេះ ។ នៅរដូវប្រាំង តំបន់អភិរក្សសត្វក្រៀលអន្លង់ព្រីងនេះគឺជាកន្លែង ដ៏សំខាន់មួយដែលសត្វក្រៀលឆ្លងកាត់ទៅមកពីប្រទេសវៀតណាម មករកចំណីនៅទីនេះ ។

លោក សេក ឈិន មេឃុំព្រែកក្រឹស ស្រុក កំពង់ត្រាច ខេត្តកំពត បានឱ្យដឹងថា តំបន់អភិរក្ស សត្វក្រៀលនៅ អន្លង់ព្រីងនេះមានផ្ទៃដីជាច្រើន ហិកតារ ជាប់ភូមិសាស្ត្រឃុំពីរ គឺឃុំព្រែកក្រឹស និង ឃុំបឹងសាលាខាងត្បូង ស្រុកកំពង់ត្រាច ។ តំបន់អភិរក្សសត្វក្រៀលអន្លង់ព្រីងនេះ ទម្រាំតែដាក់ចូល ទៅជាតំបន់អភិរក្សដែលរដ្ឋទទួលស្គាល់នេះមានការលំបាកណាស់ ។ ចំណុចសំខាន់នោះមានប៉ះញល់ ដីកសិកម្មរបស់ប្រជាពលរដ្ឋ ចុងក្រោយទើបនៅខែ វិច្ឆិកា ឆ្នាំ ២០១០ ត្រូវបានប្រកាសជាផ្លូវការជាតំបន់ អភិរក្ស ព្រោះប្រជាពលរដ្ឋជំទាស់គ្នាដណ្តើមកាន់ កាប់ដីព្រៃលិចទឹកយ៉ាងអនាធិបតេយ្យនៅឆ្នាំ ២០០៩ ជួយការញរឱ្យខាងតែបាន គឺមិនឱ្យជនណាម្នាក់ទៅ បំផ្លាញព្រៃឈើ និង បរបាញ់សត្វក្រៀលដើម្បីកុំឱ្យភិត ភ័យហើរទៅកន្លែងផ្សេងឡើយ ។

ស្ត្រីម្នាក់ឈ្មោះ ហ៊ ធាវ អាយុ ៣៧ ឆ្នាំ នៅ ភូមិកោះត្នោតបឹងសាលាខាងត្បូង ស្រុកកំពង់ត្រាច បានឱ្យដឹងថា អ្នកភូមិមានសង្ឃឹមច្រើនថានឹងមានភ្ញៀវ ជាតិ-អន្តរជាតិមកកម្សាន្តនៅទីនេះ ក្រោយពីតំបន់ នេះបានត្រូវដាក់ បញ្ចូលជាផ្លូវការ ពិសេសគឺអ្នកទេសចរ ចង់ឃើញហ្វូងសត្វក្រៀលនេះតែម្តង ។ បើភ្ញៀវមកទស្សនាកាន់តែច្រើន ពួកគាត់ ក៏អាចនឹងបង្កើតតូបលក់ដូរនៅតាមផ្លូវ ហើយរកកម្រៃបានច្រើនមិនខានឡើយ ។

លោក សយ ស៊ីណុល ប្រធានមន្ទីរទេសចរណ៍ខេត្តមានប្រសាសន៍ថា តំបន់ អភិរក្សសត្វក្រៀល អន្លង់ព្រីង នៅស្រុកកំពង់ត្រាចក៏បានដាក់ញក្យជាផ្លូវការរួច ហើយ វាជារមណីយដ្ឋានទេសចរណ៍មួយ ដែលមានមនុស្សម្នានាំគ្នាទៅកម្សាន្ត នៅទីនោះហើយប្រជាពលរដ្ឋក៏រកចំណូលបានពីភ្ញៀវទេសចរផងដែរ ។

លោក អ៊ឹម ស៊ីណាត អភិបាលស្រុកកំពង់ត្រាចមានប្រសាសន៍ថា ផ្ទៃដីសម្រាប់ អភិរក្សសត្វក្រៀលមានចំនួន ២១៧ ហិកតារ ដែលស្ថិតនៅក្នុងការតាមឃ្លាំមើល របស់អាជ្ញាធរ ហើយនិងអង្គការសង្គ្រោះសត្វស្លាបបានឃ្លាំមើល និង តាមដាន ឃើញមានចំនួនសត្វក្រៀលមិនលើសពី ៣០០ ក្បាល មកចុះរកស៊ីមើមផ្លុងនៅក្នុងបឹង ហើយរដូវវាចុះច្រើន គឺចាប់ពីខែមិថុនា ដល់ខែវិច្ឆិកា ។ រយៈពេលនេះហើយដែលភ្ញៀវទេសចរអាចទស្សនាក្រៀលច្រើនជាងគេ បង្អស់នៅទីនោះ ។

លោក ស៊ុយ ធា ប្រធានមន្ទីរបរិស្ថានខេត្តកំពតបានឱ្យដឹងថា លោកបានសាងសង់ស្នាក់ការមួយនៅ មាត់បឹងដើម្បី ឃ្លាំមើល និង តាមដានសត្វក្រៀលជានិច្ច ហើយមន្ទីររបស់លោកបានចូលរួមការញរធនធានធម្មជាតិនៅទីនោះ ឱ្យគង់វង្សល្អ ។

លោក ហង់ ភឿង នាយសង្កាត់រដ្ឋបាលព្រៃឈើស្រុកឈូក និង ទទួល ទិសមួយផ្នែកទៀតការពារអភិរក្សសត្វក្រៀលនៅស្រុកកំពង់ត្រាចមានប្រ-សាសន៍ថា តំបន់អភិរក្សសត្វក្រៀលនៅអន្លង់ព្រីងនេះកើតឡើងនៅ ក្នុងឆ្នាំ ២០០៤ ប៉ុន្តែកាលនោះ សត្វក្រៀលមិនទាន់ចុះមកច្រើនទេ ទើបតែឆ្នាំ ២០០៧ រហូតដល់ឆ្នាំ ២០១០ នេះ សត្វក្រៀលមានការកើនឡើងរហូតទៅដល់ជាង ៣០០ ក្បាល នេះបើតាមការឃ្លាំមើលពីអង្គការសង្គ្រោះសត្វស្លាបសហការជាមួយ មន្ត្រីរដ្ឋបាលព្រៃឈើ ។ សត្វក្រៀលមិនបានចុះជាប់ជាប្រចាំនៅអន្លង់ព្រីងនោះ ទេ គឺចាប់ពីខែវិច្ឆិកា សត្វទាំងនោះត្រូវនាំគ្នាហើរចុះទាំងហ្វូងៗ លុះដល់ខែ មិថុនា ពួកវាបានហើរត្រឡប់ទៅវិញ ។ ឥឡូវនេះ អង្គការអភិរក្សសត្វស្លាប ក៏ដូចជាមន្ត្រីរដ្ឋបាលព្រៃ ឈើខេត្តបានឱ្យកងនគរបាលការញរព្រំដែនគោកវ រសេនាតូចលេខ ៦០១ ដែលឈរជើងនៅទីនោះជា អ្នកជួយួការញរការបាញ់សម្លាប់សត្វដ៏កម្រនេះ ។

តំបន់អភិរក្សសត្វក្រៀលអន្លង់ព្រីងនេះជាតំបន់ មួយដែលស្ថិតនៅជាប់បន្ទាត់ព្រំដែនប្រទេសវៀតណាម ហើយត្រូវបានគណៈរដ្ឋមន្ត្រីអនុម័តជាផ្លូវការ នៅខែវិច្ឆិកា ឆ្នាំ ២០១០ នេះ ។ សត្វក្រៀលគឺជា ប្រភេទសត្វដែលត្រូវបានគេ កត់ត្រាក្នុងសៀវភៅ ក្រហមពិភពលោកថា ជាសត្វដ៏កម្រ និង ជិតផុតពូជ ទៅហើយនៅលើភពផែនដីយើងនេះ ៕

អាស្លី ខូល មានស្នេហ៍ថ្មីជាតួឯក Play Boy

2010-12-22T03:57:00.001-08:00

ស្រីស្នេហ៍ថ្មីរបស់កីឡាករបាល់ទាត់ ក្លឹបឆេលស៊ី អាស្លី ខូល គឺនាង Kayla Collins ដ៏ស្រស់ប្រិមប្រិយ ។ នាងជា តារាបង្ហាញម៉ូដរបស់ទស្សនាវដ្តី Play Boy ហើយសព្វថ្ងៃជាអ្នកកាន់កម្មវិធី I'm A Celeb ។
ពួកគេទាំងពីរនាក់ទើបតែបានស្គាល់គ្នានៅថ្ងៃទី ១៦ ខែធ្នូ ថ្មីៗនេះ ។ កាលនោះកីឡាករ ខូល បានទៅលេងនៅ Funky Bnddha ជាមួយមិត្តភក្តិមួយចំនួន ហើយនាង Collins ក៏នៅទីនោះចូលរួមថ្ងៃបុណ្យកំណើតរបស់អ្នកគ្រប់គ្រងក្រុមហ៊ុន ។ ក្រោយពីបានស្គាល់គ្នាមកនាង Collins បានវិលត្រឡប់មកអាមេរិកវិញ ។
ឥឡូវពួកគេទាំងពីរនាក់ស្រឡាញ្ញ់គ្នាហើយនឹងរៀបការជាមួយគ្នា ។ ខូល បានលែងលះជាមួយនាង ឈឺរីល កាលពីថ្មីៗនេះបន្ទាប់ពីបានរួមរស់ជាមួយគ្នាអស់ ៤ ឆ្នាំ ៕

ក្មេងស្រីអាយុ11ឆ្នាំពពោះ7ខែ

2010-12-22T03:53:00.000-08:00

នៅពេលដែលយើងទាំងអស់ គ្នាបានឮថា កុមារីអាយុ ទើបតែ ១១ ឆ្នាំ មានផ្ទៃពោះ ៧ ខែ ដោយសារឪពុកធំពីរនាក់ ចាប់រំលោភនោះយើង ហាក់បីដូចជា មិនសូវជឿប៉ុន្មានឡើយ ប៉ុន្តែអ្វីដែលយើងបានឃើញនៅពេលយើងទៅ ដល់ផ្ទះរបស់នាងនោះទើបយើងដឹងថា ទាំង នោះគឺជារឿងពិតទាំងអស់ ។

កំពុងអង្គុយលាងចាន-ឆ្នាំងនៅខាងមុខផ្ទះ ក្រោម ម្លប់ដើមក្រខុប និង ពាក់អាវរងាពីខាងក្រៅផងនោះ ដែល អាច ជួយបិទបាំងផ្ទៃពោះរបស់នាងបន្តិចផងនោះ ធ្វើឱ្យ មនុស្សមួយចំនួនដែលពុំបានដឹងរឿងហេតុនេះជាមុននោះ គិតថានាងពុំមានផ្ទៃពោះឡើយ ។ នៅពេលដែលឃើញ យើងគោះទ្វារផ្ទះសុំចូល នាងហាក់បីដូចជាមានអារម្មណ៍ ភ័យខ្លាចចំពោះមនុស្សប្រុសប្លែកមុខ ហើយភិតភ័យផង ដោយសួរថា ពូ រកអ្វី ? ទាំងទឹកមុខភ័យខ្លាច ។ ក្រោយ ពីដឹងថាយើងជាអ្នកសារព័ត៌មាន នាងក៏ឱ្យយើងឈរចាំ នៅមុខផ្ទះ រង់ចាំម្តាយរបស់នាងត្រឡប់មកវិញសិនចាំជួប គាត់ទៅ ។ ក្រោយពីរង់ចាំម្តាយរបស់នាងប្រមាណ ២០ នាទីនៅខាងមុខផ្ទះ ម្តាយរបស់នាងក៏មកដល់ ហើយក៏ បានហៅយើងចូលខាងក្នុងផ្ទះ បន្ទាប់ពីសាកសួរគ្នានៅខាងមុខផ្ទះមួយរយៈហើយនោះ ។ នៅពេលជួបយើង មួយសន្ទុះហើយនោះ នាងហាក់បីដូចជាលែងសូវភ័យ មានអារម្មណ៍ធម្មតាឡើងវិញ ។

កុមារី ធ.ច.ន. ដែលទើបតែមានអាយុ ១១ ឆ្នាំ ឈានចូល ១២ ឆ្នាំ និយាយទាំងភាពភ័យខ្លាចផងពីប្រវត្តិរឿងរ៉ាវ ដែលគួរឱ្យភ័យខ្លាចនោះថា “នៅក្នុងខែឧសភា ឆ្នាំ ២០១០ ខ្ញុំពុំចាំថ្ងៃច្បាស់លាស់ឡើយ គ្រាន់តែចាំ ថានៅពេល ម៉ោងប្រមាណជាង១០ ព្រឹក អ៊ំថ្លៃប្រុស របស់ខ្ញុំដែលមានឈ្មោះ ឡេង ប៊ុនសេង បានបបួល ខ្ញុំឱ្យទៅជាមួយគាត់ ដោយថានាំខ្ញុំទៅទិញខោអាវឱ្យ ពេលនោះខ្ញុំមិនបានដឹងពីគំនិតអាក្រក់របស់អ៊ំថ្លៃខ្ញុំឡើយ លុះដឹកខ្ញុំចុះឡើង មួយស្របក់គាត់ក៏នាំនាងទៅផ្ទះសំណាក់មួយនៅម្តុំវត្តកោះ ។

ពេលនោះខ្ញុំឆ្ងល់សួរថា អ៊ំ ហេតុអ្វីនាំខ្ញុំមកទីនេះ ? គាត់ឆ្លើយថា មករង់ចាំគេបន្តិច ហើយគាត់ក៏បានយកកូកាកូឡា ឱ្យខ្ញុំផឹកមួយកំប៉ុង ។ ពេល ផឹកកូកាកូឡារួចហើយខ្ញុំក៏បាត់បង់ស្មារតី ពេលដឹងខ្លួន ឡើងឃើញខ្លួនប្រាណរបស់ខ្ញុំ អាក្រាតអស់ព្រមទាំងមានឈាមប្រឡាក់ប្រឡូសពេញខ្លួន ខ្ញុំក៏ស្រែកយំ ពេលនោះ អ៊ំ ប៊ុនសេង ក៏សម្លុតឱ្យខ្ញុំថា ឯងកុំយំអី បើឯងយំ ហើយ យករឿងនេះទៅប្រាប់ឪពុកម្តាយរបស់ឯង អញនឹងសម្លាប់ ឯង និង ម្តាយឯងចោល ហើយគាត់ឱ្យខ្ញុំទៅងូតទឹក រួច ក៏ដឹកខ្ញុំមកដាក់ផ្ទះដែលខ្ញុំជួលស្នាក់នៅជាមួយម្តាយឪពុក នៅទួលសង្កែវិញ ។ ក្រោយពីចាប់រំលោភខ្ញុំម្តងហើយមក អ៊ំ ប៊ុនសេង ក៏លួចលបចូលចាប់រំលោភខ្ញុំបួនដងទៀត នៅផ្ទះជួលនេះ ដោយការរំលោភរាល់លើក អ៊ំ ប៊ុនសេង សុទ្ធតែគំរាមថា បើខ្ញុំហ៊ានប្រាប់អ្នកណាឱ្យដឹងពី រឿងនេះ គាត់នឹងសម្លាប់ចោលមួយពូជ ដោយភ័យខ្លាច អ៊ំ ប៊ុនសេង គំរាមបែបនេះ ខ្ញុំក៏ប្រឹងលាក់បាំងរឿងនេះ រហូតមក ។ មិនយូរប៉ុន្មាន ម្តាយខ្ញុំក៏ប្តូរផ្ទះជួលមកនៅ ភូមិសែនសុខ ២ វិញ ។

ការមកនៅផ្ទះថ្មីនេះ ខ្ញុំនឹកស្មានតែរួចផុតពីក្រញាំដៃរបស់អ៊ំ ឡេង ប៊ុនសេង ដឹងអីមកដល់ផ្ទះជួលថ្មីនៅ (អន្លង់ក្ងាន) ភូមិសែនសុខ ២ នេះ គាត់នៅតែតាមមកចាប់រំលោភខ្ញុំរហូត ដល់បួនដងទៀត ។ ការមកចាប់រំលោភខ្ញុំរាល់លើក គាត់រកឱកាសដែលម្តាយខ្ញុំមិននៅផ្ទះ ហើយគាត់ ក៏បានយកក្រមាដែលមានថ្នាំសណ្តំមកខ្ទប់ច្រមុះឱ្យខ្ញុំសន្លប់លែងដឹងខ្លួនទើបគាត់ចាត់ការ ។ ក្រោយ ពេលគាត់រំលោភហើយរាល់លើកគាត់តែងតែគំរាមសម្លាប់ជានិច្ច បើសិនជាខ្ញុំហ៊ាននិយាយប្រាប់ម្តាយ ខ្ញុំ ឬ អ្នកផ្សេងក៏ដោយ ទើបខ្ញុំចេះតែលាក់រឿងនេះរហូតមក ។

ការចាប់រំលោភរបស់អ៊ំ ប៊ុនសេង មិនទាន់ចប់ស្រួលបួលផង ក៏មានអ៊ំប្រុសសាច់ថ្លៃម្នាក់ទៀត ឈ្មោះ មួង ប៊ុនលី មកចាប់រំលោភបន្តបន្ទាប់ចំនួនបីដងទៀត រហូតដល់ខែធ្នូ ឆ្នាំ ២០១០ នេះ ។ ការរំលោភនោះវាមិនខុសគ្នាពីអ៊ំ ប៊ុនសេង ឡើយ មុនចូលរំលោភ គាត់រកឱកាសណាដែលម្តាយខ្ញុំមិននៅ គាត់លួចចូលផ្ទះជួលរបស់ខ្ញុំទាំងថ្ងៃ ហើយយកក្រមាដែលមានថ្នាំសណ្តំខ្ទប់ច្រមុះឱ្យសន្លប់រួចរំលោភតែម្តង ហើយពេលដឹងខ្លួនគាត់ក៏បាន គំរាមសម្លាប់ខ្ញុំដូចអ៊ំ ប៊ុនសេង ដែរ ដោយភ័យខ្លាចខ្ញុំក៏លាក់ម្តាយរហូតមកដែរ” ។

បងស្រី អ.ច.ន. អាយុ ៣២ ឆ្នាំ រស់នៅផ្ទះជួលលេខ ៧ ផ្លូវលេខ ២២៤ ភូមិសែនសុខ ២ សង្កាត់ឃ្មួញ ខណ្ឌសែនសុខ ក្រុងភ្នំពេញត្រូវជាម្តាយរបស់កុមារី ធ.ច.ន. បានឱ្យដឹងថា “ខ្ញុំហួសចិត្ត មិននឹកថាបងថ្លៃខ្ញុំទាំងពីរនាក់ធ្វើថោកទាប ដូចនេះសោះខ្ញុំខំទុកចិត្តគាត់ គោរពគាត់ជាបងថ្លៃត្រឹមត្រូវ បែរជាពួកគាត់ដាច់ចិត្តធ្វើអំពើដ៏លាមកយ៉ាងនេះមកលើ ក្មួយស្រីឯងទៅកើត! ពេលនេះខ្ញុំសូមឱ្យច្បាប់ ចាត់ការពួកគាត់ទៅតាមផ្លូវច្បាប់ទៅចុះ ឯសាច់ឈាមទុកមួយឡែកសិន ប៉ុន្តែអ្វីដែលខ្ញុំបារម្ភនោះ ម្តាយ របស់ខ្ញុំទៅវិញទេដែលគាត់ពិបាកចិត្ត ម្ខាងចៅ ម្ខាងកូនប្រសាទាំងពីរ” ។

បើតាមការខ្សឹបខ្សៀវពីខាងក្រៅវិញនោះបានឱ្យដឹងថា ក្រុមគ្រួសារអ្នកជាប់ចោទទាំងពីរនាក់ នោះបានបញ្ចុះបញ្ចូលបងស្រី អ.ច.ន. ឱ្យសម្របសម្រួល និង បន្ធូរបន្ថយទោស ប៉ុន្តែទោះជាយ៉ាង ណាក៏ដោយ ក៏ក្រុមគ្រួសារផ្ទាល់របស់កុមារី ធ.ច.ន. មិនសម្របសម្រួលឡើយ គឺទុកឱ្យច្បាប់ជាអ្នក ចាត់ការទៅចុះ ។

នៅពេលបច្ចុប្បន្ននេះ កុមារី ធ.ច.ន. ត្រូវបាន ម្តាយឪពុកប្រគល់ទៅឱ្យ អង្គការ អាហ្វេស៊ីប យក ទៅថែរក្សាក្នុងមណ្ឌល ។
លោក អ៊ុន ព្រឿង ប្រធានការិយាល័យស៊ើប អង្កេតរបស់អង្គការ អា-ហ្វេស៊ីប បានមានប្រ-សាសន៍នៅក្នុងពិធីបំពេញ សំណុំឯកសាររបស់កុមារី ធ.ច.ន. ពីសំណាក់ម្តាយ នៅចំពោះមុខប្រធានភូមិ ថា អង្គការរបស់លោកនឹងយក នាងទៅថែរក្សាបណ្តុះបណ្តាលវិជ្ជាជីវៈ និង ជួយនាងក្នុងការតវ៉ាតាម ផ្លូវច្បាប់ទៀតផង ។

បុរសជាឪពុកធំសាច់ថ្លៃទាំងពីរនាក់នោះ ត្រូវបានសមត្ថកិច្ចចាប់ខ្លួនតាមបណ្តឹងរបស់ម្តាយកុមារី រងគ្រោះកាលពីថ្ងៃទី ៦ ខែធ្នូ ឆ្នាំ ២០១០ ដោយម្នាក់មានឈ្មោះ មួង ប៊ុនលី រស់នៅភូមិ សែនសុខ ២ ជាមួយកុមារីរងគ្រោះដែរ និង ម្នាក់ទៀតមានឈ្មោះ ឡេង ប៊ុនសេង នៅឃុំបន្ទាយដែក ស្រុក កៀនស្វាយ ខេត្តកណ្តាល ។

តាមចម្លើយសារភាពនៅចំពោះប៉ូលិសខណ្ឌសែនសុខ ជនជាប់ចោទ ឡេង ប៊ុនសេង បាន សារភាពថា ខ្លួនបានដេកជាមួយ ធ.ច.ន. ចំនួនប្រាំបីដង ហើយការដេកជាមួយគ្នាដោយគ្មានការបង្ខិត- បង្ខំឡើយ ។ ចំណែកឯ មួង ប៊ុនលី វិញក៏បានសារភាពដែរថា គេបានដេកជាមួយនាងចំនួនបួនដង ការដេករាល់លើកគ្មានការបង្ខិតបង្ខំឡើយ គឺជាការត្រូវរ៉ូវគ្នាទាំងសងខាង ។
បើតាមសៀវភៅគ្រួសាររបស់កុមារីរងគ្រោះបានសរសេរថា កុមារី ធ.ច.ន. កើតនៅថ្ងៃទី ២១ ខែធ្នូ ឆ្នាំ ១៩៩៩ ។ នាងកំពុងសិក្សាថ្នាក់ទី ៦ សាលាបឋមសិក្សាសែនសុខ ៕

ពលករខ្មែរគ្រោះថ្នាក់ ចរាចរធ្ងន់ធ្ងរនៅប្រទេសថៃ

2010-12-22T03:51:00.000-08:00

ពលករខ្មែរម្នាក់ឈ្មោះ តាំង អា ភេទប្រុស អាយុ ១៩ ឆ្នាំ សញ្ជាតិកម្ពុជាមានស្រុក កំណើតនៅខេត្តសៀមរាប ត្រូវបាន គេអូសតាមរទេះមកពីប្រទេសថៃមកកាន់ ដីខ្មែរវិញកាលពីវេលាម៉ោង ២ ថ្ងៃទី ២១ ខែធ្នូ ឆ្នាំ ២០១០ ។ បើតាមប្រភពព័ត៌មានច្បាស់ការ មួយបានប្រាប់អ្នកយកព័ត៌មានភ្នំពេញដេលីថា បុរសខាងលើត្រូវ រថយន្តទេសចរណ៍សៀម បើកគារបណ្តាលឱ្យរងរបួសជាទម្ងន់ ស្ទើរបាត់បង់ជីវិត ហេតុការណ៍បង្កឡើងកាលពីថ្ងៃទី ២០ ខែធ្នូ ឆ្នាំ ២០១០ ។សូមបញ្ជាក់ថា ជនរងគ្រោះរងរបួសត្រង់ក្បាល និង ឆ្អឹងជំនីរខាងឆ្វេង បាក់ដៃឆ្វេងផងដែរ ។ បច្ចុប្បន្ននេះជនរងគ្រោះ ដោយមានសភាពធ្ងន់ធ្ងរពេក កម្លាំងប៉ូលិសសណ្តាប់ធ្នាប់ ក្រុងប៉ោយប៉ែតបានហៅ រថយន្តនៃអង្គការ Kama មកដឹកទៅសង្គ្រោះបន្តនៅមន្ទីរពេទ្យបង្អែកស្រុកមង្គលបូរី ខេត្តបន្ទាយមានជ័យ ។
ពាក់ព័ន្ធនឹងពលករខ្មែរគ្រោះថ្នាក់ចរាចរខាងលើ នូវពុំទាន់មាននរណាបានដឹងច្បាស់ថាពលករ នោះស្របច្បាប់ឬក៏អត់នោះទេ ?

ប្រាសាទរបើកស្វាយ

2010-12-18T04:13:00.000-08:00

នៅតាមបន្ទាត់ព្រំដែនកម្ពុជា-ថៃនៃជួរភ្នំ ដងរែកមានប្រាសាទបុរាណជាច្រើន ដែល ប្រាសាទបុរាណភាគច្រើនទទួល រងនូវការខូចខាតយ៉ាងដំណំ ហើយប្រាសាទបុរាណខ្លះរងការ ខូចខាតទាំងស្រុងក៏មាន ។ ប្រាសាទរបើកស្វាយ ជាប្រាសាទទោលស្ថិតនៅតំបន់ព្រំដែននៃ ជួរភ្នំដងរែកព្រំដែនខ្មែរ-ថៃ ប៉ុន្តែអ្វីដែលគួរឱ្យសោកស្តាយនោះ ប្រាសាទបុរាណមួយនេះទទួលរងនូវការបំផ្លិចបំផ្លាញនៅពេលស្រុកមានសង្គ្រាមស្ទើរតែគ្មានសល់អ្វីទាំងអស់ ។

ប្រាសាទរបើកស្វាយស្ថិតនៅក្នុងភូមិរបើកស្វាយ ឃុំស្វាយចេក ស្រុក ស្វាយចេក ខេត្តបន្ទាយមានជ័យ ។ កាលពី សម័យសង្គ្រាមប្រាសាទរបើកស្វាយ ស្ថិតក្រោមការគ្រប់គ្រងរបស់អតីតខ្មែរក្រហម ហើយទីតាំងប្រាសាទនេះក៏ ស្ថិតនៅលើសមរភូមិប្រយុទ្ធរវាងកងទ័ពរដ្ឋាភិបាលកម្ពុជា និង ភាគីម្ខាងទៀត ដែលនៅក្នុងព្រៃ ជាហេតុធ្វើឱ្យ ប្រាសាទនេះទទួលការខូចខាតស្ទើរតែទាំង ស្រុង និង ម៉្យាងទៀតជនឆ្លៀតឱកាសក៏បានជីកកកាយតួប្រាសាទ និង បរិវេណប្រាសាដើម្បីរុករកវត្ថុបុរាណនានាយកទៅលក់ឱ្យពួកឈ្មួញដែលនាំចូល ប្រទេសថៃ ទើបធ្វើឱ្យប្រាសាទ នេះខូចខាតស្ទើរតែបាត់ស្រមោលពីផែនទី ។ សព្វថ្ងៃនេះទោះបីស្រុកយើងមានសន្តិភាពទៅហើយក្តី ក៏ប្រាសាទ បុរាណដែលស្ថិតនៅក្បែរបន្ទាត់ព្រំដែនខ្មែរ-ថៃមួយនេះនៅតែទទួលនូវការគំរាមកំហែង ដដែល ពោលគឺប្រាសាទ នេះនៅតែឯកោខ្វះការថែទាំដដែល ។ នៅក្នុងបរិវេណប្រាសាទ យើងបានឃើញមានស្លាកស្នាមនៃការជីកកកាយ ចាស់ៗរបស់មនុស្សមួយចំនួនដែលខ្វះការពិចារណា ដើម្បីរុករកវត្ថុបុរាណយកទៅលក់ឱ្យ ឈ្មួញ ហើយនៅកន្លែងខ្លះ យើងឃើញមានស្នាមគាស់កកាយថ្មីស្រស់ៗនៅឡើយ ។ នៅជុំវិញបរិវេណប្រាសាទរបើកស្វាយ យើងបាន ឃើញប្រជាជនយើងបាននាំគ្នាកាប់ ឆ្ការព្រៃស្ទើរតែដល់តួប្រាសាទដើម្បីធ្វើចម្ការដាំដំឡូងមី ។ តាមទិដ្ឋភាព ជាក់ស្តែងដែលអ្នកយកព័ត៌មានយើងបានទៅដល់នោះ ប្រាសាទរបើកស្វាយហាក់បីដូចជាគ្មានការថែ ទាំ ឬ ការអភិវឌ្ឍអ្វីឡើយពោលទុកចោលឱ្យនៅឯកោយ៉ាងកណ្តោចកណ្តែងគួរឱ្យ សង្វេគក្រៃលែង ។ ប្រាសាទរបើក ស្វាយជាប្រាសាទទោល ដែលតួប្រាសាទប្រហាក់ ប្រហែលនឹងតួប្រាសាទនានានៅប្រាសាទសម្បូរព្រៃគុហ៍ដែរ ។ ប្រាសាទរបើកស្វាយ មានទំហំ ៣ ម៉ែត្រ គុណនឹង ៣ ម៉ែត្រ ព័ទ្ធជុំវិញកំពែង មានបណ្តោយ ៧០០ ម៉ែត្រ ទទឹង ៣០០ ម៉ែត្រ ។

លោក ស៊ីវ សារួន អនុប្រធានមន្ទីរវប្បធម៌ និង វិចិត្រសិល្បៈខេត្តបន្ទាយមាន ជ័យបានឱ្យដឹងថា ប្រាសាទរបើកស្វាយ កសាងក្នុងរជ្ជកាលព្រះបាទជយវរ្ម័នទី ៧ នាដើមសតវត្សរ៍ទី ១២ និង ចុងសតវត្សរ៍ទី ១៣ ធ្វើឡើងអំពីឥដ្ឋ និង ថ្មភក់ ។

អ្វីដែលគួរឱ្យសោកស្តាយនោះ គឺប្រាង្គប្រាសាទ និង ខឿនគ្រឹះនៃប្រាសាទ ត្រូវបានពួកឈ្មួញលួចជីកកកាយគាស់ រំលើងគ្មានសល់អ្វីដែលគួរឱ្យកត់សម្គាល់ ទៀតទេ ប៉ុន្តែថ្វីបើប្រាសាទនេះត្រូវរងគ្រោះដោយស្នាដៃពួកទមិឡយ៉ាងនេះ ក៏ដោយអ្វីដែលនៅសេសសល់គឺយើងត្រូវតែថែរក្សា និង អភិរក្សប្រាសាទនេះ ឱ្យបានល្អ ដើម្បីឱ្យភ្ញៀវជាតិ និង អន្តរជាតិចូលទៅទស្សនាកម្សាន្ត ព្រោះនេះ ជាប្រាសាទបុរាណដែលមានអាយុកាលប្រហាក់ប្រហែលនឹងប្រាសាទអង្គរ ដែរ ។ លោកអនុប្រធានមន្ទីរបានបន្តទៀតថា នៅភូមិភាគខាងលិចនៃប្រទេស កម្ពុជាយើងនេះ ប្រាង្គប្រាសាទរាប់សិបទៀត ដែលនៅពុំទាន់រកឃើញ ព្រោះ កន្លែងខ្លះក្រុមការងារយើងខ្ញុំចូលទៅមិនបាន ដោយសារស្ថានភាពព្រំដែននៅ មិនទាន់ដោះមីននៅឡើយ ៕

អ្នកទោសតណ្ហារំលោភមិនបានសំរេច

2010-12-18T04:12:00.001-08:00

មនុស្សស្ទើរតែគ្រប់រូប កាលណា បើឃើញ ជនពិការជរាគ្មានទីពឹង តែង តែមានក្តីអាណិត អាសូរដល់រូបគេជានិច្ច ធ្វើម្តេចធម្មជាតិបានកំណត់ឱ្យ រូបពួកគាត់ទៅជាយ៉ាងនេះ ប៉ុន្តែ ចំពោះប្រុសព្រាន ដែលជាជនអគតិម្នាក់នេះវិញ បែរជាមានគំនិតអគតិដោយសារតែតណ្ហាគ្របមុខ បាន ប្រព្រឹត្តអំពើមិនគួរគប្បីមួយដោយ ខ្វះការពិចារណាបាន ទៅចាប់នារីម្នាក់ដែលគហើយថ្លង់ទៀត ដើម្បីរំលោភ បំពេញនូវសេចក្តីតណ្ហារបស់ខ្លួន ។

នារីដែលគួរឱ្យអាណិត គហើយថ្លង់ទៀតត្រូវជនអប្រិយចាប់រំលោភ មិនបានសម្រេចនោះមានឈ្មោះ រ.យ.រ. អាយុ ២៣ ឆ្នាំ រស់ភូមិព្រៃ ឃុំគប់ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានបងប្អូនចំនួន ប្រាំនាក់ នាងជាកូនទីបីក្នុងគ្រួសារ ។ ដោយឪពុកម្តាយបានលាចាកលោកចោល នាង និង បងប្អូនតាំងពី ១០ ឆ្នាំមុនមកម៉្លេះ ទុកឱ្យនាង និង បងប្អូនរស់នៅ កំព្រាយ៉ាងកណ្តោចកណ្តែងគួរឱ្យសង្វេគ ។ អ្វីដែលយើងមិននឹកស្មានដល់នោះ នាងពិការគថ្លង់ទៅហើយ បែរជាជនអគតិម្នាក់មានគំនិតរំលោភលើរូបរាង កាយរបស់នាងទៀត ដែលទង្វើនេះបានធ្វើឱ្យសង្គមស្អប់ខ្ពើមយ៉ាងខ្លាំង ។

បើតាមការឱ្យដឹងរបស់បងប្រុសនាងឈ្មោះ រ៉ាន់ ចាន់ អាយុ ២៦ ឆ្នាំថា ដោយខ្លួន និង ប្អូនម្នាក់ទៀតមានគ្រួសារទៅហើយនោះ បន្ទុកគ្រួសារបាន ធ្លាក់មកលើប្អូនស្រីដែលជានាងគហើយថ្លង់ទៀតជាអ្នកចេញទៅស៊ីឈ្នួល ធ្វើចម្ការនៅប្រទេស សៀមជាមួយរូបគេដែរ ដើម្បីយកប្រាក់មកចិញ្ចឹមប្អូនៗ ដែលនៅតូចៗទៀត ប៉ុន្តែជាអកុសល ដោយជនអគតិ មានបំណងគិតទុកជាមុននោះ ប្រុសព្រានម្នាក់ដែលមានឈ្មោះ ថែន ពេជ្រ អាយុ ២៥ ឆ្នាំមានស្រុកកំណើតនៅភូមិអន្លង់ ឃុំតាអាន់ ស្រុកក្រឡាញ់ ខេត្ត សៀមរាប ដែលមកធ្វើជាកម្មករសំណង់នៅក្រុងប៉ោយប៉ែតនេះ ដែរ បានមកលួចចាប់រំលោភប្អូនស្រីរបស់គាត់ ។ នៅយប់ថ្ងៃទី ២ ខែវិច្ឆិកា ឆ្នាំ ២០១០ កន្លងទៅនេះ ប្អូនស្រីរបស់គាត់បាន ត្រឡប់មកពីធ្វើការនៅស្រុកសៀមវិញដូចសព្វមួយដង និង ក្រោយពីនាងបានទទួលទានបាយល្ងាចរួចហើយក៏ចេញទៅរក ទទួលទានបង្អែមនៅផ្សារដែលមានចម្ងាយប្រមាណពីរគីឡូម៉ែត្រ ពីផ្ទះ លុះត្រឡប់មកវិញក្នុងម៉ោងជាង ៥ ល្ងាច ។ ដោយ ព្រលប់ៗចូលមកដល់ផងនោះ វាជាឱកាសរបស់ប្រុសព្រាន ដែលជាជនកំហូចដែលគិតទុកជាយូរមកហើយនោះ ព្រោះ អីនាងគថ្មើរនេះតែងតែដើរកាត់តាមនេះទៅទទួលទានបង្អែម រាល់ថ្ងៃ ។ ពេលនោះឱកាសបានហុចឱ្យ ជនកំហូចក៏បានអូស ដៃនាង ចាប់ឱបរូបនាងដោយនឹកស្មានថានាងមិនតដៃ ដឹង អីរូបគេបានត្រូវវាយតប់តគ្នាជាមួយនឹងនាងគជាប្អូនគាត់ មួយសន្ទុះធំ ដោយគេបានវាយនាងគត្រូវច្រើនកន្លែងហើយ ព្រមទាំងច្របាច់កនាងគយ៉ាងខ្លាំង ព្រោះតែគេខ្លាចប្អូនគាត់ ស្រែកឮដល់គេឯងដែលមានផ្ទះនៅក្បែរៗនោះ ។ ការវាយ តប់គ្នាមួយសន្ទុះធំរវាងនាងគ និង ប្រុសព្រាន ថែន ពេជ្រ ដោយបង្ក្រាបនាងគមិនបាន ជនអគតិរូបនេះក៏ដកឃ្លារត់ ទាំងភិតភ័យដោយមិនបានសម្រេចបំណងរបស់ខ្លួនឡើយ ។ ឯនាងគវិញ ក្រោយពីខិតខំវាយតប់រើបង្រះរួចពីក្រញ្ញាំដៃជន កំហូចរួចហើយ នាងក៏រត់ទៅគោះទ្វារផ្ទះអ្នកនៅក្បែរនោះ ឱ្យជួយ និង ធ្វើកាយវិការប្រាប់អំពីការចាប់រំលោភរបស់ជន កំហូច ឈ្មោះ ថែន ពេជ្រ ព្រមទាំងបង្ហាញស្នាមរបួសក និង មានខោអាវរហែករយ៉ៃ និង ប្រឡាក់សុទ្ធតែដីទៀតផង ។

ដោយអ្នកភូមិនៅទីនោះធ្លាប់ស្គាល់នាងគ និង បានដឹង ពីកាយវិការរបស់នាងគប្រាប់ពីការចាប់រំលោភរបស់ ប្រុសព្រានកំហូចនោះស្ត្រីដែលជាម្ចាស់ផ្ទះនៅក្បែរនោះក៏បាននាំនាងគទៅប្តឹងប៉ូលិសប៉ុស្តិ៍ ព្រំដែន ៩១១ ទាំងយប់ ។ ដោយទទួលពាក្យបណ្តឹងពីនារីពិការរងគ្រោះនោះប៉ូលិស ប៉ុស្តិ៍ ៩១១ ក៏មិនបង្អែបង្អង់ឡើយ គឺគេនាំគ្នាចាត់ការទាំងយប់ ដើម្បីស្វែងរកមុខសញ្ញាចាប់ខ្លួនជាបន្ទាន់ដែរ ។

លោក កែវ បូរ៉ា នាយប៉ុស្តិ៍នគរបាលការពារព្រំដែន ៩១១ ក្រោយពីទទួលបាន ព័ត៌មានគ្រប់ជ្រុងជ្រោយ ហើយ ក៏នាំកម្លាំងរបស់លោកទៅចាប់ជនកំហូចឈ្មោះ ថែន ពេជ្រ ដែលជាជនជាប់ចោទមកធ្វើការសាកសួរតាមបណ្តឹង របស់នារីរងគ្រោះនោះ តែម្តង ។ ក្រោយពីធ្វើការសាកសួរចម្លើយរួចមក ជនល្មើសឈ្មោះ ថែន ពេជ្រ ក៏បាន សារភាពចំពោះមុខមន្ត្រីប៉ូលិសប៉ុស្តិ៍រដ្ឋបាល ៩១១ ថា ខ្លួនពិតជាបានចាប់រំលោភនាងគ ពេលព្រលប់មែន ។ ការចាប់រំលោភលើរូបនាងគនេះក៏ព្រោះតែគេលួចស្រឡាញ់ នាងគតាំងពីយូរណាស់មកហើយ ហើយគេ ក៏ធ្លាប់ធ្វើកាយវិការសារភាពសុំស្នេហ៍ពីរូប នាងគជាច្រើនដងដែរ ប៉ុន្តែនាងមិនធ្វើសញ្ញាអ្វីជាការឆ្លើយតបមកវិញ លើរូបគេឡើយ ។ ដោយឃើញនាងមិនមានប្រតិកម្មខឹងនឹងសញ្ញាសុំស្នេហ៍ពីរូបគេនោះ គេស្មានតែនាងគយល់ព្រម ហើយនាងអៀនមិនឆ្លើយទើបគេបានស្កាត់លួចសុំស្នេហ៍រូបនាងម្តងទៀត នៅព្រលប់ថ្ងៃទី ២ ខែវិច្ឆិកា ឆ្នាំ ២០១០ នេះតែម្តង ។ ដោយកំដៅតណ្ហារបស់គេពុះកញ្ជ្រោលទ្រាំលែងបាន គេក៏សម្រេចចិត្តចាប់នាងគឱប និង ចាប់រំលោភតែម្តង ប៉ុន្តែ ដឹងអីនាងគមិនព្រមប្រគល់ខ្លួនប្រាណងាយៗឱ្យគេដូចការគិតរបស់គេឡើយ ។ មិនតែ ប៉ុណ្ណោះនាងគក៏បានវាយតប់តមកវិញជាមួយគេយ៉ាងខ្លាំងទៀតផង ។ ដោយទ្រាំទ្រ នឹងការតដៃពីនាងគលែងបាន គេក៏បានរត់គេចយករួចខ្លួន ដោយមិននឹកស្មានថានាង គ មានគំនិតប្តឹងគេបានឡើយ ព្រោះនាងគហើយថ្លង់ទៀត ។ ចុងបញ្ចប់រូបគេក៏ត្រូវ ចូលទ្រុងដែករបស់ប៉ុស្តិ៍ប៉ូលិស ៩១១ ទាំងយប់ ហើយជនកំហូច ថែន ពេជ្រ នេះក៏ ត្រូវប៉ូលិសប៉ុស្តិ៍ ៩១១ កសាងសំណុំរឿងបញ្ជូនទៅតុលាការ ដើម្បីកាត់ទោសតាមផ្លូវច្បាប់ផងដែរ ។

និយាយពីនាងគវិញក្រោយពីកើតរឿងគួរឱ្យសោកសង្វេគនោះមក ទោះបីនាង ជាមនុស្សពិការគហើយថ្លង់ ទៀតក៏ដោយក៏រូបនាងមានការខ្មាសគេឯងក្នុងភូមិយ៉ាង ខ្លាំង រហូតនាងលែងចង់ហ៊ានឆ្លងដែនចូលដីថៃ ដើម្បី ស៊ីឈ្នួលធ្វើចម្ការឱ្យថៃទៀត ផង ។ សព្វថ្ងៃនេះជីវភាពគ្រួសារកំពុងតែស្ថិតនៅក្នុងភាពលំបាកខ្លាំងណាស់ ព្រោះរូប នាងមានមុខងាររកស៊ីចិញ្ចឹមប្អូនៗពីរនាក់ទៀត ព្រោះបងៗពីរនាក់គេមានប្តីប្រពន្ធអស់ ហើយ គេរកស៊ីចិញ្ចឹម ប្រពន្ធកូនរបស់គេដែរ ។ នាងគបានធ្វើទឹកមុខសម្តែងចេញជាកាយវិការថា សូមឱ្យសប្បុរសជនជួយដល់រូបនាងផង ព្រោះពេលនេះនាងបាក់ស្បាតលែងហ៊ានចេញទៅរកស៊ីទៀតហើយ ៕

ឡើងឋានសួគនៅពេលថ្ងៃត្រង់

2010-12-18T04:07:00.000-08:00

រួមមេត្រីនៅពេលថ្ងៃត្រង់ ស្តាប់ទៅវា ដូចជាចម្លែកណាស់ ប៉ុន្តែចូរសាកម្តង លមើល អ្នកនឹង ចង់ម្តងហើយម្តងទៀត មិនខាន ។ ធ្វើការដោយប្រញាប់ ប្រញាល់ដើម្បីត្រឡប់ទៅធ្វើការនាពេល រសៀល នឹងធ្វើឱ្យអ្នកទាំងពីរមាន អារម្មណ៍ថាពេញចិត្តជាខ្លាំង ។

រឿងផ្លូវភេទប្រសិនបើត្រូវបានធ្វើឡើងនៅទីកន្លែង និង ពេលវេលាផ្សេងគ្នានឹងបង្កើតបានជាភាព សប្បាយរីករាយ និងអារម្មណ៍ថ្មីប្លែកជួយកាត់បន្ថយភាពស្មុគស្មាញ ចុករួយខ្លួនប្រាណ និង នាំមកនូវ ថាមពលជីវិតថ្មីសម្រាប់ ទំនាក់ទំនងរបស់អ្នកទាំងពីរ។

ជូលៀ ខូល អ្នកជំនាញការផ្នែកផ្លូវភេទបានឱ្យដឹងថា ការរួមភេទជំរុញឱ្យបញ្ចោញ សារជាតិ អង់ដ្រូហ្វីន (អ័រមូនអារម្មណ៍ភេទ) ជួយឱ្យអ្នកបានស្រួលខ្លួន និង មានអារម្មណ៍ ល្អជាងមុន ក្នុងនោះការរួមមេត្រីនាពេលថ្ងៃពិតជាអស្ចារ្យ និង រ៉ូមែនទិក ។

ប្រសិនចង់បន្ថែមភាពរ៉ូមែនទិកនោះ អ្នកគួរតែរៀបចំបន្ទប់ និង គួរតែធ្វើឱ្យបានត្រឹមត្រូវ និង ហ្មត់ ចត់ ។ មានស្ត្រីជាច្រើន ធ្វើរឿងសម្ងាត់ពីរនាក់នៅក្នុងបន្ទប់ការិយាល័យផ្ទាល់របស់ខ្លួន ប៉ុន្តែវិធីនេះអាច អនុវត្តចំពោះតែអ្នកដែលមានបន្ទប់ ធ្វើការផ្ទាល់ខ្លួនប៉ុណ្ណោះ ឬយ៉ាងហោចណាស់ក៏ត្រូវប្រាកដថាគ្មាន នរណាម្នាក់នៅក្បែរ និង ត្រូវដាក់គន្លឹះទ្វារឱ្យជិត ។ ជួនកាលអ្នកញ្ញ័រដៃញ្ញ័រជើងដោយសារមានអារម្មណ៍ថា នឹងមាននរណាម្នាក់មកគោះទ្វារ ប៉ុន្តែប្រការនេះក៏នឹងនាំមក នូវភាពភ័យអរៗដូចជាលើកដំបូង ព្រមទាំង ធ្វើឱ្យអ្នកទាំងពីរទទួលអារម្មណ៍ស្រើបស្រាលដល់កំពូល ។

ស្វែងរកបន្ទប់ទឹកដើម្បីធ្វើរឿងនោះក៏ជាការគួរឱ្យចាប់អារម្មណ៍ដែរ តែចូរប្រាកដថាអ្នកទាំងពីរ នឹងមិនធ្វើឱ្យមាន សំឡេងឮខ្លាំងឬគ្មាននរណាអាចចូលទៅបាន ។
តើអ្នកធ្លាប់បានគិតថា ការរួមមេត្រីអាចធ្វើឡើងនៅក្នុងរថយន្តដែរឬទេ ? នេះក៏ជាការតាំងចិត្តដ៏ ល្អ និង ងាយស្រួលបំផុត ។ អ្នកទាំងពីរគ្រាន់តែបញ្ចោញ ភាពឆ្លាតវៃបន្តិចដើម្បីចតរថយន្តនៅទីកន្លែងសមគួរ មួយ នោះរាល់បញ្ហា នឹងក្លាយទៅជាងាយស្រួលសម្រាប់ អ្នក ៕

សុគន្ធ និសា មានហាងឆេងខាងពាណិជ្ជកម្ម

2010-12-18T03:55:00.000-08:00

នរណាក៍ថាខ្ញុំសស់ដែរ

ភ្នំពេញ: តារាចម្រៀងល្បីឈ្មោះ របស់ក្រុមហ៊ុនហង្សមាស គឺសុគន្ធ និសា ដែលទើបតែត្រឡប់មកពីប្រគុំតន្ត្រីខួបគម្រប់ ៦០ ឆ្នាំ នៃទំនាក់ទំនងការទូតកម្ពុជា-ថៃ ដែលទទួលបានជោគជ័យយ៉ាងក្រាសក្រែល ។
ថ្វីត្បិតតែមួយរយៈ ចុងក្រោយនេះ សន្ទុះនៃបទចម្រៀង សុគន្ធ និសា មិនបានជាប់ជាកំពូលតារាងក្នុងឆ្នាំ ២០១០ ក៏ដោយ តែគេតែងតែសង្កេតឃើញថា នាងបែរជាមានប្រៀបខ្លាំងទៅលើ ការថតផ្សាយ ពាណិជ្ជកម្មទៅវិញ ។

មើលពួកខ្ញុំសមគ្នាទេ?

បន្ទាប់ពីត្រឡប់មកវិញ ពីការចូលរួមច្រៀងតំណាងឲ្យសិល្បៈករខ្មែរ នៅប្រទេសថៃវិញនោះ នាងក៏មានគម្រោង និងចាកចេញទៅប្រទេសថៃថ្ងៃទី ១៥ ធ្នូ ២០១០ ដើម្បីថតស្ពតផ្សាយពាណិជ្ជកម្មឲ្យខាងផលិតផលទូរស័ព្ទម៉ាក Sam Sung ដែលជាក្រុមហ៊ុនធំមួយ មកពីប្រទេសកូរ៉េ ហើយស្ពតធំនេះ នឹងចេញតាមកញ្ចក់ទូរទស្សន៍ នៅអំឡុងដើមខែមករា ២០១០ ។ ចំណែកសុខ ជំនោ ដែលជាអនាគតស្វាមី សុគន្ធ និសា នោះ តែងតែដើរតាម សុគន្ធ និសា គ្រប់ជំហ៊ាន ទោះបីកន្លងមកតែងតែធ្លាប់មានព័ត៌មានលើការបែកបាក់ នៃគូរស្នេហ៍មួយគូរនេះក៏ដោយ ។

កុំធ្វើមុខអីចឹងព្រលឹងបង

គួររំលឹកថា សុគន្ធ និសា និងសុខ ជំនោ បានកសាងស្នេហ៍តាំងពីសុគន្ធ និសា មិនទាន់បានចូលផលិតកម្មហង្សមាសមកម្ល៉េះ ទោះជាអាយុកាលនៃស្នេហាមួយគូនេះ មានរយៈពេលវែងក៏ដោយ តែគេមិនដែលបានទទួលព័ត៌មានពីគំរោងនៃថ្ងៃចូលរោងការនៃតារាមុខ ស្រគត់ស្រគំ និងអ្នកនិពន្ធវ័យក្មេងថាពេលណានោះទេ ៕

ព្រឹត្តិការណ៍ក្នុងប្រទេសសំខាន់ៗក្នុងឆ្នាំ ២០១០

2010-12-18T03:49:00.000-08:00

នៅក្នុងឆ្នាំ ២០១០ នេះ មានរឿងរ៉ាវ និងព្រឹត្តិការណ៍សំខាន់ជាច្រើនបាន កើតឡើងនៅក្នុងសង្គមកម្ពុជានាពេល បច្ចុប្បន្នហើយក៏ជាឆ្នាំមួយដែលគេ អាចចាត់ទុកថាជាឆ្នាំប្រវត្តិសាស្ត្រ និង មោទកភាពបំផុតសម្រាប់ប្រទេស កម្ពុជាពីព្រោះនៅក្នុងឆ្នាំនេះមានដំណើរទស្សនកិច្ច របស់លោកអគ្គលេខាធិការអង្គការសហប្រជាជាតិ និង ឥស្សរជននយោបាយសំខាន់ៗរបស់ពិភព លោកបានមកធ្វើទស្សនកិច្ចជាផ្លូវការក្នុងព្រះរាជាណាចក្រកម្ពុជា ។ ពិសេស សោកនាដកម្មនៅលើស្ពានពេជ្រនៃតំបន់កោះពេជ្រ បណ្តាលឱ្យមនុស្សស្លាប់ ជិត ៣៥៣ នាក់ នឹងរបួសជាង៤០០នាក់។ ព្រឹត្តិការណ៍សំខាន់ៗទាំងនោះមានដូចខាងក្រោមនេះ ៖

* សោកនាដកម្មដ៏រន្ធត់ដែលពុំធ្លាប់មានក្នុងប្រវត្តិសាស្ត្រប្រទេសកម្ពុជា មានមនុស្ស ស្លាប់ចំនួន ៣៥១ នាក់ ក្នុងហេតុការណ៍ប្រជ្រៀតគ្នាយប់ថ្ងៃអុំទូកទី ៣
នៅក្នុងហេតុការណ៍ដ៏រន្ធត់ដែលពុំធ្លាប់មានគឺនៅព្រះរាជាណាចក្រកម្ពុជា នៅថ្ងៃទី ២២ ខែវិច្ឆិកា ថ្ងៃទីបីនៃពិធីបុណ្យអុំទូក នៅលើស្ពានឆ្លងចូលទៅតំបន់ ទីក្រុងរណបកោះពេជ្រមានហេតុការណ៍ប្រជ្រៀតជាន់គ្នាបណ្តាលឱ្យមានមនុស្ស ស្លាប់ចំនួន ៣៥3 នាក់ និង រងរបួសជិត ៤០០ នាក់ ។ ហេតុការណ៍ដ៏អាក្រក់នេះ បានកើតឡើងនៅវេលាម៉ោង ៩ និង ២០ នាទីយប់ថ្ងៃអុំទូកទី ៣ ហើយអ្នកស្លាប់ ភាគច្រើនជាអ្នកមកពីតាមបណ្តាខេត្តដែលពួកគេបាននាំគ្នាទៅលេងកោះពេជ្រ ។ មូលហេតុនៃការស្លាប់ និង របួសមនុស្សដ៏ច្រើនលើសលប់នេះបណ្តាលមកពីការ ផ្អើលជាន់គ្នាកកស្ទះនៅលើស្ពានពេជ្រ ។ មនុស្សជាន់គរលើគ្នាមិនអាចចេញពី ស្ពាន មានអ្នកខ្លះអាចរួចជីវិតដោយលោតចូលទៅក្នុងទឹកទន្លេ ។ ក្រោយហេតុ ការណ៍នេះប្រជាជនកម្ពុជា ពិសេសអ្នករស់នៅភ្នំពេញផ្អើលនាំគ្នាទិញចេក ទៀន ធូប ដុត ដើម្បីជូនព្រលឹងអ្នកស្លាប់ទៅកាន់បរលោក ។

* ចាប់លោកសង្ឃ នេត ខៃប៉ូលិសចាប់លោកសង្ឃ នេត ខៃ ផ្សឹកហើយដាក់ ពន្ធនាគារបន្ទាប់ពីលោកសង្ឃអង្គនេះ បានថតរូបវីដេអូស្រាត ងូតទឹករបស់ភ្ញៀវដែល មកប្រោះព្រំទឹកមន្ត នៅវត្តស្រះចក ខណ្ឌដូនពេញ ។ លោកសង្ឃ នេត ខៃ បានថតឈុតវីដេអូ ស្រាតជាច្រើនរយ ឈុតហើយបានបញ្ជូនតាមទូរស័ព្ទដៃ ។ មានពាក្យបណ្តឹងពីស្រី ៣ រូបដែលត្រូវលោកសង្ឃថតវីដេអូ ស្រាតងូតទឹកក្នុងបន្ទប់ហើយបញ្ជូនទៅតាមទូរស័ព្ទ ។ លោកសង្ឃត្រូវតុលាការកាត់ទោសជាប់ពន្ធនាគារជាច្រើនឆ្នាំ ។

* ជំនួបនាយករដ្ឋមន្ត្រីកម្ពុជា និង នាយករដ្ឋមន្ត្រីថៃ នៅរាជធានីប៊្រុចសែល
ជំនួបលើកទី ២ រវាងនាយករដ្ឋមន្ត្រីកម្ពុជា និង នាយករដ្ឋមន្ត្រីថៃ នៅរាជធានីប៊្រុចសែល ប្រទេសបែលហ្ស៊ិក កាលពីថ្ងៃទី ៦ ខែតុលា ក្នុងខណៈពេលដែលប្រមុខដឹកនាំរដ្ឋាភិបាលនៃប្រទេស ទាំងពីរអញ្ជើញចូលរួមកិច្ចប្រជុំកំពូលអាស៊ី-អឺរ៉ុបលើកទី ៨ ។ ក្នុងជំនួបនោះមេដឹកនាំនៃប្រទេស ទាំងពីរបានពិភាក្សាគ្នាលើទិដ្ឋភាពទូទៅ ដោយធ្វើយ៉ាងណាបង្កើនកិច្ចសហប្រតិបត្តិការឱ្យកាន់តែ ជិតស្និទ្ធថែមទៀត ពិសេសបង្កើនជំនឿជឿជាក់ និង ភាពកក់ក្តៅ សម្រាប់ប្រជាជាតិនៃប្រទេសទាំង ពីរឱ្យកាន់តែមានទំនុកចិត្តទ្វេឡើងថែមទៀតលើវិស័យសេដ្ឋកិច្ច និង ពាណិជ្ជកម្ម ជាដើម ។

* មេដឹកនាំកម្ពុជា-ថៃជួបគ្នានៅទីក្រុងហាណូយ ប្រទេសវៀតណាម
ជំនួបទ្វេភាគីលើកទី ៣ រវាងប្រមុខរដ្ឋាភិបាលនៃប្រទេសទាំងពីរកាលពី ថ្ងៃទី ២៨ ខែតុលា ខណៈពេលដែលប្រមុខរដ្ឋាភិបាលនៃប្រទេសទាំងពីរចូលរួមកិច្ច ប្រជុំកំពូលអាស៊ានលើកទី ១៧ នៅទីក្រុងហាណូយ ប្រទេសវៀតណាម ។

* រដ្ឋមន្ត្រីការបរទេសសហរដ្ឋអាមេរិក មកធ្វើទស្សនកិច្ចនៅប្រទេសកម្ពុជា

លោកស្រី ហ៊ីលឡារី គ្លីនតុន រដ្ឋមន្ត្រីការបរទេសសហរដ្ឋ អាមេរិកបានមកធ្វើទស្សនកិច្ចក្នុងប្រទេសកម្ពុជាចំនួនបីថ្ងៃ ។ លោកស្រី បានមកដល់ប្រទេសកម្ពុជានៅថ្ងៃទី ៣១ ខែតុលា ហើយបានទៅ ទស្សនាប្រាសាទអង្គរវត្តនៅខេត្តសៀមរាប ។ ក្នុងដំណើរទស្សនកិច្ច របស់លោកស្រី ហ៊ីលឡារី គ្លីនតុន មកកាន់ប្រទេសកម្ពុជានាពេលនោះ បានជួបជាមួយសម្តេចនាយករដ្ឋមន្ត្រី ហ៊ុន សែន រយៈពេល ៤៥ នាទី កាលពីរសៀលថ្ងៃទី ១ ខែវិច្ឆិកា នៅវិមានសន្តិភាពនៃទីស្តីការនាយក រដ្ឋមន្ត្រី ។ ក្រៅពីជួបជាមួយសម្តេចនាយករដ្ឋមន្ត្រី លោកស្រីបានជួប ជាមួយមន្ត្រីគណបក្សនយោបាយ អង្គការក្រៅរដ្ឋាភិបាលមួយចំនួន ទៅទស្សនាសារមន្ទីរគុកទួលស្លែង និង ជួបជាមួយក្រុមនិស្សិតរាប់រយ នាក់នៅក្នុងទីក្រុងភ្នំពេញ ។

* ជំងឺរាករូសបានរាតត្បាត តាមបណ្តាខេត្តមួយចំនួន
កន្លងមកកាលពីថ្ងៃទី ១០ ខែមេសា ដល់ ថ្ងៃទី ២៥ ខែឧសភា ឆ្នាំ ២០១០ មានអ្នកស្លាប់ ដោយសារជំងឺរាករូសនេះចំនួន ១៦ នាក់ និង មនុស្សចំនួន ៥៤៣ នាក់ផ្សេងទៀតត្រូវបានរាត ត្បាតដោយសារជំងឺនេះ ។ ជំងឺនេះបានរាត ត្បាតនៅតាមបណ្តាខេត្តមួយចំនួនដូចជា ខេត្ត ក្រចេះ កំពង់ចាម រតនគិរី និង តំបន់ផ្សេងៗ ទៀត ។

* ជំនួបនាយករដ្ឋមន្ត្រីកម្ពុជា និង នាយករដ្ឋមន្ត្រីថៃ នៅទីក្រុងញ្ញូវ យ៉ក
កាលពីថ្ងៃទី ២៤ ខែកញ្ញា កន្លងទៅនេះ នៅឯកិច្ចប្រជុំកំពូលអាស៊ាន-សហរដ្ឋអាមេរិក សម្តេចនាយករដ្ឋមន្ត្រីនៃប្រទេសកម្ពុជា និង នាយករដ្ឋមន្ត្រីរបស់ប្រទេសថៃ បានជួបពិភាក្សា ទ្វេភាគីដើម្បីបង្កើននូវទំនាក់ទំនងនៃប្រទេស ទាំងពីរឱ្យកាន់តែប្រសើរថែមទៀត ក្នុងគោល បំណងកាត់បន្ថយនូវភាពតានតឹងតាមខ្សែបន្ទាត់ ព្រំដែនកម្ពុជា-ថៃ ។ ការជួបពិភាក្សាក្នុងខណៈ នោះមានរយៈពេលតែប៉ុន្មាននាទីប៉ុណ្ណោះ ។

* អគ្គលេខាធិការអង្គការសហប្រជាជាតិមកទស្សនកិច្ចនៅប្រទេសកម្ពុជា

កាលពីព្រលប់ថ្ងៃទី ២៦ ខែតុលា លោក បាន គីមូន អគ្គលេខាធិការអង្គការសហប្រជាជាតិ បានមកដល់ប្រទេសកម្ពុជា បន្ទាប់មកបានជួបជាមួយមន្ត្រីជាន់ខ្ពស់របស់រាជរដ្ឋាភិបាលកម្ពុជាមួយ ចំនួន ។ នៅថ្ងៃទី ២៧ ខែ តុលា លោក បាន គីមូន និង លោកជំទាវ បានទទួលបដិសណ្ឋារកិច្ច ផ្លូវការនៅវិមានសន្តិភាពនៃទីស្តីការនាយករដ្ឋមន្ត្រី ដោយសម្តេចអគ្គមហាសេនាបតីតេជោ ហ៊ុន សែន និង លោកជំទាវ ព្រមទាំងមន្ត្រីរដ្ឋាភិបាលមួយចំនួន និង បណ្តាអង្គទូតនានា ។ នៅវេលា ម៉ោង ២ រសៀលថ្ងៃទី ២៨ ខែតុលា លោក បាន គីមូន បានចាកចេញពីប្រទេសកម្ពុជាទៅធ្វើ ទស្សនកិច្ចនៅប្រទេសវៀតណាម ។

* ប្រធានរដ្ឋសភានៃសាធារណរដ្ឋប្រជាមានិតចិនមកធ្វើទស្សនកិច្ចនៅប្រទេសកម្ពុជា
ដំណើរទស្សនកិច្ចជាផ្លូវការរបស់ប្រធានរដ្ឋសភានៃសាធារណរដ្ឋប្រជាមានិត ចិនមកកាន់ប្រទេសកម្ពុជាមានរយៈពេលបីថ្ងៃគឺចាប់ពីថ្ងៃទី ៣ រហូតដល់ថ្ងៃទី ៦ ខែ វិច្ឆិកា ។ នៅវេលាម៉ោង ៩ ព្រឹក ថ្ងៃទី ៤ ខែវិច្ឆិកា ប្រធានរដ្ឋសភាចិន បានត្រួតពល នៅខាងមុខរដ្ឋសភាកម្ពុជា បន្ទាប់មកបានជួបជាមួយសម្តេចអគ្គមហាពញ្ញាចក្រី ហេង សំរិន ប្រធានរដ្ឋសភាកម្ពុជា ។ នៅរសៀលថ្ងៃដដែលវេលាម៉ោង ៣ ថ្ងៃទី ៤ គណៈប្រតិភូបានចូលគាល់ព្រះមហាក្សត្រកម្ពុជានៅព្រះបរមរាជវាំង ។ នៅវេលា ម៉ោង ៤ ថ្ងៃនោះដែរ គណៈប្រតិភូរបានជួបសម្តេចនាយករដ្ឋមន្ត្រីកម្ពុជា ហើយនៅ ព្រលប់ថ្ងៃទី ៤ ខែវិច្ឆិកា គណៈប្រតិភូបានជួបស្ថានទូតចិន សមាគមចិន និង និស្សិត ចិននៅក្នុងប្រទេសកម្ពុជា ។ នៅថ្ងៃទី ៥ ខែវិច្ឆិកា គណៈប្រតិភូបានចេញដំណើរទៅ ខេត្តសៀមរាបដើម្បីទស្សនាប្រាសាទអង្គរវត្ត ។ នៅវេលាម៉ោង ៩ ព្រឹក ថ្ងៃទី ៦ ខែ វិច្ឆិកា គណៈប្រតិភូបានចេញដំណើរទៅកាន់កោះបាលី ប្រទេសឥណ្ឌូណេស៊ី ។

* កិច្ចប្រជុំកំពូល CLV, CLMV ,ACMECS ក្នុងទីក្រុង ភ្នំពេញប្រទេសកម្ពុជា

ក្នុងកិច្ចប្រជុំកំពូលកម្ពុជា វៀតណាម លាវ លើកទី ៦ CLV កិច្ចប្រជុំកំពូលកម្ពុជា វៀតណាម លាវ មីយ៉ាន់ម៉ា លើកទី ៥ CLMV និង កិច្ចប្រជុំកំពូលយុទ្ធសាស្ត្រនៃកិច្ចសហប្រតិ-បត្តិការសេដ្ឋកិច្ចអាយេយ៉ាវ៉ាឌី ចៅប្រាយ៉ាមេគង្គ លើកទី ៤ ACMECS រវាងប្រទេសកម្ពុជា លាវ មីយ៉ាន់ម៉ា ថៃ និង វៀតណាម នៅរាជ ធានីភ្នំពេញ កាលពីថ្ងៃទី ១៦ និង ១៧ ខែវិច្ឆិកា ឆ្នាំ ២០១០ សម្តេចនាយករដ្ឋមន្ត្រី ហ៊ុន សែន បានជួបជុំទ្វេភាគីដាច់ដោយឡែកជាមួយនាយក រដ្ឋមន្ត្រីលាវ នាយករដ្ឋមន្ត្រីវៀតណាម និង នាយករដ្ឋមន្ត្រីថៃ ។ បន្ទាប់ពីបញ្ចប់កិច្ចប្រជុំកំពូល ACMECS នាយករដ្ឋមន្ត្រីថៃ អាប់ភីស៊ីត នឹង ត្រូវបំពេញទស្សនកិច្ចការងារនៅកម្ពុជា ខណៈ ពេលនោះសម្តេចនាយករដ្ឋមន្ត្រីកម្ពុជា និង លោក អាប់ភីស៊ីត បានជួបពិភាក្សាការងារទ្វេភាគីជាមួយ គ្នាដោយបិទទ្វារ ។ ក្នុងកិច្ចប្រជុំ ជៅំជ្ថែ កន្លងទៅនេះមានកិច្ចព្រមព្រៀងជាច្រើនបានចុះ ហត្ថលេខាជាមួយគ្នារវាងបណ្តាប្រទេសជាសមា-ជិកដែលបានចូលរួមក្នុងកិច្ចប្រជុំកំពូលនេះ ។

* ជំនួបនាយករដ្ឋមន្ត្រីកម្ពុជា និង វៀតណាម នៅទីក្រុងភ្នំពេញ

ឆ្លើយតបនឹងការអញ្ជើញរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី ១៥ ខែវិច្ឆិកា លោក ណងុយនេ ទាន ឌុនង នាយករដ្ឋ-មន្ត្រីនៃសាធារណរដ្ឋសង្គមនិយមវៀតណាម និង លោកជំទាវ ព្រមទាំងគណៈប្រតិភូបានអញ្ជើញ មកព្រះរាជាណាចក្រកម្ពុជាដើម្បីបំពេញទស្សនកិច្ចជាផ្លូវការ ។ ក្នុងជំនួបជាផ្លូវការរយៈពេល ៥០ នាទីរវាងសម្តេចអគ្គមហាសេនាបតីតេជោ និង លោក ណងុយនេ ទាន ឌុនង នៅអគារសន្តិភាពនៃ ទីស្តីការនាយករដ្ឋមន្ត្រី សម្តេចនាយករដ្ឋមន្ត្រីកម្ពុជាបានអបអរសាទរចំពោះជោគជ័យដែលសាធា-រណរដ្ឋសង្គមនិយមវៀតណាមបានរៀបចំកិច្ចប្រជុំកំពូលអាស៊ានលើកទី ១៧ កន្លងទៅថ្មីៗនេះ ហើយ សម្តេចក៏មានសុទិដ្ឋិនិយមចំពោះទស្សនកិច្ចនេះនឹងបង្កើនថែមទៀតនូវទំនាក់ទំនង និង កិច្ចសហ-ប្រតិបត្តិការរវាងប្រទេសទាំងពីរ ។

* មនុស្ស ៦៩ នាក់ពុលស្រា

ប្រជាពលរដ្ឋរស់នៅឃុំចំនួនបី ក្នុងនោះ មានឃុំព្រះធាតុ ឃុំមៀន និង ឃុំអម្ពិលតាពក ក្នុងស្រុកអូររាំងឪ ខេត្តកំពង់ចាម បានពុលស្រា ដោយមានអ្នកស្លាប់ជាបន្តបន្ទាប់គិតចាប់ពីថ្ងៃទី ១៥ ដល់ថ្ងៃទី ១៨ ខែតុលា មានអ្នកពុលស្រាចំនួន ៦៩ នាក់ និង ស្លាប់ចំនួន ១២ នាក់ ។ ការស្លាប់ដ៏ចម្លែកនេះត្រូវបានមន្ត្រីមន្ទីរសុខាភិបាល ខេត្តធ្វើការអះអាងថា ការពុលនេះអាចបណ្តាល មកពីមានជាតិថ្នាំពុលនៅក្នុងស្រា និង ទឹក អណ្តូង ។ ប្រជាពលរដ្ឋដែលពុលនេះនៅក្នុង កម្មវិធីជប់លៀងក្នុងភូមិមួយ ។

* សោកនាដកម្មផ្ទុះមីនតោន កសិករជិះគោយន្ត ១៤ នាក់ស្លាប់

ប្រជាកសិករចាស់ក្មេងប្រុសស្រីចំនួន ១៤ នាក់បានស្លាប់បាត់បង់ជីវិតក្នុងគ្រាដែលពួកគាត់ បាននាំគ្នាជិះលើរ៉ឺម៉កគោយន្តកន្ត្រៃមួយគ្រឿងបើកត្រឡប់ពីចម្ការមកលំនៅស្ថានរបស់ពួកគេវិញ ។ គ្រោះ អកុសលនេះកើតឡើងដោយសារគោយន្តកិនលើមីនតោនកប់ក្នុងដី បណ្តាលឱ្យផ្ទុះលាន់ដូចរន្ទះ កាលពីវេលាម៉ោង ៥ និង ១៥ នាទីល្ងាច ថ្ងៃទី ១៦ ខែវិច្ឆិកា ត្រង់ចំណុចខ្នាច់សង្កែ ក្បែរមាត់អូរមួយ ស្ថិតក្នុងភូមិកំពង់គល់ ឃុំចែងមានជ័យ ស្រុកបាណន់ ខេត្តបាត់ដំបង ។ អ្វីដែលធ្វើឱ្យអាណោចអាធ័ម បំផុតនោះ គឺស្ទើរតែគ្រប់សាកសពទាំងអស់រងរបួសខ្ទេចខ្ទីស្ទើរតែមើលមិនយល់ដូចគេកាប់ចិញ្ច្រាំ ហើយខ្ទាតរប៉ាត់រប៉ាយពេញព្រៃ ។ ក្នុងចំណោមមនុស្សទាំង ១៤ នាក់ រាប់ទាំងអ្នកបើកបរគោយន្តផង ពុំមានអ្នកណាម្នាក់បានរួចជីវិតពីគ្រោះអកុសលនេះឡើយ .

* ការប៉ះទង្គិចគ្នាដោយអាវុធរវាងកងទ័ពកម្ពុជា-ថៃ នៅព្រំដែនខេត្តពោធិ៍សាត់
កាលពីថ្ងៃទី ២៩ ខែមករា នៅវេលាម៉ោង ១០ និង ៣០ នាទីយប់ នៅចំណុចព្រំដែនកម្ពុជា-សៀម ក្នុងភូមិសាស្ត្រឃុំថ្មដា ស្រុកវាលវែង ខេត្ត ពោធិ៍សាត់ មានការផ្ទុះអាវុធដាក់គ្នាមួយប្រាវរវាង កងទ័ពនៃប្រទេសទាំងពីរ បណ្តាលឱ្យភាគីកងទ័ព សៀមម្នាក់បានស្លាប់ និង រងរបួសចំនួន ៤ នាក់ ចំណែកកងទ័ពកម្ពុជាវិញមិនមានអ្នកស្លាប់ និង រងរបួសនោះទេ ។

សេចក្ដីចូលរួមកាន់មរណទុក្ខរបស់ខ្ញុំចំពោះបងប្អូនរង្រ្គោះនៅកោះពេជ្រ

2010-11-27T00:58:00.000-08:00

បងប្អូនរង្រ្គោះជាទីស្រលាញ់

ក្នុងនាមខ្ញុំជាកូនខ្មែរមួយរូបខ្ញុំមានការសោកស្ដាយយ៉ាងខ្លាំងរកអ្វីមកប្រៀបផ្ទឹមពុំបានចំពោះហេតុការណ៍ដែលយើងមិនអាចស្មានដល់ មិនមែនតែរូបខ្ញុំម្នាក់ទេដែលតក់ស្លត់ និង
រំជើបរំជួលននោះសូម្បីមនុស្សលោកដែលរស់នៅនាយសមុទ្រក៍លោកខ្លោចផ្សានិងតក់ស្លត់មិនចាញ់ខ្ញុំប៉ុន្មានឡើយ។
ថ្វីត្បិតតែរូបខ្ញុំគ្មានសាច់ញាតិរង្គ្រោះនៅក្នុងហេតុការណ៍នោះយ៉ាងណា តែសម្រាប់ខ្ញុំផ្ទាល់ខ្ញុំគិតថាអ្នករង្គ្រោះទាំងនោះគឺជាបងប្អូនខ្ញុំ ញាតិមិត្តខ្ញុំ មិត្តភក្ដិខ្ញុំ ទោះបីពួកយើងមិនដែលបានស្គាល់ឬជួបគ្នាក៍យើងជាមនុស្សជាតិតែមួយ។
ជាទីអវសាន្តនៃសេចក្ដីទុក្ខសោកនេះ ខ្ញុំបាទវ៉ាន វីរះសូមអធិដ្ឋានដល់គុណព្រះរតនត្រៃយ៍ជួយយឹតយោងដល់បណ្ដាលដួងវិញ្ញាណនក្ខន្ធបងប្អូនជនរួមជាតិ
ចំនួន347នាក់ទៅកាន់សុគតិភពនិងបងប្អូនដែលកំពុងសម្រាកព្យាបាលនៅតាមមន្ទីរពេទ្យនានា
សូមឲ្យបានជាសះស្បើយពីគ្រោះថ្នាក់នេះកុំបីឃ្លាតឡើយ៕

កម្មពៀរ?

2010-11-27T00:50:00.001-08:00

ក្ដីសង្ឃឹមនិងស្នាមញញឹមរបស់ ប្រាសាទបុរាណភ្នំចៅស្រីវិបុលកេរ្តិ៍

2010-11-16T02:37:00.000-08:00

នៅលើភ្នំដ៏តូចច្រឡឹងមានប្រាសាទ មួយល្អវិចិត្រ គឺប្រាសាទ “ចៅស្រី វិបុលកេរ្តិ៍” ក៏ប៉ុន្តែសព្វថ្ងៃប្រាសាទ នេះរងនូវការបាក់បែកខូចខាត ស្ទើរតែទាំងស្រុងដោយសារធម្មជាតិ និង សង្គ្រាមផ្ទៃក្នុងរ៉ាំរ៉ៃអស់ជិតសាមសិប ឆ្នាំ ។ ប្រាសាទបុរាណបាក់បែកស្ទើររលាយនេះកំពុង តែត្រូវការឱ្យមានការថែរក្សា និង អភិវឌ្ឍឡើងវិញដូច ប្រាសាទបុរាណផ្សេងៗទៀតនៅខេត្តសៀមរាបដែរ ។

យើងធ្វើដំណើរទៅតាមបណ្តោយផ្លូវជាតិលេខ ៦ ពីភ្នំពេញទៅសៀមរាប ហើយបត់ចូលត្រង់ភូមិរលួស សសៀរ តាមផ្លូវមុខសាលាស្រុកសូទ្រនិគម ចម្ងាយប្រមាណជាប្រាំពីរគីឡូម៉ែត្រ នៅទិសខាងជើងនៃសាលាស្រុក យើង នឹងបានឃើញផ្លូវលំមួយក្រាលក្រួសក្រហមទៅត្រង់យើងនឹងទៅដល់ភ្នំស្រីវិបុលកេរ្តិ៍ ។ កាលបើ ទៅដល់ភ្នំនេះ ជាបឋមយើងប្រទះឃើញវត្តមួយយ៉ាងសមរម្យនៅអែបជើងភ្នំនោះ ។ បើតាមសម្តីអ្នកស្រុកនិយាយថា វត្តនេះ កាលពីដើមនៅឯកំពូលភ្នំឯណោះទេ តែព្រះ សង្ឃចេះតែមានជំងឺទើបមូលមតិគ្នាលើកវត្តមកនៅជើងភ្នំវិញ ទុកតែ ព្រះវិហារមួយនៅលើនោះ ។ ជណ្តើរដែលឡើងទៅលើភ្នំនោះមានបួន ប៉ុន្តែសព្វថ្ងៃសល់តែជណ្តើរ ពីរទេដែល បង្កលក្ខណៈងាយស្រួលដល់ការឡើងទៅទស្សនាប្រាសាទ គឺជណ្តើរខាង លិច និង ខាងជើង ។ នៅតាម បណ្តោយជណ្តើរទាំងអស់សុទ្ធតែមានរូបចម្លាក់ ខ្លោងទ្វារថ្មរចនាបថបែបខ្មែរបុរាណ ប៉ុន្តែសព្វថ្ងៃនេះបានរង នូវការខូចខាតស្ទើរទាំងស្រុងទៅហើយ ។ ចំណែកតួប្រាសាទវិញកំពុងរងនូវការបាក់បែកដួលរលំដោយសារ សំណឹកធម្មជាតិនិងសង្គ្រាមកាលពីជាងសាមសិបឆ្នាំមុន ។ គួរបញ្ជាក់ផងដែរថា កាលពីសម័យបនប្រល័យ ពូជសាសន៍ប៉ុលពតនៅលើភ្នំចៅស្រីវិបុលកេរ្តិ៍នេះ ជា ចំណុចសង្គ្រាមយ៉ាងក្តៅគគុករវាងកងទ័ពសាធារណរដ្ឋខ្មែរ និងទាហានប៉ុលពតហើយទីតាំងទាហានព្រៃ ប៉ុល ពត គឺស្ថិតនៅជុំវិញភ្នំ នេះតែម្តង ។ តាមអ្នកស្រុកឱ្យដឹងថា ច្បាំងលើកណាក៏កងទ័ពប៉ុល ពត ពុំអាចធ្វើអ្វីកងទ័ពសាធារណរដ្ឋខ្មែរបានដែរ ដោយសារ បារមីភ្នំ និង ប្រាសាទចៅស្រីវិបុលកេរ្តិ៍ជួយថែរក្សាការញរបិទបាំង ។

លោកតា រឹម ហ៊ាប អាយុហុកសិបប្រាំបីឆ្នាំ មានទីលំនៅអែបជើងភ្នំបាន មានប្រសាសន៍ឱ្យដឹងថា កាលពី ដើមឡើយបារមីប្រាសាទនេះពូកែស័ក្តិសិទ្ធិណាស់ រូបគាត់ និង អ្នកស្រុក ពេលឡើងភ្នំនេះម្តងៗពុំហ៊ាន និយាយអ្វីផ្តេសផ្តាសទេព្រោះខ្លាចបារមីព្រះកម្ចាយដែលតែងតែធ្វើឱ្យចុកញេះ ឬ ឈឺស្លាប់ បើហ៊ាននិយាយ ពាក្យពុំសមគួរឬសើចឡកឡាយ ។ លុះដល់ជំនាន់ ប៉ុល ពត រូបចម្លាក់នោះ ត្រូវបានពួកទាហាននាំគ្នាសែងទៅចោលក្នុងព្រៃមួយកន្លែងនៅជើងភ្នំ ហើយកន្លែង ដែលចោលរូបចម្លាក់ព្រះកម្ចាយនោះ អ្នកស្រុក ពុំហ៊ានដើរទៅក្បែរទេព្រៃនោះ ក៏ក្លាយជាព្រៃរហោស្ថានរហូតសព្វថ្ងៃ ហើយបារមីនោះក៏ត្រូវបានសាបរលាប បន្តិចម្តងៗរហូតដល់សព្វថ្ងៃ ។ នៅលើភ្នំនេះ នៅអែបនឹងតួប្រាសាទដែលដួល រលំខ្លះទៅហើយ ហើយត្រូវបានអាជ្ញាធរអប្សរាយកឈើទល់ច្រូងច្រាងរៀបចេញ ជារាងប្រាសាទឡើងវិញ តែសោភណភាព និង រូបចម្លាក់ នៅតាមតួសិលាពុំមានសេសសល់ទេ ដោយសារពួកជនទុច្ចរិតកាត់ក្បាលយកទៅលក់ឱ្យបរទេសអស់ មួយចំនួនធំ ។ បច្ចុប្បន្ននេះមានសេសសល់បំណែកដងទង់បុរាណដែលធ្វើឡើង ពីដើមជើងចាបព្រៃ បាក់បែកដេករដូករណែលនៅជិតនោះ ។ ដងទង់បុរាណនោះ ហើយដែលអ្នកស្រុកមានជំនឿថាមានឫទ្ធិបារមីពូកែអាចព្យាបាលជំងឺផ្សេងៗបាន ជាពិសេសចំពោះទារកទើបនឹងកើត គេតែងតែស្ទោះយកបំណែកឈើនេះទៅដាក់លើក្បាលដំណេកដើម្បីសុំសេចក្តីសុខ សប្បាយជានាពីជំងឺផ្សេងៗ ។ លោកតារៀប រាប់ទៀតថា ជារៀងរាល់ថ្ងៃសីល គេតែងឮសូរសំឡេងភ្លេង ពិណញទ្យប្រគំល្វើយៗពីលើកំពូលប្រាសាទ តែបច្ចុប្បន្នជួនកាលឮ ជួនកាលក៏អត់ ។ ចំណែកព្រះវិហារ លើភ្នំវិញមានសភាពចាស់ទ្រុឌទ្រោមទៅហើយ នៅទិសខាងកើតប្រាសាទយើង ឃើញមានចេតិយដ៏ចំណាស់ ពីរទន្ទឹមគ្នាដែលជាផ្នូរលោកគ្រូសង្គ្រាជវត្តកាលពី ប្រមាណហាសិបឆ្នាំមុន ស្ថិតនៅជម្រាលភ្នំពីក្រោមដើមចន្ទន៍ ។ រីឯនៅជុំវិញតួប្រាសាទមានចេតិយបុរាណចំនួនបីដែលល្បីតៗគ្នាមកថាជាចេតិយរបស់ព្រះបាទ យសកេរ្តិ៍ និង ព្រះមហេសី ព្រមទាំងបុត្រាព្រះនាមព្រះបាទ ចៅស្រីវិបុលកេរ្តិ៍ ។

ទាក់ទងទៅនឹងប្រាសាទចៅស្រីវិបុលកេរ្តិ៍នេះដែរ ក៏មានរឿងនិទានបុរាណ តំណាលថា ៖
កាលពីដើមឡើយមានព្រះមហាក្ស ត្រមួយព្រះអង្គព្រះនាម យសកេរ្តិ៍ គ្រង រាជ្យនៅដែនសិម្ពលី មានមហេសីព្រះនាម សុវណ្ណមាលា ។ ទ្រង់មានព្រះទ័យប្រកបដោយធម៌សប្បុរស ថ្ងៃមួយមានមហាក្សត្រនគរជិតខាងមានក្តីលោភលន់ចង់បានព្រះនគរក៏លើកពលរេហ៍មកច្បាំងដណ្តើមយកទឹកដី ។ ព្រះរាជាត្រាស់ហើយទ្រង់នឹកអាណិតដល់ប្រជានុរាស្ត្រ ក៏សម្រេចព្រះទ័យភៀសព្រះអង្គ និង មហេសី យាងទៅគង់ក្នុងព្រៃទុកនគរឱ្យរាជា អង្គនោះសោយរាជ្យតទៅ តែរាជាអង្គនោះនៅតែតាមចាប់ព្រះអង្គទាល់តែបាន មកធ្វើទុក្ខទោសយ៉ាងព្រៃផ្សៃ ។ ពេលនោះព្រះនាង សុវណ្ណមាលា គង់នៅតែ អង្គឯង ណាមួយផ្ទៃជិតគ្រប់ខែផង ។

ចំណេរក្រោយមកប្រមាណជាដប់ប្រាំដប់ប្រាំមួយឆ្នាំ រាជកុមារតែងតែសួរ រកបិតា លុះដឹងសព្វគ្រប់ហើយ ក៏សុំមាតាទៅរំដោះបិតាតែមាតាផ្តាំថា “បើកូនទៅ កុំឱ្យហួសប្រាំពីរឆ្នាំ បើហួសម្តាយនឹងបែកទ្រូងស្លាប់មិនខាន” ។ លុះបានជួបបិតាហើយត្រូវជាវេលាដែលត្រូវប្រហារជីវិតព្រះបាទ យសកេរ្តិ៍ ព្រះបាទ វិបុលកេរ្តិ៍ ក៏សុំស្លាប់ជំនួសព្រះបិតា រាជាអង្គនោះក៏យល់ព្រម តែជាការអស្ចារ្យណាស់ ដាវ ពេជ្ឈឃាតក៏ប្រែទន់ដូចសំឡី ពុំអាចសម្លាប់ព្រះអង្គបានឡើយ ។ ដោយហេតុចម្លែក ដូចនេះរាជាអង្គនោះក៏ភ្ញាក់ព្រះអង្គ ហើយប្រគល់នគរឱ្យព្រះបាទយសកេរ្តិ៍វិញ ប្រជានុរាស្ត្រនឹកស្ងើចអំណាចព្រះរាជកុមារគ្រប់ៗគ្នាក៏រៀបចំអភិសេកព្រះស្រីវិបុលកេរ្តិ៍ពេលនោះទៅ ។ព្រះរាជកុមារក៏ប្រាប់ពីបណ្តាំមាតាឱ្យបិតាដឹងថា ជា យប់គម្រប់ទីប្រាំពីរហើយក៏រូតរះទៅជួបមាតា តែតាមផ្លូវជួបឧបសគ្គទម្រាំទៅដល់ព្រះមាតាស្លាប់ទៅហើយ ។ ព្រះអង្គវិតក្កជាខ្លាំងក៏សម្រេចចិត្តផ្ទំទ្រម ឈូសមាតា រហូតសុគត ។ ហេតុដូចនេះហើយទើបនៅផ្តែរខ្លោងទ្វារខាងលិចមានរូបចម្លាក់ មនុស្សប្រុសទ្រមឈូសរាងផ្កាឈូក ដែលតំណាងឱ្យព្រះបាទ ស្រីវិបុលកេរ្តិ៍ ផ្ទំទ្រ មឈូសព្រះមាតា ប៉ុន្តែសព្វថ្ងៃចម្លាក់នេះបាត់បង់សោភណភាពដើមអស់ទៅ ហើយ ។ កន្លែងដែលទ្រង់ផ្ទំទ្រមឈូសនោះក៏ត្រូវព្រះបិតាសាងជាប្រាសាទឡើង ហើយប្រសិទ្ធនាមថា “ប្រាសាទចៅស្រីវិបុលកេរ្តិ៍” ។

រហូតមកទល់សព្វថ្ងៃនេះ រមណីយដ្ឋានប្រាសាទនេះមានសភាពស្ងាត់ជ្រងំ ដោយជាទូទៅក្នុងមួយថ្ងៃមានភ្ញៀវតែបួនទៅប្រាំនាក់ប៉ុណ្ណោះដែលទៅទស្សនា ឬ ស្ទើរតែគ្មាន ហើយសុទ្ធសឹងជាភ្ញៀវបរទេសប៉ុណ្ណោះ ៕

រមណីយដ្ឋានបឹងបៃតង

2010-11-16T02:28:00.000-08:00

ក្រោយពីបម្រើការងារពេញមួយ សប្តាហ៍ហើយនោះមន្ត្រីរាជការ បុគ្គលិកអង្គការក្រៅរដ្ឋាភិបាល បុគ្គលិកក្រុមហ៊ុនឯកជននានា សិស្ស និស្សិត បានសម្លឹងទៅ រកកន្លែងកម្សាន្តលម្ហែកាយនានា ដើម្បីបន្ធូរបន្ថយ នូវភាពតានតឹងដែលពួកគេបានបំពេញការងារអស់រយៈពេលមួយ សប្តាហ៍កន្លងមក ។ បឹងបៃតងជារមណីយដ្ឋានថ្មីមួយដែលមានតូប លម្ហែកាយសម្រាប់ស្ទូចត្រី ភោជនីយដ្ឋាន ទីលានកីឡា និង កន្លែង កម្សាន្ត ដែលពេលនេះកំពុងមានការ ទាក់ទាញភ្ញៀវទេសចរភ្នំពេញ យ៉ាងច្រើនឱ្យចង់ទៅលម្ហែកាយនៅទីនោះ ។

បើយើងចង់ទៅស្ទូចត្រីលម្ហែកាយនៅ រមណីដ្ឋានបឹងបៃតង យើងចេញដំណើរពីភ្នំពេញតាមផ្លូវ សហព័ន្ធរុស្ស៊ី មុននឹងទៅដល់ពោធិ៍ចិនតុងនោះ យើង ត្រូវបត់ចូលតាមផ្លូវហាណូយ កាត់ផ្សារដីហ៊ុយដល់ វត្តសំរោងអណ្តែត ហើយបន្តដំណើរទៅមុខប្រមាណ ១០០ ម៉ែត្រ រួចក្រឡេកមើលខាងឆ្វេងដៃនោះ យើង នឹងបានឃើញស្លាកសញ្ញាមួយផ្ទាំងដែលបង្ហាញផ្លូវ ចូលបឹងបៃតង ហើយយើងបន្តដំណើរលើកំណាត់ ផ្លូវក្រួសក្រហមតែមួយគីឡូម៉ែត្រទៀតនោះ យើងនឹង បានទៅដល់គោលដៅ ។

បឹងបៃតងទើបតែចាប់ដំណើរការកាលពីថ្ងៃទី ៨ ខែ កញ្ញា ឆ្នាំ ២០១០ នេះប៉ុណ្ណោះ ប៉ុន្តែដោយសារ តែទីនោះមានអាកាសធាតុបរិសុទ្ធនោះ បានធ្វើឱ្យ រមណីយដ្ឋានថ្មីមួយនេះទាក់ទាញយកភ្ញៀវទេសចរ បានយ៉ាងច្រើន ដែលអ្នកទៅទីនោះម្តងហើយចង់ មកម្តងទៀត ។ កត្តាដែលធ្វើឱ្យបឹងបៃតងមានការ ចាប់អារម្មណ៍របស់ភ្ញៀវនោះ គឺទីនោះនៅជិតបង្កើយ ទីក្រុងភ្នំពេញ ដែលភ្ញៀវគ្រាន់តែចេញពីផ្ទះប្រហែល ១៥-២០ នាទី នឹងដល់កន្លែងលម្ហែតែម្តង ។

បើយើងនិយាយពីទេសភាពវិញ បឹងបៃតងគឺហាក់បីដូចជានៅស្រុកស្រែនាទី ជនបទដែរ ។ នៅជុំវិញកន្លែងស្ទូចត្រីមានទេសភាព វាលស្រែពណ៌ខៀវស្រងាត់នៅព័ទ្ធជុំវិញបរិវេណនោះ ហើយនៅខាងលិច និង ខាងជើង យើងបានក្រឡេក ឃើញដើមត្នោតដែលមានដើមខ្លះមានអ្នកឡើងត្នោត កំពុងតែត្រងទឹកត្នោត ធ្វើឱ្យទិដ្ឋភាពទីនេះរឹតតែគួរឱ្យ ចង់គយគន់ក្រៃលែង ។ នៅលើផ្ទៃដីជាង ១១ ហិកតារ របស់បឹងបៃតងមានស្រះទឹកយ៉ាងធំមួយនៅចំកណ្តាល ជម្រៅ ១៤ ម៉ែត្រ ដែលរំលេចទៅដោយតូបស្ទូចត្រី នៅព័ទ្ធមាត់ស្រះពីរជួរមានរាងជាអក្សរអិល ដែល តូបនីមួយៗមានមនុស្សទៅស្ទូចត្រីលម្ហែពេញៗ ពិសេសនៅថ្ងៃសៅរ៍-អាទិត្យ ឬ ថ្ងៃបុណ្យទានម្តងៗ មានមនុស្សម្នាទៅស្ទូចត្រីលម្ហែចាប់ពី ៣០០ នាក់ ទៅ ៥០០ នាក់ ក្នុងមួយថ្ងៃៗ នាំគ្នាសម្រុកចូលទៅស្ទូចត្រីលម្ហែកាយនៅទីនោះ ។ រីឯថ្ងៃ ធម្មតាវិញ គឺយ៉ាងហោច ណាស់ក៏មានភ្ញៀវជាង ១០០ នាក់ នាំគ្នាទៅស្ទូចត្រីលម្ហែ នៅទីនោះ ។ ចំពោះសេវាបម្រើភ្ញៀវវិញ បឹងបៃតងមានសេវាកម្មល្អៗខុសពី កន្លែងលម្ហែកាយ ឬ កន្លែងស្ទូចត្រីដទៃទៀត ។ ការអង្គុយស្ទូចត្រីនៅបឹងបៃតង គឺមិនគិតប្រាក់ឡើយ ភ្ញៀវអាចយកសន្ទូចគ្រប់ប្រភេទពីខាងក្រៅចូលក៏បាន ដោយ គ្មានគិតតម្លៃអ្វីទាំងអស់ ហើយភ្ញៀវដែលគ្មានសន្ទូចត្រូវការចង់ទិញសន្ទូច គឺមានលក់ឱ្យជាស្រេចនៅទីនោះ ដោយសន្ទូចស្ទូចត្រីមួយតម្លៃ ១ ដុល្លារ ពេល ស្ទូចចប់ភ្ញៀវអាចយកទៅតាមខ្លួនវិញក៏បាន ។ ចំពោះ ត្រីដែលស្ទូចបានវិញ បើភ្ញៀវចង់ចម្អិនជាម្ហូបអាហារ នោះមានចុងភៅយ៉ាងចំណាននៅចម្អិនជូនដោយគិត តម្លៃត្រឹមមួយដុល្លារប៉ុណ្ណោះក្នុងការចម្អិនម្ហូបមួយមុខ ហើយចំពោះត្រីដែលស្ទូចបានវិញ បឹងបៃតងតម្រូវ ឱ្យភ្ញៀវបង់ប្រាក់ ៣ ដុល្លារក្នុងត្រីមួយគីឡូក្រាម ហើយ ត្រីដែលស្ទូចបាននោះបើភ្ញៀវចង់ឱ្យបឹងបៃតងធ្វើហើយ ប្រឡាក់នោះ អាចធ្វើបានតាមសេចក្តីត្រូវការរបស់ ភ្ញៀវដោយគិតថ្លៃសេវាអ្នកធ្វើត្រី និង ថ្លៃប្រឡាក់គ្រឿង គ្រៅ ២ ដុល្លារ ។ ចំពោះម្ហូបអាហារដែលលក់នៅទី នោះ គឺមានដាក់តារាងតម្លៃច្បាស់លាស់ដែលតម្លៃ ចាប់ពី ២ ដុល្លារទៅ ៤ ដុល្លារ ចំពោះម្ហូបទឹកមួយមុខ, ៥ ដុល្លារដល់ ៩ ដុល្លារចំពោះម្ហូបគោក ដូចជាគ្រឿងក្លែមផ្សេងៗ ។ ភ្ញៀវដែលទៅ ស្ទូចត្រីនៅទីនោះសុទ្ធតែបានត្រីត្រឡប់ទៅផ្ទះវិញគ្រប់ៗគ្នា គ្មាន អ្នកណាម្នាក់ដែលស្ទូចត្រីហើយមិនបានត្រីត្រឡប់ទៅវិញឡើយ ។ ត្រីដែលមាននៅក្នុងស្រះនោះ គឺអាចនិយាយបានថាជាត្រីធម្មជាតិ សុទ្ធសាធ ទោះបីត្រីខ្លះជាត្រីចិញ្ចឹមក្តី ព្រោះត្រីមួយចំនួនត្រូវបាន គេចិញ្ចឹមទុកវាអស់រយៈពេលបួនឆ្នាំមកហើយ ដោយពុំដែលឱ្យចំណី អ្វីវាស៊ីឡើយ គឺទីនោះមានចំណីធម្មជាតិរួចជាស្រេចទៅហើយ ។ នៅតាមតូបស្ទូចត្រីនីមួយៗយើងសង្កេតឃើញមានមនុស្សស្ទូចត្រី ពេញព្រៀប និង មានអ្នកខ្លះអង្គុយទទួលទានអាហារជាមួយត្រីដែល ស្ទូចបានថ្មីៗដ៏មានរសជាតិយ៉ាងឆ្ងាញ្ញ់ពិសាក្រៃលែងដូចត្រីដែលគេ រកបានពីក្នុងបឹង ឬ ក្នុងទន្លេធម្មជាតិអ៊ីចឹងដែរ ហើយក៏មានអ្នកខ្លះបានជាប់ចិត្ត ជក់មាត់ជាមួយរសជាតិនៃត្រីដែលទើបតែស្ទូចបានថ្មីៗនេះ ដោយពួកគាត់គិតថា មកទីនេះម្តងហើយពួកគាត់នឹងមកម្តងទៀត ដោយពួកគាត់និយាយថា រសជាតិត្រី នៅទីនេះឆ្ងាញ្ញ់ សេវាកម្មល្អ មិនថ្លៃ មិនកោរភ្ញៀវដូចកន្លែងដទៃ ឯខ្យល់អាកាស ក៏បរិសុទ្ធល្អដូចទីជនបទពិតៗ មិនបាច់ចំណាយពេលទៅលម្ហែកាយនៅទីជនបទ ឡើយ ។

មន្ត្រីក្រសួងមហាផ្ទៃម្នាក់ដែលសុំមិនឱ្យបញ្ចោញឈ្មោះបានឱ្យដឹងថា ចាប់ តាំងពីទីនេះបើកមក គាត់បានជ្រើសរើសទីនេះជាកន្លែងសម្រាកលម្ហែកាយ ពេល ខ្លះមកជាលក្ខណៈគ្រួសារ ពេលខ្លះមកជាលក្ខណៈមិត្តភក្តិ ពីព្រោះវាមានខ្យល់ អាកាសល្អបរិសុទ្ធ និង មានទេសភាពល្អ ។

និស្សិតម្នាក់ឈ្មោះ បញ្ញា សិក្សានៅសាកលវិទ្យាល័យភូមិន្ទភ្នំពេញ ដែល កំពុងតែកាន់សន្ទូចត្រីបានឱ្យដឹងថា គេ និង មិត្តភក្តិមួយក្រុមដែលមានគ្នាប្រាំបួន នាក់ ដែលមកស្ទូចត្រីនៅទីនេះមានការសប្បាយរីករាយណាស់ ព្រោះទីនេះ អាចធ្វើឱ្យពួកគេបន្ថយភាពតានតឹងដែលខិតខំសិក្សាអស់ពេញមួយសប្តាហ៍កន្លង មក ទុក្ខសោក ការនឿយហត់ទាំងប៉ុន្មានដែលមាន គេបានយកវាមកបញ្ចោញ ចោលនៅទីនេះ ដោយនាំយកទៅវិញនូវភាពបរិសុទ្ធ និង ទេសភាពស្រស់បំព្រង នៅទីនេះទៅជាមួយផង ហើយគេសង្ឃឹមថា ថ្ងៃក្រោយគេ និង មិត្តភក្តិ នឹងនាំគ្នា មកម្តងទៀត ។

អ៊ិន សុខុម អ្នកគ្រប់គ្រងនៅទីនេះបានឱ្យដឹងថា ក្រោយពីបង្កើតឱ្យមាន កន្លែងស្ទូចត្រីនេះហើយ បឹងបៃតងនឹងបង្កើតឱ្យមានកន្លែងលេងកីឡាផ្សេងៗជា ច្រើនទៀត ដូចជា កន្លែងវាយប៉េងប៉ុង ទីលានបាល់ទាត់ ៘ ដើម្បីបម្រើសេវា ឱ្យភ្ញៀវទេសចរមិនឱ្យទាស់ចិត្តឡើយ ពិសេសទៅទៀតនោះ បឹងបៃតងនឹងបង្កើត ឱ្យមានកសិ-ទេសចរណ៍ ដើម្បីបម្រើឱ្យទេសចរណាដែលចាប់អារម្មណ៍ ។ ក្រៅ ពីនេះ បឹងបៃតងយើងក៏មានគម្រោងថ្មីៗជាច្រើនទៀត ដើម្បីបម្រើឱ្យការកម្សាន្ត សប្បាយរបស់ភ្ញៀវផងដែរ ៕

ឡាយ ស្រីពៅ និងសន សូលីនកា មិនត្រូវគ្នា

2010-11-16T02:18:00.000-08:00

ឡាយ ស្រីពៅ បានត្រឡប់មកពីសម្តែង នៅប្រទេសអូស្ត្រាលី ដោយជោគជ័យ និង ស្ពាយប្រាក់យ៉ាងក្រាស់ក្រែល មកជាមួយផង ប៉ុន្តែអ្វីដែលគួរឱ្យ កត់សម្គាល់ អ្នកចម្រៀងរូបនេះបែរជាត្អូញត្អែរថា មានអារម្មណ៍តឹងតែង និង ពិបាកទ្រាំ ពីព្រោះនាងរួមដំណើរជាមួយ សន សូលីនកា ជាសត្រូវស្នេហា ពីព្រោះ សន សូលីនកា ធ្លាប់មានទំនាក់ទំនងស្នេហា ជាមួយស្វាមីនាង ។

ការចេញទៅក្រៅប្រទេសរបស់សិល្បករ- ការិនីខ្មែរគ្មានអ្វីគួរឱ្យប្លែកទេ ប៉ុន្តែសម្រាប់ ឡាយ ស្រីពៅ មានមជ្ឈដ្ឋានជាច្រើន ចាប់អារម្មណ៍ ពីព្រោះនាងបានរួមដំណើរជាមួយអ្នកចម្រៀងប្រចាំផលិតកម្ម ច្រៀក សន សូលីនកា ដែលកន្លងមក ធ្លាប់មានទំនាក់ទំនងស្នេហា លួចលាក់ជាមួយស្វាមីនាងជាតន្ត្រីករ ។ រយៈពេលបីសប្តាហ៍ដែលស្នាក់នៅទីនោះ ឡាយ ស្រីពៅ បានចេញសម្តែងនៅរដ្ឋស៊ីដនី និង អាត់ដឺឡែន ។

ថ្វីដ្បិតមិនមែនជាអ្នកចម្រៀងដែលមាន ឈ្មោះល្បីក៏ពិតមែន តែ ឡាយ ស្រីពៅ បានឱ្យដឹងថា ការទៅសម្តែង ជាលើកដំបូងរបស់នាងទទួលបានជោគជ័យ និង សល់ប្រាក់កាសគួរសមថែមទៀត ។ មិនតែប៉ុណ្ណោះ នាងថែមទាំង បានទទួលកាដូ នឹងការសុំស្នេហ៍ពីសំណាក់បុរសៗនៅអូស្ត្រាលីផងដែរ ប៉ុន្តែអ្នកចម្រៀងរូបនេះបែរជាបញ្ចោញអាការ មិនសូវពេញចិត្ត និង វត្តមាន សន សូលីនកា ដោយនាង និយាយថា “បើនិយាយទៅ គេទាក់ទងឱ្យខ្ញុំទៅសម្តែងនៅ អូស្ត្រាលីមុន ហើយខ្ញុំក៏មិនបានដឹងថា អ្នកចម្រៀងម្នាក់នោះទៅជាមួយទេ ។ ជាការពិតខ្ញុំមានអារម្មណ៍តានតឹង និង ពិបាកទ្រាំខ្លាំងណាស់ ពីព្រោះ ខ្ញុំ និង គេមិនត្រូវគ្នា តែបែរជាទៅសម្តែងរួមគ្នា ហើយដេកបន្ទប់ជាមួយគ្នា និង នៅលើគ្រែតែមួយទៀត ប៉ុន្តែកាលណោះដាក់ខ្នើយចំកណ្តាល ខ្ញុំ និង នាងមិនបាននិយាយរកគ្នាទេ ហើយនៅពេល ច្រៀងរួមគ្នាម្តងៗ ខ្ញុំព្យាយាមធ្វើធម្មតា គិតថា យើងកំពុងច្រៀងម្នាក់ឯង ។ សម្រាប់ខ្ញុំមិនលក់កិត្តិយសទេ ពីព្រោះ មុននឹងឈានជើងចេញពីស្រុកខ្មែរ ខ្ញុំបានធ្វើចិត្ត និង ទុករឿងមិនល្អមួយឡែកសិន” ។

ឡាយ ស្រីពៅ បាន ប្រាប់ថា “នៅអូស្ត្រាលីមានគេដឹងរឿងរ៉ាវរវាងខ្ញុំ និង នាងម្នាក់នោះដែរ ដោយសារពួកគាត់បានមើលទស្សនាវដ្តីដែល បានផ្សាយតែសម្រាប់អ្នកអត់ដឹងរឿងចេះតែឆ្ងល់ និង សួរថា ហេតុអ្វីមិនឃើញពួកខ្ញុំនិយាយរកគ្នា ? តែខ្ញុំប្រាប់ថា អត់ មានរឿងអ្វីត្រូវនិយាយគ្នាទេ” ។

ឡាយ ស្រីពៅ នៅមិនទាន់ប្រាកដក្នុងចិត្តថា រវាងស្វាមីនាង និង អ្នកចម្រៀង សន សូលីនកា នៅតែមាន សម្ពន្ធភាពស្អិតល្មួតជាមួយគ្នាឬយ៉ាងណាទេ ប៉ុន្តែអ្នកចម្រៀង ឡាយ ស្រីពៅ បានបង្ហើបថា “ថ្មីៗនេះពួកខ្ញុំមានទំនាក់ ទំនងល្អជាមួយគ្នាវិញហើយ គាត់តែងតែនៅជាមួយខ្ញុំ និង ជូនខ្ញុំទៅណាមកណាគ្រប់ពេល ។ ខ្ញុំគិតថាគាត់ (ស្វាមី) មិនដែលចោលប្រពន្ធយកស្រីទេ ប៉ុន្តែខ្ញុំក៏មិនទាន់ទុកចិត្តថា គាត់ឈប់ទាក់ទងអ្នកចម្រៀងម្នាក់នោះដែរ ។

យ៉ាងហោចណាស់មនុស្ស ២៥៩ នាក់បានស្លាប់នៃការផ្ទុះភ្នំភ្លើងនៅឥណ្ឌូណេស៊ី

2010-11-16T02:12:00.000-08:00

ការផ្ទុះភ្នំភ្លើងនៅភ្នំ Merapi នៅតែ បន្តរហូតមកដល់បច្ចុប្បន្ននេះ ។ តាមរបាយការណ៍មួយផ្សាយដោយ Xinhua នៅថ្ងៃទី ១៦ ខែវិច្ឆិកានេះ ថា រយៈពេលជាង ២ សប្តាហ៍នៃការ ផ្ទុះភ្នំពេញជាប់គ្នាមកនេះបានសម្លាប់ មនុស្ស ២៥៩ នាក់ ហើយ ហើយបានធ្វើឱ្យប្រជាជន ភៀសខ្លួនចេញទៅរកទីសុវត្ថិភាពចំនួន ៣២ ម៉ឺននាក់ ។ ភ្នំភ្លើង Merapi ស្ថិតនៅភូមិ Kali Tengah ស្រុក Sleman ជិតទីក្រុង Yogyakarta នៃកោះ Java ប្រទេសឥណ្ឌូណេស៊ី ៕

ស្លាប់ 49 នាក់នៅទីក្រុងសៀងហៃ ប្រទេសចិន

2010-11-16T02:07:00.001-08:00

កាលពីម្សិលមិញមានការឆេះអគារ កម្ពស់ ២៨ ជាន់នៅទីក្រុងសៀងហៃ ប្រទេសចិន ។ តាមព័ត៌មានឱ្យដឹងថាមានមនុស្ស យ៉ាងតិច 49 នាក់ស្លាប់ហើយរបួស ៥០ នាក់ ។ អគ្គីភ័យបានឆេះនៅវេលាម៉ោង ៥ និង ៣០ នាទីនៅថ្ងៃទី ១៥ ខែវិច្ឆិកា ។ រថយន្តពន្លត់អគ្គីភ័យចំនួន ១០០ គ្រឿងចេញមកជួយ ។ រហូតដល់ម៉ោង ៧ យប់ទើបពន្លត់ភ្លើងបាន ។ អគារនេះមាន ១៥៦ គ្រួសាររស់នៅ ៕

វៀតណាមកសាងផ្លូវពីដាក់ដាំមកមណ្ឌលគីរី

2010-11-14T22:27:00.000-08:00

មានព័តមានអោយដឹងថានៅព្រឹក ថ្ងៃ ទី១៥ ខែវិច្ឆិកា ឆ្នាំ២០១០នេះ សម្ដេច ហ៊ុន សែន នាយករដ្ឋមន្រ្តី នៃ នឹង ជួបពិភាក្សាការងារ និងព្រះរាជា ណាចក្រកម្ពុជា និងលោកង្វៀន តាន់យុង នាយករដ្ឋមន្រ្តី នៃប្រទេសវៀតណាម
... ធ្វើជាគណៈអធិបតី ក្នុងពិធីចុះហត្ថលេខាព្រមព្រៀង លើបញ្ហា២ ។ ទី១-កិច្ចព្រមព្រៀងស្ថាបនាផ្លូវពីខេត្តដាក់ ដាំប្រទេសវៀតណាម មកកាន់ខេត្តមណ្ឌលគីរី ប្រទេសកម្ពុជា ។ទី២-បញ្ហាថវិការបស់ធនាគារជាតិកម្ពុជា និងធនាគារនៃប្រទេសវៀតណាម។ លោកង្វៀន តាន់យុង នាយករដ្ឋមន្រ្តី នៃប្រទេសវៀតណាមបានមកប្រទេសកម្ពុជានៅថ្ងៃទី១៥ខឺ១១នេះ។

សូមរម្លឹកថា លោកនាយករដ្ឋមន្ត្រីវៀតណាម ង្វៀន តាន់យុង ដែលអមដំណើរដោយលោកឧបនាយករដ្ឋមន្ត្រី Pham Gia Khiem រដ្ឋមន្ត្រីការបរទេស និងថ្នាក់ដឹកនាំរដ្ឋាភិបាលវៀតណាមជាច្រើនរូប នឹងចូលរួមកិច្ចប្រជុំកំពូល CLV លើកទី៦, កិច្ចប្រជុំកំពូល CLMV លើកទី៥ និងកិច្ចប្រជុំកំពូល ACMECS ចាប់ពីថ្ងៃទី១៦ ដល់ថ្ងៃទី១៧ ខែវិច្ឆិកា ឆ្នាំ២០១០ នៅវិមានសន្តិភាព ក្នុងរាជធានីភ្នំពេញ។
កិច្ចប្រជុំកំពូលៗនោះ មានការចូលរួមពីប្រមុខរាជរដ្ឋាភិបាលកម្ពុជា និងនាយករដ្ឋមន្ត្រីឡាវ ភូមា ថៃ និងវៀតណាម ដើម្បីលើកឡើងពីយុទ្ធសាស្ត្រ និងកិច្ចសហប្រតិបត្តិការសេដ្ឋកិច្ចរវាងប្រទេសក្នុងតំបន់ជាប់ព្រំដែន ទាំង ៥ នោះ។ព័តមានលំអិតនឹងរាយការណ៏ជាបន្តទៀត។

គោលជំហររបស់អ្នកស្រីអួង សាន្តហ្សូជី

2010-11-14T22:15:00.000-08:00

លោកស្រីអ៊ុង សាន ស៊ូជី បាន ប្រាប់អ្នកគាំទ្រទាំងអស់ថា កុំឲ្យអស់សង្ឃឹម ហើយអ្នកស្រឡាញ់ ប្រជាធិបតេយ្យគួរតែមានការរួបរួមគ្នា។“មូលដ្ឋាននៃលទ្ធិប្រជាធិបតេយ្យ គឺសេរីភាពក្នុងការបញ្ចេញមតិ”។ នេះ គឺជាប្រសាសន៍របស់លោកស្រីអ៊ុង សាន ស៊ូជី
... ថ្លែងទៅកាន់អ្នកគាំទ្រ រាប់ពាន់នាក់ នៅថ្ងៃអាទិត្យនេះ។ នៅថ្ងៃអាទិត្យនេះ ការដោះលែងលោកស្រី គឺត្រូវបានធ្វើឡើងដោយគ្មានលក្ខខណ្ឌអ្វីនោះទេ។ នេះ គឺស្របទៅនឹងការផ្សាយរបស់បណ្តាញផ្សព្វផ្សាយស្និទ្ធនឹងមេដឹកនាំ ភូមា ក៏ប៉ុន្តែ ដោះលែងដោយមិនមានលក្ខខណ្ឌ មិនមែនមានន័យថា របបសឹកនឹងមិនចាប់ខ្លួនលោកស្រីឃុំវិញនោះដែរ ជាពិសេស ប្រសិនបើពួកគេមើលឃើញថា លោកស្រីបង្កគ្រោះថ្នាក់ដល់អំណាចរបស់គេ។ នៅពេលនេះ លោកស្រីអ៊ុង សាន ស៊ូជី មិនទាន់បានបញ្ជាក់អំពីផែនការ និងយុទ្ធសាស្រ្តរបស់លោកស្រី សម្រាប់ថ្ងៃអនាគតនៅឡើយទេ។ ក៏ប៉ុន្តែ ក្រោយពីចប់មិទ្ទិញ លោកស្រីបានប្រាប់អ្នកកាសែតថា ការជជែកគ្នា គឺជាមធ្យោបាយដ៏ល្អបំផុត ក្នុងការដោះស្រាយបញ្ហា។ តើនេះមានន័យថា លោកស្រីនឹងសុខចិត្តជជែកជាមួយមេដឹកនាំយោធាឬក៏យ៉ាងណា? គួររំឭកថា កន្លងមក លោកស្រីអ៊ុង សាន ស៊ូជី ធ្លាប់បានផ្ញើលិខិតទៅកាន់មេដឹកនាំយោធា ដោយបង្ហាញពីឆន្ទៈចង់ជជែកគ្នា ស្វែងរកវិធីឲ្យសហគមន៍អន្តរជាតិបន្ធូរបន្ថយទណ្ឌកម្ម ដើម្បីកុំឲ្យប្រជាជនជួបនឹងការលំបាក។

ស្វាមីរបស់អ្នកស្រីអួង សាន្តហ្សូជី

គណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រីអ៊ុង សាន ស៊ូជី ត្រូវបែកបាក់ជាពីរ ដោយមានមួយក្រុមបានទៅបង្កើតគណបក្សថ្មី ដើម្បីចូលរួមក្នុងការបោះឆ្នោត។ ក្រុមនេះ យល់ថា បើទោះជាកំណែទម្រង់ប្រជាធិបតេយ្យរៀបចំឡើងដោយរបបសឹក មានលក្ខណៈខ្វះខាតច្រើនក៏ដោយ ក៏ប៉ុន្តែ ការចូលរួមក្នុងរចនាសម្ព័ន្ធថ្មីនេះ គឺវាមានប្រយោជន៍ជាងស្ថិតនៅក្រៅឆាក។ យោងតាមលទ្ធផលបណ្តោះអាសន្ន គណបក្សថ្មីនេះ អាចនឹងទទួលបានអាសនៈមួយផ្នែក ដើម្បីធ្វើជាក្រុមប្រឆាំងក្នុងរដ្ឋសភា។ ក្រៅពីនេះ នៅមានគណបក្សតូចៗផ្សេងទៀត ដែលកើតចេញពីក្រុមជនជាតិភាគតិចភូមា ហើយដែលមាននិន្នាការប្រឆាំងនឹងរបបសឹកដែរ។ នៅក្នុងទិដ្ឋភាពនយោបាយថ្មីនេះ សំណួរចោទឡើងថា តើគណបក្ស NLD ដែលគ្មានអាសនៈក្នុងសភា ហើយថែមទាំងត្រូវរបបសឹករំលាយចោលទៅហើយនោះ អាចនឹងមានតួនាទីអ្វី ក្នុងរចនាសម្ព័ន្ធនយោបាយថ្មីរបស់ភូមា? តើលោកស្រីអ៊ុង សាន ស៊ូជី អាចប្រើប្រាស់ប្រជាប្រិយភាព និងអំណាចដែលធ្លាប់មានពីមុន ដើម្បីប្រមែប្រមូលក្រុមប្រឆាំងមកគ្រប់គ្រងជាក្រុមតែមួយបានដែរឬទេ? ប្រសិនបើលោកស្រីពិតជាអាចបង្រួបបង្រួមក្រុមប្រឆាំង និងទាក់ទាញការគាំទ្រពីប្រជាជនបានដូចពីមុនទៀតមែន តើមេដឹកនាំភូមាពិតជាសុខចិត្តទុកបណ្តោយឲ្យលោកស្រីមានសេរីភាពធ្វើ សកម្មភាពនយោបាយប្រឆាំងនឹងពួកគេដែរឬទេ?

ឆន សុវណ្ណរាជ ទិញផ្ទះវីឡាតឿនៅខេត្តព្រះសីហនុ

2010-11-14T22:11:00.000-08:00

តាមការបង្ហើបប្រាប់ពីកញ្ញាម្នាក់ដែល ជាអ្នកសិល្បៈ និង ដែលបានទៅថត សម្តែងចម្រៀងកាយវិការនៅឯផ្ទះរបស់ ឆន សុវណ្ណរាជ នាខេត្តព្រះសីហនុថា
... នាងមានការភ្ញាក់ ផ្អើលជាខ្លាំងពេល ដែលឮគេប្រាប់ថា វីឡាតឿមួយកន្លែង នោះជាផ្ទះដែល ឆន សុវណ្ណរាជ បាន ទិញ គ្រាន់តែមិនច្បាស់ថាទិញពីពេលណាទេ ។ ផ្ទះនោះស្ថិតនៅមិនឆ្ងាយ ពីសមុទ្រឡើយ ព្រោះ គេអាចមើលឃើញទេសភាព ព្រមទាំងទឹកសមុទ្រយ៉ាងច្បាស់នៅពេលឈរ ឬ អង្គុយមើល ពីផ្ទះ របស់ សុវណ្ណរាជ ទៅ ។ ក្នុងផ្ទះនោះមាន ៣ បន្ទប់ និង មានការរៀបចំតុបតែងយ៉ាងល្អ ស្អាតគួរឱ្យចាប់ អារម្មណ៍ទៀតផង ។

អ្នកយកព័ត៌មានបានព្យាយាមទូរស័ព្ទទៅកាន់ ឆន សុវណ្ណរាជ ដើម្បីសាក សួរ និង ឱ្យគេធ្វើការបកស្រាយពី ព័ត៌មាននោះថា តើពិតឬយ៉ាងណា ? សំខាន់ ចង់ដឹងថា វីឡាតឿនៅខេត្តព្រះសីហនុនោះ តើគេបានទិញនៅពេល ណា ? ទិញខ្លួនឯង ឬ មានអ្នកចេញមុខជួយ ?... ប៉ុន្តែពុំបានជួបដូចបំណងឡើយ ដោយសារពេលទូរស័ព្ទចូល ហើយគេមិនបានទទួល និង បានចុចផ្តាច់ទៅវិញ ។

សុវណ្ណរាជ ត្រូវបានគេមើលឃើញថា តាំងពីចូលប្រឡូក ក្នុងពិភពសិល្បៈមក ជីវភាព និង កេរ្តិ៍ឈ្មោះមានការ ប្រែប្រួលរីក ចម្រើនជាលំដាប់ គឺគេមានរថយន្តជិះ មានហាងកាត់ដេរសម្លៀកបំពាក់ ដែលកន្លងមកគេធ្លាប់និយាយ បកស្រាយចំពោះចម្ងល់របស់ទស្សនិកជនថា ពុំមានគូស្នេហ៍ណាជួយឧបត្ថម្ភដល់រូបគេឡើយទេ គឺជា ប្រាក់របស់ គេផ្ទាល់ ។

ដោយឡែកចំពោះផ្ទះវីឡាតឿនៅខេត្តព្រះសីហនុពុំទាន់មាន ការបញ្ជាក់អះអាងច្បាស់ពី ឆន សុវណ្ណរាជ នៅឡើយ ទេ ដូច្នេះ សង្ឃឹមថា សុវណ្ណរាជ នឹងធ្វើការ បកស្រាយនាពេល ខាងមុខ ដើម្បីឱ្យទស្សនិកជន ដែលធ្លាប់ស្គាល់ និង គាំទ្ររូបគេកន្លងមកបានដឹងការពិតជាមិនខាន ។

កាលពីមុន ឆន សុវណ្ណរាជ ធ្លាប់បានប្រកាស ឱ្យដឹងជាសាធារណៈថា គេមានគូស្នេហ៍រួចទៅហើយ ដោយគូស្នេហ៍ របស់គេរស់នៅសហរដ្ឋអាមេរិក ប៉ុន្តែ មិនបានឱ្យគេដឹងពីពេលរៀបការរបស់ពួកគេច្បាស់លាស់ឡើយ ដោយ អះអាងថា ពួកគេមានវ័យក្មេង នៅឡើយ ។

ក្នុងពេលរឿងមានគូស្នេហ៍ត្រូវបានគេភ្លេច នា ពេលថ្មីៗកន្លងទៅនេះ គេបែរជាឃើញ ឆន សុវណ្ណរាជ បានបណ្តើរ ស្រីស្អាតម្នាក់ដែលមានអាយុស្របាលគ្នារាល់ពេលឡើងច្រៀងក្នុងកម្មវិធីតន្ត្រីតាម ស្ថានីយទូរទស្សន៍ គឺនារីម្នាក់ នោះតាមទៅជួយរៀប ចំតុបតែងសម្លៀកបំពាក់ ជួយតុបតែងមុខមាត់ និង ផ្លាស់សម្លៀកបំពាក់ឱ្យ សុវណ្ណរាជ ពិសេសពេល ច្រៀងចប់ម្តងៗវិលមកដល់ក្រោយឆាកវិញ ស្រី ស្អាតម្នាក់នោះបានយកក្រដាសជូតញើសនៅលើផ្ទៃ មុខ សុវណ្ណរាជ ដែលមើលទៅដូចគូស្នេហ៍ថ្មីថ្មោង ។

www.mamaov.info នគរបាលការពារព្រំដែន ៩១១ បើកច្រករបៀងនាំពលករ ឆ្លងដែនទៅប្រទេសសៀម

2010-11-14T22:01:00.000-08:00

ក្រុមនគរបាលព្រំដែនគោក ៩១១ ដែល ជាកូនចៅលោកវរសេនីយ៌ម្នាក់បាននាំគ្នា បើកច្រករបៀងនាំពលករឆ្លងដែនទៅ ប្រទេសសៀមដោយខុសច្បាប់នៅ ចំណុចភូមិសាស្រ្តអូរជ្រៅក្បែររបង កាស៊ីណូ ស្តារ វេហ្គាស ក្បែរផ្ទះល្វែង មួយខ្នង ដែលគេស្គាល់ថាជាមេកន្ទ្រាញ ចាំទទួលយកលុយពីពលករក្នុង ម្នាក់ចាប់ពី... ១០០ បាតឡើងទៅដល់ ១០០០ បាត ។ ពលករម្នាក់មកពីប្រទេសសៀមចេញ ចូលតាមច្រករបៀង នេះបានប្រាប់អ្នកយកព័ត៌មានយើងអោយដឹងថា លុយដែលក្រុមនគរបាល៩១១ យកនោះគិតតាមពលករនៅជិតនៅឆ្ងាយ បើពលករនៅត្រឹមផ្សាររុងក្លឿគេយក ២០ បាត បើពលករចូលទៅដល់ បាងកកពួកយក ១០០០ បាត ។

ចំណែកលោក សំ ប្រុស នាយប៉ុស្តបឹងសាគូ បាននិយាយប្រាប់អ្នកយកព័ត៌មានយើងថា កម្មករចូលទៅរកស៊ីនៅប្រទេស សៀមភាគច្រើនចូលត្រឹមផ្សាររុងក្លឿទេ ហើយក៍មានមួយចំនួនទៀតចូលទៅ ដល់ទីក្រុងបាងកកប្រទេសសៀមដែរ ។ ដោយឡែកកាលពីថ្មីៗនេះក្រុមអ្នកយកព័ត៌មាន យើងបានចូលទៅដល់ ច្រករបៀងរបស់ក្រុមប៉ូលិស ៩១១ តែកូនចៅ របស់លោកមេបញ្ជាការ បានធ្វើអោយគេ ភ្ញាក់ផ្អើលភែ្នកនៅកញ្ចឹងក ស្រែកគំរាមអ្នកកាសែតហាម មិនអោយ ថតរូបច្រករបៀងរបស់ពួកគេខ្លាចបែកការ ដល់ថ្នាក់លើ ដោយនិយាយថាអ្នកកាសែតណាហ៊ានថត ពួកគេនឹងយក កាមេរ៉ាបោកចាល។ បើទោះបីជាក្រុម ប៉ូលិសគំរាមយ៉ាងណាក៍ដោយក៍ក្រុមអ្នកកាសែតយើងថតបានរូបភាពទាំងនេះយ៉ាងជោគជ័យ ។

ប្រភពពីប្រជាពលរដ្ឋជុំវិញក្រុងប៉ោយប៉ែតបាននាំគ្នានិយាយថា ច្រករបៀងមួយនេះគឺបានបើកយូរហើយ ស្ទើរតែដុះស្លែ តែគ្មាននរណាដឹងឡើយ ព្រោះពួកគេបើកនៅកណ្តាលផ្ទះ ពោលគឺពួកគេសង់ផ្ទះសងខាងទុកផ្លូវ កណ្តាលធ្វើផ្លូវឆ្លងកាត់ សំរាប់អ្នកមកពីឆ្ងាយពិតជាមិនចាប់អារម្មណ៍ទេ ។ បើទោះបីជាប៉ុន្មានថ្ងៃនេះលោក ហ៊ុន ហ៊ាន ស្នងការនគរបាលខេ ត្តបន្ទាយមានជ័យបានរឹត បន្តឹងអោយកម្លាំងចុះបង្រ្កាបតាមចំណុចមួយចំនួនក៍ដោយ ប៉ុន្តែស្នងការស្នងការនៅពុំទាន់បញ្ចេញស្នាដៃចាប់មេខ្យល់នៅឡើយទេ ។

កម្មករខ្មែរទៅស៊ីឈ្នួលនៅថៃសំរាលកូនតាមផ្លូវក្រុងប៉ោយប៉ែត

2010-11-08T01:37:00.001-08:00

កាលពីល្ងាចថ្ងៃទី ៤ ខែវិច្ឆិកា ឆ្នាំ ២០១០ ស្រ្តីម្នាក់ឈ្មោះ រិត ណៃ អាយុ ២៥ ឆ្នាំ បាន កើតកូនតាមផ្លូវកាលពីម៉ោង ៥ និង ១៣ នាទីល្ងាច ខណះពេល ដែលនាង និង កម្មករជាច្រើនរូបទៀត បានចាកចេញពីផ្សារក្រុងក្លឿប្រទេសសៀម មកកាន់លំនៅស្ថាន វិញ ស្រាប់តែនាងបានស្រែកអោយគេឯងជួយដោយនិយាយជួយផងខ្ញុំកើតកូនហើយ ពេលនោះអ្នកដែល រួមដំណើរជាមួយបានរត់ទៅទ្រនាងពីក្រោយ... ហើយនិយាយថាពុទ្ធោព្រះអើយ អាណៃ បែកទឹកភ្លោះបាត់ហើយ ពួកយើងឆាប់មកគ្រានាងទៅដីខ្មែរអោយលឿន ព្រោះកូនជិតកើតហើយវើយ ចំណែកបុរសម្នាក់ឈ្មោះ មាស ឈន អាយុ ៣១ ឆ្នាំ ត្រូវជាប្តីស្រ្តីកើតកូនខាងលើបាននិយាយប្រាប់អ្នកយកព័ត៌មានភ្នំពេញដេលីយើងថា ហេតុដែលបណ្តាលអោយ ប្រពន្ធរបស់ខ្លួនកើតកូនតាមផ្លូវនោះគឺដោយសារជីវភាពក្រីក្រពេក ព្រោះរូបគេនឹងប្រពន្ធរកមួយថ្ងៃស៊ីមួយថ្ងៃតែប៉ុណ្ណោះ ព្រោះពួកគេជាកម្មករលីសែងអីវ៉ាន់អោយសៀម ចំណែកប្រពន្ធរបស់គេធ្វើការបេះស្លាបសត្វចង្រិត កណ្តូបអោយថៅកែផ្សាររុងក្លឿប្រទេសសៀម ។

ដោយជីវភាពខ្វះខាតទើបប្រពន្ធរបស់ មាសឈន សំរេចចិត្តធ្វើការទាំងពោះធំគ្រប់ខែដល់ថ្ងៃកើតក៏មិនបានគិតដែរ នាង ណៃ ខ្ញុំក៏ឆ្ងល់ដែរកាលពីព្រឹកនាងខ្ញុំធ្វើការបានជាធម្មតាគ្មានការឈឺចាប់សូម្បីតែបន្តិច តែដោយឡែកកូន នៅក្នុងផ្ទៃកំរើកធម្មតា លុះម៉ោង ៥ ល្ងាចខ្ញុំបានចេញពីកន្លែងធ្វើការស្រាប់តែដល់ចំណុចស្ពានច្រករបៀងរបស់លោក ឈួក អាង មេបញ្ជាការវរះសេនាតូច ៩១១ កូនក្នងផ្ទៃក៏កំរើកហើយក៏សំរាលគ្មានការឈឺចាប់ទេ ដែលជាហេតុរកស្មានមិនត្រូវ ៕

ការប្រឈមនឹងមេរោគអេដស៍ និងជំងឺអេដស៍របស់យុវវ័យ

2010-11-08T01:27:00.000-08:00

ក្នុងវ័យ ២០ ឆ្នាំ កញ្ញា ដាណេ មាន សុខភាពឌ្រុតទ្រោម រូបកាយស្គមស្គាំង ស្លេកស្លាំង ដោយមើលទៅគ្មានកម្លាំងក្នុង ខ្លួនទាល់តែសោះ។ ដេកស្តូកស្តឹង ដៃព្យួរសេរ៉ូមនៅលើលើគ្រែក្នុងបន្ទប់ មួយដែលមានអ្នកជំងឺអេដស៍បីនាក់ក្នុង អគារជំងឺឆ្លងនៃ មន្ទីរពេទ្យមិត្តភាពខ្មែរ-សូវៀត ឬហៅថា ពេទ្យរុស្ស៊ី ដាណេ... មានទឹកមុខស្រងូតស្រងាត់មិនបាន និយាយអ្វីទាំងអស់។ អ្នកស្រី ដានី ដែលជាម្តាយរបស់ ដាណេ បាននិយាយដោយអួលដើមកថា “ខ្ញុំមិនបាន ប្រាប់កូនខ្ញុំថា វាមានផ្ទុកមេរោគ អេដស៍នោះទេ ព្រោះខ្ញុំខ្លាចវាបាក់ទឹកចិត្ត”។ នៅពេលដែលសួរថា តើ ដាណេ បានឆ្លងមេរោគអេដស៍ដោយរបៀបណា អ្នកស្រីជា ម្តាយក៏មានទឹកភ្នែករលីងរលោង ហើយនិយាយមួយៗថា ទំនងជាឆ្លងតាមរយៈការបញ្ចូលឈាមកាលពីឆ្នាំ ១៩៩៧ មកម្លេះ”។

បើទោះជាការអះអាងនោះពិតឬមិនពិតក៏ដោយ ក៏ ដាណេ បានផ្ទុកមេរោគអេដស៍ក្នុងខ្លួនរួចទៅហើយ។ ដាណេ គឺជា មនុស្សក្នុងចំណោមនុស្សជិត ៧ ម៉ឺននាក់ដែលកំពុងរស់នៅជាមួយមេរោគអេដស៍ (ផ្ទុកមេរោគអេដស៍)។ នាងក៏ជានារីវ័យក្មេងម្នាក់ក្នុងចំណោមយុវវ័យកម្ពុជាជាច្រើនដែលកំពុងរស់នៅជាមួយមេរោគអេដស៍ដែរ។

បើតាមសេចក្តីប្រកាសព័ត៌មានរបស់គណៈកម្មាធិការអន្តរនាយកដ្ឋានប្រយុទ្ធនឹងជំងឺអេដស៍និងគ្រឿងញៀននៃ ក្រសួង អប់រំ យុវជន និងកីឡា ដែលចេញផ្សាយនៅថ្ងៃទី ៤ វិច្ឆិកា នេះបានឱ្យដឹងថា រាជរដ្ឋាភិបាលកំពុងតែមាន ការព្រួយបារម្មណ៍ពីការ រាតត្បាតមេរោគនេះ ក្នុងចំណោមយុវវ័យ ដោយសារថា ការប្រព្រឹត្តដែលគ្មានសុវត្ថិភាព ពាក់ព័ន្ធនឹងការប្រើប្រាស់គ្រឿងញៀន ការសេពគ្រឿងស្រវឹង និងការរួមភេទគ្មានសុវត្ថិភាព ដែលអាចនាំឱ្យឆ្លង មេរោគអេដស៍ និងជំងឺផ្សេងៗទៀត។

សេចក្តីប្រកាសព័ត៌មានបានបញ្ជាក់ទៀតថា យុវវ័យកម្ពុជាដែលមានអាយុពី ១០ ឆ្នាំ ទៅ ២៤ ឆ្នាំគឺជាក្រុមប្រឈមមុខ ខ្ពស់នៃការឆ្លងមេរោគអេដស៍នេះ ហើយការប្រឈមនឹងគ្រោះថ្នាក់នេះនឹងកើនឡើងកាន់តែខ្លាំង ដោយសារ តែលទ្ធភាពក្នុងការ ទទួលសេវាសុខភាពផ្លូវភេទ និងសេវាសុខភាពបន្តពូជពុំមាន ឬមានតិចតួច និងដោយសារ គ្មានកិច្ចការពារអំពើហិង្សា ការរំលោភ បំពាន និងការកេងប្រវ័ញ្ជ។

អ៊ឹម សិទ្ធី រដ្ឋមន្ត្រីក្រសួងអប់រំ យុវជន និងកីឡា ត្រូវបានសេចក្តីប្រកាសព័ត៌មាននោះដកស្រង់សំដីដោយ ដោយ និយាយថា “យើងត្រូវចង់ធ្វើការស្រាវជ្រាវ ដើម្បីជួយឱ្យយើងរកឃើញនូវវិធីសាស្ត្រណា ដែលល្អបំផុតក្នុងការ ដោះស្រាយបញ្ហា ប្រឈមនានាដែលធ្វើឱ្យយុវវ័យកម្ពុជាគ្មានសុវត្ថិភាព”។

គួរបញ្ជាក់ដែរថា កាលពីពេលថ្មីៗនេះ មានការអង្កេតមួយបានធ្វើឡើងដោយ អង្គការសម្ព័ន្ធភាពខ្មែរប្រយុទ្ធនឹងជំងឺ អេដស៍ (ខាណា) ក្រោមការគាំទ្រពីអង្គការអន្តរជាតិមួយចំនួននោះ បានបង្ហាញពីការពាក់ព័ន្ធរបស់យុវវ័យកម្ពុជា ជាមួយនឹង សុខភាពរបស់ពួកគេ និងការប្រឈមគ្រោះថ្នាក់ជាមួយការឆ្លងមេរោគអេដស៍ និងការប្រើថ្នាំញៀន។
គោលបំណងនៃការអង្កេតនេះ គឺចង់ផ្តល់ជូនដល់អ្នករៀបចំគោលនយោបាយ និងអ្នកធ្វើផែនការនូវទិន្នន័យ ដ៏គួរឱ្យទុក ចិត្តបានស្តីពីការប្រព្រឹត្តន្តិនារាបស់យុវវ័យដែលពាក់ព័ន្ធនឹងការប្រើគ្រឿងស្រវឹង គ្រឿងញៀន និងការរួមភេទ ព្រមទាំងលទ្ធភាព អាចទទួលបាននូវសេវាអប់រំផ្លូវភេទ និងសុខភាពបន្តពូជ ក្នុងចំណោម យុវវ័យដែលប្រឈម គ្រោះថ្នាក់ខ្ពស់ ក្នុងការឆ្លងមេរោគ អេដស៍ តាមរយៈការរួមភេទគ្មានសុវត្ថិភាពជាមួយ ដៃគូច្រើននិងការប្រើថ្នាំញៀន ដោយប្រើប្រាស់សម្ភារៈចាក់ដែលពុំបានសំអាត មេរោគជាមុន។

ការអង្កេតនេះបានធ្វើឡើងនៅដើមឆ្នាំ ២០១០ ដោយមានយុវវ័យចំនួនជាង ២,៤០០ នាក់ ដែលមានអាយុពី ១០ ទៅ ២៤ ឆ្នាំ នៅ “ទីន្លែងជាចំណុចក្តៅ” ក្នុងខេត្តចំនួនប្រាំបី ដោយគេគិតថា ជាទីកន្លែងដែលអំពើប្រព្រឹត្តដែលប្រឈម គ្រោះថ្នាក់ឆ្លង មេរោគអេដស៍មានអត្រាខ្ពស់។

លទ្ធផលទទួលនៃការអង្កេតនេះបង្ហាញឱ្យឃើញថា អ្នកឆ្លើយជាប្រុសចំនួន ១.២៣៦ នាក់ ឬ ៤១% និង អ្នកឆ្លើយ ជាស្រីចំនួន ១.២៥៣ នាក់ ឬ ២៣% បានឆ្លើយថា ពួកគេធ្លាប់បានរួមភេទ។ ៨៣% នៃអ្នកឆ្លើយជាប្រុសបានបង្ហាញថា ពួកគេបាន រួមភេទជាមួយអ្នករកស៊ីផ្លូវភេទ ហើយ ៤៣% មានឆ្លងជំងឺកាមរោគ។

លទ្ធផលទទួលនៃការអង្កេតក៏បានបញ្ជាក់ពីឥរិយាបថប្រកបដោយគ្រោះថ្នាក់ខ្ពស់ក្នុងចំណោមយុវវ័យក្នុងការឆ្លង និង ចម្លងមេរោគអេដស៍ និងជំងឺអេដស៍ ដែលទាមទារឱ្យមានកិច្ចសហការ និងការសម្របសម្រួលឱ្យបានខ្លាំងក្លាជាងមុន រវាងសង្គម ស៊ីវិល និងស្ថាប័នរាជរដ្ឋាភិបាលមកពីវិស័យផ្សេងៗគ្នា។

ទាក់ទិននឹងការព្យាបាល និងថែទាំ អ្នកស្រី ដានី បានអំពាវនាវឱ្យមន្ទីរពេទ្យជួយបន្ទាបតម្លៃនៃការព្យាបាលចំពោះអ្នក ផ្ទុកមេរោគអេដស៍ ហើយសំណូមពរដ៏ទទូចឱ្យបុគ្គលិកពេទ្យក្នុងនាមជាអ្នកសង្រជ្គោះវីតិមនុស្សប្រចាំការនៅមន្ទីរពេទ្យ មេត្តា គោរពក្រមសីលធម៌ ហើយមិនត្រូវប្រើសំដីត្រគួសបោះបោកមកលើ់អ្នកជំងឺដែលកំពុងត្រូវការសង្រ្គោះជីវិត នោះទេ។

ឪពុកបង្កើត បានចាប់រំលោភកូនស្រីឯង

2010-11-08T01:21:00.000-08:00

នេះជារឿងរ៉ាវមួយ ដែលគួរឱ្យ ឈឺចាប់និងគួរឱ្យស្អប់ខ្ពើម ជាទីបំផុតដែលឪពុកបង្កើត បានចាប់រំលោភកូនស្រីឯង អស់ រយៈពេលដល់ទៅបួនឆ្នាំ មកហើយទើបបែកការ ។ ឪពុកជាសត្វតិរច្ឆាននេះមានឈ្មោះ នួន នី បានចាប់រំលោភកូនស្រី របស់ខ្លួនតាំងពីអាយុដប់ឆ្នាំ រហូតមកដល់ពេលនេះនាងទើបតែមាន អាយុដប់បួនឆ្នាំ ហើយក៏បានទទួលរងនូវអំពើដ៏លាមកពីឪពុក ដែលយកស្រាធ្វើជាត្រីមុខ ហើយ ប្រព្រឹត្តតែអំពើឆ្កួត... លេលាមកលើកូនខ្លួនឯងទៅវិញ ។

គ្រួសារមួយនេះសព្វថ្ងៃរស់នៅភូមិទំនប់ ក ៥ ជាប់ព្រំប្រទល់ប្រទេស សៀម ស្ថិតនៅក្នុងសង្កាត់ ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានរឿងចម្លែកមួយដែលសង្គម ស្អប់ខ្ពើមបានកើត ឡើងដោយឪពុកមាន ឈ្មោះ នួន នី អាយុ ៤៥ ឆ្នាំ ។ ហេតុការណ៍ដ៏ព្រៃផ្សៃខាងលើនេះបានកើត នៅម៉ោង ៤ ព្រឹក ថ្ងៃទី ១៧ ខែតុលា ឆ្នាំ ២០១០ ខណៈដែលប្រពន្ធរបស់ ខ្លួនចុះដាំបាយវេចបម្រុង ទៅធ្វើការនៅ ស្រុកសៀម ។

ស្ត្រីឈ្មោះ កៅ ចន្ថា អាយុ ៥២ ឆ្នាំ ត្រូវជាភរិយាជនអប្រិយ នួន នី និង ត្រូវជាម្តាយកុមារី ម.ស.ល. ដែលត្រូវជាជនរងគ្រោះ បានរៀបរាប់ រឿងដ៏ស្អប់ខ្ពើមទាំងទឹកភ្នែករលីងរលោងថា “កាលពីបួនឆ្នាំមុន ម.ស.ល. ធ្លាប់បានប្រាប់ខ្ញុំដែរថា ឪពុករបស់គេបានចាប់បង្ខំរួមរ័កសេពសន្ថវៈ ប៉ុន្តែខ្ញុំ មិនជឿសម្តីរបស់កូនស្រីទេ ព្រោះខ្ញុំមិនទាន់បានឃើញនឹងភ្នែក ”។ ថ្ងៃមួយ ស្រាប់តែកូនស្រីច្បងរបស់អ្នកមីងឈ្មោះ ម.ស.រ. អាយុ ២៥ ឆ្នាំ បានឃើញ ឪពុកតិរច្ឆានកំពុងតែរំលោភសេពសន្ថវៈ ប្អូនស្រីនៅលើផ្ទះ នាងក៏ដើរចេញ ព្រោះ ខ្លាចឪពុកឃើញជាហេតុបណ្តាលឱ្យនាង គ្រោះថ្នាក់ដល់ជីវិត បន្ទាប់មកនាងក៏ ទៅប្រាប់ម្តាយរបស់នាងថា“ម៉ែៗ ពុកមិន ដឹងជាកើតស្អីទេបានជាទៅសេពសន្ថវៈ ជាមួយមេអូន ?” ក្រោយពីបានឮកូនស្រីប្រាប់ភ្លាម គាត់ក៏យកដំណឹងនេះទៅប្រាប់លោកមេភូមិឈ្មោះ ឃួន វណ្ណា ដើម្បីនាំខ្លួនប្តីរបស់គាត់ទៅសាកសួរ និង ណែនាំកុំឱ្យប្រព្រឹត្តអំពើលេលាទៀត ។ ពេលលោក ឃួន វណ្ណា សួរ ស្រាប់តែឪពុកតិរច្ឆានឈ្មោះ នួន នី បានឆ្លើយថា “ខ្ញុំមិនបានធ្វើស្អីទេ ខ្ញុំគ្រាន់តែសាកល្បងប្រដាប់ កូនស្រីរបស់ខ្ញុំទេ ”។ ដោយពេលនោះក្រុមគ្រួសារអ្នកមីង កៅ ចន្ថា កំពុងតែជួបនូវវិបត្តិសេដ្ឋកិច្ចដ៏ធ្ងន់ផង លោក ឃួន វណ្ណា ក៏មិនបានទៅប្តឹងសមត្ថកិច្ចទេ គ្រាន់តែហៅផ្តិតមេដៃឲ្យ ព្រមលះបង់អំពើទុច្ចរិតឈប់ធ្វើអ្វី ដែលខុសឆ្គងនឹងច្បាប់ ម៉្យាងយើងជាឪពុករបស់កូន ។

ចំណែកនាង ម.ស.ណ. អាយុ ២៣ ឆ្នាំ ត្រូវជាកូនទីពីរ បានប្រាប់អ្នកយកព័ត៌មានយើងថា “ចំពោះខ្ញុំ ពុកគាត់មិនធ្លាប់លូកស្ទាបទេ ព្រោះចេញទៅរកស៊ីនៅប្រទេសសៀមបាត់ៗ ក្រោយមកទើបខ្ញុំមកនៅផ្ទះ ជាមួយពុកម៉ែរបស់ខ្ញុំវិញ បន្ទាប់ពីខ្ញុំត្រូវប្តីចុះចោលមានស្រីថ្មី ”។ នាង ម.ស.ណ. នោះបានបង្ហើបប្រាប់ថា ឪពុករបស់នាងចូលចិត្តយកស្រាធ្វើជាត្រីមុខ ព្រោះគាត់ហាក់មានវិបត្តិអ្វីម៉្យាងអ៊ីចឹង ។ នាងបន្តថា “ឪពុកខ្ញុំ ធ្លាប់ចុះចោលម្តាយរបស់ខ្ញុំ ព្រមទាំងពួកខ្ញុំជាច្រើនឆ្នាំ កាលណោះគាត់ទៅមាន ប្រពន្ធក្មេងនៅភូមិដីថ្មី សង្កាត់ប៉ោយប៉ែត ទុកឱ្យពួកខ្ញុំរស់ដោយវេទនាបំផុត ”។

មីង កៅ ចន្ថា បានរំឭករឿងថ្ងៃកើតហេតុថា នៅផ្ទះរបស់គាត់គឺគ្មានបន្ទប់ទេ ពេលយប់កូនប្រុសស្រី របស់គាត់ដេកនៅជុំគ្នាលើផ្ទះដ៏តូចចង្អៀតជាមួយគ្នា ។ នៅក្បាលល្ងាចម៉ោងប្រមាណជា ៦ ប្តីរបស់គាត់ បានផឹកស្រាស្រវឹងស្រឿងៗ លុះម៉ោង ៨ យប់ក៏ឡើងមកដេកក្នុងមុងតែមួយជាមួយគ្នានឹងកូនៗ ក្រោយមក ស្រាប់តែលោកប្តីកំហូចបានយកជើងទៅគងកូនស្រីពៅរបស់គាត់ឈ្មោះ ម.ស.ល. ពេលនោះអ្នកមីងថា “ឯងធ្វើនេះមិនសមទេ” តែប្តីរបស់គាត់ឆ្លើយថា “ខ្ញុំស្រឡាញ្ញ់កូន” ថាហើយស្រាប់តែលោកប្តីលេលាក៏ទៅ ថើបកូនស្រី ពេលឃើញដូច្នេះមីង កៅ ចន្ថា ក៏ទះកំផ្លៀងប្តីមួយដៃ ហើយនិយាយថា “ម៉េចឯងឆ្កួតឬជា ?” ពេលនោះដែរស្រាប់តែលោកប្តី នួន នី ថា “នាងឯងប្រយ័ត្នអញសម្លាប់ចោលទាំងម៉ែទាំងកូនវើយ កុំយក រឿងនេះទៅប្រាប់គេឯងឱ្យដឹងឱ្យសោះ ”។ ពេលនោះមីង កៅ ចន្ថា ដោយគិតថាប្តីរបស់ខ្លួននៅពុំទាន់បាន ប្រព្រឹត្តអ្វីឱ្យខុសឆ្គងនៅឡើយ អ្នកមីងក៏ដេកលង់លក់ទៅ លុះម៉ោង ៤ ទៀបភ្លឺនាថ្ងៃដែលអ្នកមីងទៅដាំ បាយ ដើម្បីទុកឱ្យកូនៗ និង គាត់វេចខ្ចប់ទៅធ្វើការនៅប្រទេសសៀមនោះ ស្រាប់តែឮសំឡេងកូនស្រីដែល រងគ្រោះនោះស្រែកថា “ពុក! កុំធ្វើអ៊ីចឹង ខ្ញុំសូមអង្វរ!” ពេលនោះអ្នកមីងបានឮសំឡេងស្រែក ហើយគាត់ ពុំចាប់អារម្មណ៍ប៉ុន្មានឡើយ តែដោយកូនស្រីច្បងមកប្រាប់ គាត់ក៏ទុកឆ្នាំងបាយនៅមួយកន្លែង ហើយក៏ឡើង ទៅមើលបានឃើញប្តីរបស់ខ្លួនកំពុងតែនៅពីលើកូនស្រី ម.ស.ល. មីងក៏ស្រែកថា “អាថោកទាប ម៉េចចង់ ស៊ីកូនខ្លួនឬ ?” ពេលនោះប្តីតិរច្ឆានបាននិយាយថា “ម.ស.ល. ប្រពន្ធរបស់អញ អញចង់ធ្វើស្អីក៏បានដែរ ចំពោះមេអ្ងែង អញឈប់ត្រូវការហើយ ”។ លុះព្រឹកឡើង មីង កៅ ចន្ថា និយាយថា “ប្តីកំហូចឯងកុំរត់ទៅ ណា” តែលោកប្តីកំហូច នួន នី ក៏ដើរទៅផឹកស្រានៅចុងភូមិ លុះម៉ោង ៣ ល្ងាចទើបនគរបាលប៉ុស្តិ៍នាំខ្លួន ទៅសាកសួរ លុះព្រឹកថ្ងៃទី ២៤ ខែតុលា ឆ្នាំ ២០១០ ទើបបញ្ជូនទៅកាន់អធិការដ្ឋាននគរបាលក្រុងប៉ោយប៉ែត ដើម្បីកសាងសំណុំរឿងបញ្ជូនជនសង្ស័យទៅញ្ញាត់គុកបន្ត ។

លោកតា ឈុន អាយុ ៧៣ ឆ្នាំ ត្រូវជាឪពុក នួន នី និង ត្រូវជាជីតារបស់កុមារី ម.ស.ល. បានឱ្យដឹង ថា “ខ្ញុំក៏មិនដឹងដែរថា អានី វាទៅចាប់កូនស្រីរបស់វានោះទេ ព្រោះគេនៅផ្ទះដាច់ដោយឡែកពីខ្ញុំ ចំណែក ខ្ញុំ គឺនៅជាមួយប្រពន្ធរបស់ខ្ញុំឈ្មោះ ឯក ម៉ៅ អាយុ ៧២ ឆ្នាំ ពុំមានកូនចៅណាជួយខ្ញុំទេ ”។

យាយ ឯក ម៉ៅ បានឱ្យដឹងថា “នួន នី ជាកូនប្រុសរបស់ខ្ញុំ ខ្ញុំបានរៀបការឱ្យវាតាំងពីឆ្នាំ ១៩៨៥ មកម៉្លេះ ក្រោយពីរៀបការជាមួយ កៅ ចន្ថា ពួកវាបានបង្កើតបានកូន ៥ នាក់ (ប្រុស ២ , ស្រី ៣) ចំណែកចៅខ្ញុំ ឈ្មោះ ម.ស.ល. អាយុទើបតែ ១៤ ឆ្នាំ ត្រូវជាកូនពៅរបស់វា”។ គាត់បានឱ្យដឹងទៀតថា“តាំងពីមុនមកអាកូន មួយនេះមិនសូវចេះស្តាប់ឪពុកម្តាយទេ គិតតែពីផឹកស៊ីរហូតគ្មានគិតជួយចិញ្ចឹមប្រពន្ធកូនទេ បើវាធ្វើអំពើ តិរច្ឆានដូច្នេះទុកឱ្យច្បាប់ផ្តន្ទាទោសវាទៅចុះ ខ្ញុំមិនសោកស្តាយទេ ”។ ចំណែក កៅ ចន្ថា បានឱ្យដឹងទៀតថា “ខ្ញុំពិតជាមានការសោកស្តាយយ៉ាងខ្លាំងចំពោះកូនស្រីពៅរបស់ខ្ញុំ ព្រោះតែខ្ញុំមិនជឿសម្តីរបស់កូនដែលធ្លាប់ បានប្រាប់ខ្ញុំកន្លងមក ហើយខ្ញុំគ្មានការទប់ស្កាត់ និង តាមដានមើល លុះពេលទាន់គឺហួសពេលបាត់ទៅហើយ មិនគួរណាប្តីខ្ញុំហ៊ានធ្វើអំពើដែល សង្គមមនុស្សនាំគ្នាស្អប់ខ្ពើមនោះទេ ”។ អ្នកមីងបន្តថា ពេលនេះកូនស្រី របស់គាត់ត្រូវអង្គការ ជឺជជ នាំយកទៅស្នាក់នៅដើម្បីរៀនសូត្រមុខជំនាញនៅក្នុងមជ្ឈមណ្ឌល ៕

ព្រះរាជបូជនីយកិច្ចទាមទារឯករាជ្យរបស់សម្តេចព្រះ នរោត្តម សីហនុ

2010-11-07T17:31:00.000-08:00

ព្រះករុណា ព្រះបាទ សម្តេចព្រះ នរោត្តម សីហនុ វរ្ម័ន ស្វយ័តភាព ផ្នែក យោធា យ៉ាងតិច ៣ ឆ្នាំ ដើម្បីទាមទាឯករាជ្យពី សាធារណរដ្ឋ បារាំង ត្រូវបាន ប្រគល់ឱ្យ កម្ពុជា ដោយមាន ការទាមទារ មួយ របស់ ព្រះរាជា ដែល បាន ធ្វើឡើង នៅ ឆ្នាំ ១៩៤៩ សម្រាប់ ខេត្តសៀមរាប និង ខេត្តកំពង់ធំ និង នៅ ឆ្នាំ ១៩៥២ សម្រាប់ ខេត្តបាត់ដំបង ។

ភ្នំពេញ: ដើម្បីឧទ្ទិសចំពោះខួបទី ៥៧ នៃទិវាបុណ្យឯករាជ្យជាតិ ៩វិច្ឆិកា ខាងមុខនេះ យើងសូមចុះផ្សាយអត្ថបទស្តីពីប្រវត្តិសង្ខេប នៃព្រះរាជបូជនីយកិច្ចទាមទារឯករាជ្យរបស់សម្តេចព្រះ នរោត្តម សីហនុ ដូចខាងក្រោមៈ

នៅក្នុងព្រះរាជបេសកកម្ម ដើម្បីជាតិមាតុភូមិ និងប្រជារាស្ត្រខ្មែរ សម្តេចព្រះ នរោត្តម សីហនុ ទ្រង់បានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូក្នុងក្របខ័ណ្ឌ នៃព្រះរាជបូជនីយកិច្ច ដើម្បីទាមទារឯករាជ្យនៅកម្ពុជា ឱ្យរួចចាកផុតពីអាណានិគមបារាំង ។

១) តាមសន្ធិសញ្ញាចុះថ្ងៃទី០៨ ខែវិច្ឆិកា ឆ្នាំ១៩៤៩ បារាំងបានទទួលស្គាល់តាមផ្លូវច្បាប់នូវឯករាជ្យរបស់ព្រះរាជាណាចក្រ កម្ពុជា ។

២) ជាគោលការណ៍តាមផ្លូវច្បាប់ឯករាជ្យនេះ យើងទទួលបានមែន ប៉ុន្តែចំពោះការអនុវត្តន៍ជាក់ស្តែង ឯករាជ្យនេះ នៅខ្វះវិស័យជាច្រើនទៀត ដូចជា អធិបតេយ្យខាងយុត្តិធម៌ ប៉ូលិស អំណាចបញ្ជាការយោធា ការទូត ការប្តូរ និងការឱ្យចាយធនប័ត្រ ដើម្បីឱ្យមានឯករាជ្យទាំងស្រុង ។

៣) តាមសេចក្តីប្រកាសថ្ងៃទី១៥ ខែមិថុនា ឆ្នាំ១៩៥២ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានសន្យាយ៉ាងឱឡារិកចំពោះប្រជារាស្ត្ររបស់ព្រះអង្គថា “ព្រះអង្គនឹងដណ្តើមយកឯករាជ្យទាំងស្រុងនេះ ដើម្បីមាតុភូមិក្នុងរយៈពេល ៣ឆ្នាំ យ៉ាងយូរបំផុត” ។

៤) នៅថ្ងៃទី០៩ ខែកុម្ភៈ ឆ្នាំ១៩៥៣ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានស្តេចយាងចាកចេញពីព្រះរាជាណាចក្រកម្ពុជា ឆ្ពោះទៅកាន់ប្រទេសបារាំង ដើម្បីទាមទារឯករាជ្យរបស់កម្ពុជា ជាមួយប្រមុខរដ្ឋបារាំង ។

៥) នៅដឺឡាណាពូលថ្ងៃទី០៥ ខែមីនា ឆ្នាំ១៩៥៣ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានផ្ញើព្រះរាជសារលិខិតមួយច្បាប់ជូនចំពោះលោក វាំងសង់ អូរីយ៉ូល ប្រធានាធិបតីនៃសាធារណរដ្ឋបារាំង ដើម្បីរៀបរាប់បង្ហាញឱ្យប្រធានាធិបតី នៃសាធារណរដ្ឋបារាំង ដឹងពីភាពចាំបាច់ សំដៅធ្វើឱ្យបារាំង ពង្រីកក្របខ័ណ្ឌឯករាជ្យខ្មែរ ។

ភ្ជាប់នឹងព្រះរាជសារលិខិតនេះ មានការសិក្សាគ្រប់គ្រាន់ដោយទឡ្ហីករណ៍សំអាងបញ្ជាក់ អំពីការ ទាមទាររបស់សម្តេចនិងការផ្តល់យោបល់ពីបែប នៃការផ្ទេរអំណាចជាយថាហេតុ ។

នៅដឺឡាណាពូល ថ្ងៃទី១៨ ខែមីនា ឆ្នាំ១៩៥៣ បន្ទាប់មកនៅហ្វុងតែនណាប្លូ ថ្ងៃទី០៣ ខែមេសា ឆ្នាំ១៩៥៣ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានសរសេរព្រះរាជសារលិខិតចំនួន ០២ ច្បាប់បន្តទៀត ផ្ញើជូនលោកវាំងសង់ អូរីយ៉ូល និងរដ្ឋាភិបាលបារាំង ដើម្បីបំពេញបន្ថែមលើទស្សនៈរបស់ព្រះអង្គដែលទាក់ទងទៅនឹងឯករាជ្យ ខ្មែរ និងដើម្បីស្នើឱ្យរដ្ឋាភិបាលបារាំង ប្រញាប់ប្រញាល់ដោះស្រាយបញ្ហានេះ ។

៦) នៅចំពោះមុខការលាក់លៀមរបស់រដ្ឋាភិបាលបារាំង ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានយាងចាកចេញពីប្រទេសបារាំង នៅថ្ងៃទី១១ ខែមេសា ឆ្នាំ១៩៥៣ ឆ្ពោះទៅកាន់ប្រទេស កាណាដា និងសហរដ្ឋអាមេរិក ដែលនៅទីនោះ ព្រះអង្គបានធ្វើយុទ្ធនាការឃោសនា ដើម្បីឯករាជ្យរបស់ប្រទេសព្រះអង្គ ។

សេចក្តីថ្លែងការណ៍របស់ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ត្រូវបានចុះផ្សាយ ដោយកាសែតដ៏ធំ “ញីវយ៉កថែម” នៅថ្ងៃទី១៩ ខែមេសា ឆ្នាំ១៩៥៣ លាន់ឮខ្ទរខ្ទារពេញពិភពលោកទាំងមូល ហើយបានបង្ខំឱ្យរដ្ឋាភិបាលបារាំង ទទួលយល់ព្រមធ្វើការចរចាជាមួយតំណាងផ្ទាល់របស់ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ។ តំណាងនេះ គឺឯកឧត្តម ប៉ែន នុត ដោយមានការចូលរួមពីឯកឧត្តម សម សារី ផង ។

៧) ការចរចានៅប៉ារីស បានឈានទៅដល់សំណើមួយដែលធ្វើឡើង ដោយមានប្រទេសបារាំងយល់ព្រមផ្តល់សម្បទានដ៏សំខាន់ខ្លះដល់កម្ពុជា ។
នៅថ្ងៃទី១២ ខែឧសភា ឆ្នាំ១៩៥៣ ឯកឧត្តម ប៉ែន នុត បានអញ្ជើញវិលត្រឡប់មកកាន់កម្ពុជាវិញ ដើម្បីទូលថ្វាយព្រះមហាក្សត្រអំពីលទ្ធផលដែលទទួលបាននៅប៉ារីស ។
ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានយាងមកកាន់រាជធានីភ្នំពេញវិញ នៅថ្ងៃទី១៤ ខែឧសភា ឆ្នាំ១៩៥៣ ដើម្បីជួបជាមួយសហសេវិក និងនាយករដ្ឋមន្ត្រីរបស់ព្រះអង្គ ។

៨) ចំពោះប្រជារាស្ត្ររបស់ព្រះអង្គ ដែលបានថ្វាយព្រះកិត្តិយស ចំពោះព្រះអង្គ ជាអ្នកទទួលជ័យជំនះ និងជាវីរបុរសនោះ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ទ្រង់បានសន្យាយ៉ាងមហោឡារិក នៅក្នុងព្រះសុន្ទរកថាមួយដែលទ្រង់បានថ្លែងនៅថ្ងៃទី១៧ ខែឧសភា ឆ្នាំ១៩៥៣ ពីព្រះទីនាំងចន្ទឆាយាថា “ព្រះអង្គនឹងបូជាជីវិតដើម្បីដណ្តើមយកឯករាជ្យឱ្យបាន ១០០ ភាគរយ” ។

៩) នៅថ្ងៃទី១៣ ខែឧសភា ឆ្នាំ១៩៥៣ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ទ្រង់បានភៀសព្រះអង្គទៅប្រទេសថៃ ក្រោយពីមានសេចក្តីប្រកាសមួយ ដែលទាក់ទាញពិភពលោក ស្តីពីការ មិនពេញចិត្តនឹងបំណងប្រាថ្នាស្របច្បាប់របស់ប្រជាជាតិខ្មែរ ។ ការមិនពេញចិត្តនេះ អាចនាំមកនូវផលវិបាកយ៉ាងធ្ងន់ធ្ងរ ទាំងសម្រាប់ប្រទេសកម្ពុជា និងពិភពលោកទាំងមូល ។

១០) ក្រោយពីបានដឹងថា គ្រប់ប្រជាជាតិ មានការយោគយល់ចំពោះការទាមទារឯករាជ្យ និងចំពោះព្រឹត្តិការណ៍នៅប្រទេសកម្ពុជា ព្រះករុណា ព្រះបាទសម្តេចព្រះ នរោត្តម សីហនុវរ្ម័ន បានយាងត្រឡប់មកមាតុភូមិរបស់ព្រះអង្គវិញ ហើយយាងទៅគង់នៅតំបន់ស្វ័យតមួយ ដែលរួមមានខេត្តសៀមរាប បាត់ដំបង និងកំពង់ធំ ។

ស្វយ័តភាពផ្នែកយោធានៃខេត្តទាំងនេះ ត្រូវបានប្រគល់ឱ្យកម្ពុជា ដោយមានការទាមទារមួយ របស់ព្រះរាជាដែលបានធ្វើឡើងនៅឆ្នាំ១៩៤៩ សម្រាប់ខេត្តសៀមរាប និងខេត្តកំពង់ធំ និងនៅឆ្នាំ១៩៥២ សម្រាប់ខេត្តបាត់ដំបង ។

ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ទ្រង់បានប្រកាសថា ព្រះអង្គនឹងយាងចូល រាជធានីវិញ នៅពេលណាដែលបារាំងព្រមផ្ទេរមកឱ្យកម្ពុជាវិញ នូវកេតនភ័ណ្ឌចុងក្រោយនៃឯករាជ្យរបស់ខ្លួន ។

ដើម្បីគាំពារនូវព្រះរាជបូជនីយកិច្ចនេះ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ទ្រង់បានបង្កើតកងកម្លាំងជីវពល និងនារីក្លាហាន ដែលក្រោយមកមានតួនាទីយ៉ាងធំធេង ។

ឯកឧត្តម ប៉ែន នុត នាយករដ្ឋមន្ត្រី ទទួលបន្ទុករ៉ាប់រងការពារតំបន់ស្វយ័តរបស់ព្រះរាជា ។

១១) ការចរចាដែលប្រព្រឹត្តទៅនៅក្រុងភ្នំពេញ ដោយមានការណែនាំពីព្រះរាជា និងក្រោមការដឹកនាំរបស់ឯកឧត្តម ប៉ែន នុត បានសម្រេចដោយជោគជ័យទាំងស្រុង ។

នៅថ្ងៃទី២៩ ខែសីហា ឆ្នាំ១៩៥៣ មានការចុះហត្ថលេខាលើកិច្ចព្រមព្រៀងផ្ទេរអំណាចតុលាការ និងមានការចុះហត្ថលេខាលើកិច្ចព្រមព្រៀងផ្ទេរសមត្ថកិច្ចរបស់ប៉ូលិស ។ នៅចុងបញ្ចប់ថ្ងៃទី១៧ ខែតុលា ឆ្នាំ១៩៥៣ មានការចុះហត្ថលេខាលើកិច្ចព្រមព្រៀង ស្តីពីអធិបតេយ្យខាងយោធារបស់ប្រជារាស្ត្រខ្មែរ នៅទូទាំងព្រះរាជាណាចក្រកម្ពុជា ។

ជាមួយគ្នានេះ អធិបតេយ្យទាំងមូលលើផ្នែកការទូត ត្រូវបានធ្វើឡើងតាមរយៈការប្តូរលិខិតរវាង រដ្ឋាភិបាលបារាំង និងរាជរដ្ឋាភិបាល (ចម្លើយរបស់រដ្ឋាភិបាលបារាំង ចំពោះកំណត់មួយរបស់រាជរដ្ឋាភិបាល នៅថ្ងៃទី១២ ខែកក្កដា ឆ្នាំ១៩៥៣ ដែលប្រគល់ដោយអគ្គស្នងការ របស់សាធារណរដ្ឋបារាំងលេខ ៣៩៣ អ៊ែរ ចុះថ្ងៃទី២៤ ខែកក្កដា ឆ្នាំ១៩៥៣ លិខិតទទួល និងភាពត្រឹមត្រូវលើការអនុវត្តន៍កិច្ចព្រមព្រៀង មានចែងក្នុងកំណត់មួយសម្រាប់រាជរដ្ឋាភិបាល ដែលប្រគល់ជូនអគ្គស្នងការ នៃសាធារណរដ្ឋបារាំង នៅថ្ងៃទី២៧ ខែកក្កដា ឆ្នាំ១៩៥៣ ក្រោមលេខ ៦៧ ប៉េ សេ អឹម អែស អឹម) ។

១២) នៅថ្ងៃទី០៨ ខែវិច្ឆិកាឆ្នាំ១៩៥៣ ព្រះករុណា ព្រះបាទសម្តេចព្រះ នរោត្តម សីហនុវរ្ម័ន ស្តេចបានយាងចូលមកក្នុងរាជធានីភ្នំពេញវិញ ។ លើចម្ងាយផ្លូវ ៣០០ គីឡូម៉ែត្រ ដែលព្រះអង្គធ្វើដំណើរ ប្រជារាស្ត្រខ្មែរក្នុងក្តីរំជួលចិត្ត បានធ្វើឱ្យព្រះអង្គទទួលបាននូវជោគជ័យមួយដែលមិនធ្លាប់មានពីមុនមក ។

នៅថ្ងៃទី០៩ ខែវិច្ឆិកា ឆ្នាំ១៩៥៣ គឺ៨ខែ មុនសន្និសីទក្រុងហ្សឺណែវ មានធ្វើពិធីមួយនៅមុខព្រះបរមរាជវាំងដែលឧទ្ទិសចំពោះការដកថយ នៃអំណាចរបស់បារាំងពីប្រទេសកម្ពុជា ។

លោកឧត្តមសេនីយ៍ ឡង់ ក្លាត បានប្រគល់យ៉ាងមហោឡារិក នូវអំណាចបញ្ជាការរបស់ខ្លួនថ្វាយព្រះរាជា ។

កងទ័ពនិងអគ្គសេនាធិការរបស់បារាំង បានដកថយពីព្រះរាជាណាចក្រកម្ពុជា ។ ឯករាជ្យរបស់ខ្មែរ បានក្លាយទៅជាឯករាជ្យអចិន្ត្រៃយ៍ និងទាំងស្រុង ។ វិបត្តិរវាងខ្មែរ និងបារាំងត្រូវបានបញ្ចប់ ។

ពពកខ្មៅចុងក្រោយដែលបិទបាំងមិត្តភាពខ្មែរ-បារាំង បានរលាយសាបសូន្យទាំងស្រុង បន្ទាប់ពីការទទួលស្គាល់ទាំងស្រុងពីប្រទេសបារាំង នៅខែធ្នូ ឆ្នាំ១៩៥៤ លើអធិបតេយ្យទាំងមូលរបស់កម្ពុជា លើវិស័យសេដ្ឋកិច្ច និងហិរញ្ញវត្ថុ ។

គណៈប្រតិភូខ្មែរដែលបញ្ជូនទៅក្រុងប៉ារីសដោយព្រះករុណា ព្រះបាទសម្តេចព្រះ នរោត្តម សីហនុវរ្ម័ន ដើម្បីស្នើឱ្យរដ្ឋាភិបាលបារាំងទទួលស្គាល់ជាផ្លូវការ គឺត្រូវដឹកនាំដោយឯកឧត្តម ចាន់ ណាក បន្ទាប់ពីឯកឧត្តមបានទទួលមរណៈភាពនៅទីក្រុងប៉ារីសនោះ គណៈប្រតិភូខ្មែរ ត្រូវដឹកនាំដោយឯកឧត្តម ញឹក ជូឡុង និងនៅចុងក្រោយបង្អស់ ដឹកនាំដោយឯកឧត្តម អួ ឈីន ដែលនៅពេលនោះ ជាឧបនាយករដ្ឋមន្ត្រី និងចូលរួមដោយឯកឧត្តម សឺន សាន ។

១៣) នៅខែកក្កដា ឆ្នាំ១៩៥៤ ការចុះហត្ថលេខាលើកិច្ចព្រមព្រៀងនៅក្រុងហ្សឺណែវ បានប្រព្រឹត្តទៅដោយរួមបញ្ចូលគូបដិបក្ខ ដែលមានវិវាទនៅឥណ្ឌូចិន ។

នៅសន្និសីទក្រុងហ្សឺណែវ ព្រះមហាក្សត្របានបញ្ជូនគណៈប្រតិភូមួយក្រុម ដឹកនាំដោយឯកឧត្តម ទេព ផន នៅពេលនោះ ជារដ្ឋមន្ត្រីការបរទេស (និងមានឯកឧត្តម ញឹក ជូឡុង ឯកឧត្តម សម សារី ឯកឧត្តម នង គឹមនី ឯកឧត្តម សឺន សាន ៘) ដែលក្រោមការណែនាំពីព្រះមហាក្សត្របានដឹងថា សន្និសីទប្រកាសដកទ័ពរបស់ប្រទេសជិតខាងមួយ ចេញពីព្រះរាជាណាចក្រកម្ពុជា ។ ប្រទេសកម្ពុជាចេញពីសន្និសីទហ្សឺណែវនេះ (កក្កដា ១៩៥៤) ដោយគ្មានការខូចខាតអ្វីទាំងអស់ ។ ផ្ទុយពីប្រទេសឡាវ និងវៀតណាម ព្រះរាជាណាចក្រកម្ពុជា អាចចៀសវាងការបែងចែកទឹកដី ។

១៤) ព្រះករុណា ព្រះបាទសម្តេចព្រះ នរោត្តម សីហនុវរ្ម័ន យ៉ាងតិច ៣ឆ្នាំ ទើបអាចបំពេញនូវកិច្ចសន្យារបស់ព្រះអង្គចំពោះប្រជារាស្ត្រ ។ ប្រជារាស្ត្រខ្មែរ បានថ្វាយព្រះឋានៈចំពោះព្រះអង្គថា ជាព្រះបិតាឯករាជ្យជាតិ ហើយតាមសំណូមពររបស់តំណាងរាស្ត្រក្នុងក្របខ័ណ្ឌក្រុមប្រឹក្សាពិគ្រោះ ជាតិរដ្ឋាភិបាល បានលើកព្រះអង្គជាវីរៈបុរសជាតិ ស្របតាមព្រះមហាកិត្តិយសដ៏ខ្ពង់ខ្ពស់ឧត្តុងឧត្តមរបស់ព្រះអង្គ ៕

មាស សាលី យីអ៊ុនដាក់ ចាប់អាជីពថ្មីជាអ្នកនិពន្ធ

2010-11-07T17:28:00.000-08:00

ភ្នំពេញ: មាស សាលី ជាតារាចម្រៀងដែលគេស្គាល់ថា មានភាពល្បីល្បាញនៅក្នុងផលិតកម្ម សាន់ដេ មានទស្សនិកជនគាំទ្រច្រើនគូរសមនាពេលកន្លងនោះ ឥឡូវនេះសាលី ថមថយធ្លាក់ប្រជាប្រិយភាពយ៉ាងគំហុក លែងហ៊ឺហា... ប្រើប្រាស់សំភារៈល្អៗ និងចាយវាយមិនសំចៃដៃទៀតហើយ ។ ប៉ុន្តែ សាលី បានអះអាងថា នៅពេលនេះបទចម្រៀងលែងសូវល្បី ប្រាក់ចំណូលក៏ធ្លាក់ ហេតុនេះការចាយវាយក៏ត្រូវតែបន្ធូរបន្ថយរិះថាំច្រើនបន្តិចទើបល្អ ។

លោក មាស សាលី និយាយហាក់ដូចជាសល់តែក្តីសង្ឃឹមតែបន្តិចបន្តួចថា កន្លងមកបទចម្រៀងរបស់ខ្ញុំ នៅក្នុងផលិតកម្មសាន់ដេ ក៏មានចេញ CD នូវបទល្បីៗ ជាច្រើនដែរ ខ្ញុំបានស្ទង់មើលដឹងថា យុវវ័យយើងនៅមានការពេញនិយមបទចម្រៀងរបស់ខ្ញុំគួរសមដែរ កត្តាដែលធ្វើឲ្យបទចម្រៀងនេះសាបរលាបទៅវិញ មិនសូវមានការគាំទ្រដូចមុន ដោយសារតែយើងយឺតយ៉ាវនៃការចេញជា VCD ធម្មតាបទចម្រៀងពិរោះ ទាល់តែមិត្តអ្នកគាំទ្រតែងតែចង់ច្រៀងលេងតាមដោយមិនមានខារ៉ាអូខេ ប៉ុន្តែបទនោះគេលែងច្រៀង នឹងត្រូវបានគេភ្លេច ។ លោក បានបន្តថា ចំណុចនេះខ្ញុំមិនដឹងថា ត្រូវនិយាយយ៉ាងម៉េចឲ្យសមនោះទេ ព្រោះជាការងាររបស់ក្រុមហ៊ុន ខ្ញុំបានប្រាប់បញ្ហានេះទៅដល់ក្រុមហ៊ុនដែរ តែត្រូវបានគេប្រាប់ថា
យឺតយ៉ាវទាំងអស់គ្នា ហើយជាការពិតរឿងហ្នឹង គឺអីចឹងមែន ដូច្នេះខ្ញុំមានតែរង់ចាំឲ្យខាងក្រុមហ៊ុនទំនេរ ទើបចេញថតជា VCD បើតាមការស្មានរបស់ខ្ញុំគិត បទចម្រៀងរបស់ខ្ញុំអាចនឹងចេញជា CD មុនថ្ងៃអ៊ុំទូក ។

ជាធម្មតាទេ ក្នុងនាមជាតារាចម្រៀងដែលធ្លាប់តែមានប្រជាប្រិយភាពមួយរូប នៅពេលដែលបាត់បង់ការគាំទ្រ តែងតែមានការព្រួយបារម្ភ ហើយគ្រាន់តែថា វាបណ្តាលមកពីមូលហេតុផ្សេងៗគ្នាតែប៉ុណ្ណោះ ។ រីឯបញ្ហាប្រាក់ចំណូលវិញត្រូវបានលោក មាស សាលី បញ្ជាក់ថា ធម្មតាទេ នៅពេលបច្ចុប្បន្ននេះ មិនថាតែខ្ញុំទេ ទោះជាតារាចម្រៀងដទៃទៀតក៏ស្ងាត់ដូចតែគ្នាហ្នឹង ពោលគឺរកលុយមិនសូវបានទេ សម្រាប់ខ្ញុំស្ថិតក្នុងស្ថានភាពបែបនេះ មានតែការចាយវាយសន្សំសំចៃបន្តិច ទើបអាចទប់ទល់បាន ។ កាលពីខ្ញុំកំពុងតែមានបទចម្រៀងល្បី ហើយមានការមមាញឹកនោះ ខ្ញុំបានផ្អាកការសិក្សាផ្នែកព័ត៌មានវិទ្យាឆ្នាំទី២ ចោល ធ្វើឲ្យខ្ញុំមានអារម្មណ៍សោកស្តាយ ដូច្នេះហើយឆ្លៀតពេលទំនេរ ឥឡូវនេះខ្ញុំបានរៀនជំនាញថ្មីមួយទៀត ដើម្បីជួយពង្រឹងអាជីពរបស់ខ្ញុំសព្វថ្ងៃ គឺរៀនភ្លេង ខ្ញុំគិតថា ក្នុងនាមខ្ញុំជាអ្នកចម្រៀង បើចេះភ្លេងក៏ជាការល្អដែរ ហើយម្យ៉ាងទៀត យើងអាចនិពន្ធ និងចម្រៀងដោយខ្លួនឯងបាន ។

សព្វថ្ងៃនេះសាលី កំពុងប្រឹងប្រែង នឹងចាប់យកផ្នែកភ្លេង និងអ្នកនិពន្ធឲ្យបានល្អ នឹងមានគុណភាព ។ បើថ្ងៃក្រោយច្រៀងលែងកើត ក៏អាចយកភ្លេងមកធ្វើជាអាជីពមួយទៀតដែរ ។

គូរបញ្ជាក់ថា លោក មាស សាលី ដែលទស្សនិកជនស្គាល់ដំបូងគឺតាមរយៈបទ “ អង្គរក្សបេះដូង ” ។ នៅពេលនោះមិត្តអ្នកស្តាប់ សឹងតែគ្រប់ស្រទាប់ ភាគច្រើនសុទ្ធតែចេះច្រៀងនូវបទចម្រៀងមួយនោះ ទោះបីជាច្រៀងមិនបានចប់ទាំងស្រុង ក៏អាចច្រៀងបានខ្លះដែរ ៕

ចិនលុបបំណុលជាង ៤ លានដុល្លារអាមេរិក

2010-11-07T17:24:00.000-08:00

លោក ខៀវ កាញារីទ្ធ អ្នកនាំពាក្យ រដ្ឋាភិបាល និង ជា រដ្ឋមន្ត្រីក្រសួង ព័ ត៌ មានប្រសាសន៍ នា ព្រលប់ ថ្ងៃទី ៤ ខែវិច្ឆិកា ឆ្នាំ ២០១០ ចិន ព្រមព្រៀង លុប បំណុល ដែល កម្ពុជា ជំពាក់ ចំនួន ជាង ៤ លាន ១០ ម៉ឺន ដុល្លារ អាមេរិក

ភ្នំពេញ: នៅក្នុងជំនួបពិភាក្សាការងារទ្វេភាគីជាមួយសម្តេចនាយករដ្ឋមន្ត្រី ហ៊ុន សែន នាព្រលប់ថ្ងៃទី៤ ខែវិច្ឆិកា ឆ្នាំ២០១០ លោក វូ ប៉ាងគួរ ( Wu Bangguo ) ប្រធានរដ្ឋសភាចិន បានប្រកាសថា... ចិនព្រមព្រៀងលុបបំណុល ដែលកម្ពុជាជំពាក់ ចំនួនជាង ៤.២៤០.០០០ ដុល្លារអាមេរិក។ នេះបើតាមការបញ្ជាក់របស់លោក ខៀវ កាញារីទ្ធ អ្នកនាំពាក្យរដ្ឋាភិបាល និងជារដ្ឋមន្ត្រីក្រសួងព័ត៌មាន។

ជំនួប ពិភាក្សា ការងារ ទ្វេភាគី ជាមួយ សម្តេចនាយក រដ្ឋមន្ត្រី ហ៊ុន សែន នា ព្រលប់ ថ្ងៃទី ៤ ខែវិច្ឆិកា ឆ្នាំ ២០១០ លោក វូ ប៉ាង គួរ ( Wu Bangguo ) ប្រធានរដ្ឋសភា ចិន នៅ វិមាន សន្តិភាព

បន្ទាប់ពីកិច្ចប្រជុំ នៅវិមានសន្តិភាព លោក ខៀវ កាញារីទ្ធ បានថ្លែងប្រាប់ក្រុមអ្នកកាសែតថា បំណុល ដែលចិន ប្រកាសលុបចោលនោះ គឺកម្ពុជា ត្រូវសងប្រទេសចិន នៅក្នុងឆ្នាំ២០១០។

លោក ខៀវ កាញារីទ្ធ ក៏បានបន្ថែមថា ក្នុងជំនួបនោះ ថ្នាក់ដឹកនាំទាំងពីរ ក៏បានធ្វើជាអធិបតី និងជាសាក្សី ចំពោះការចុះហត្ថលេខាលើកិច្ចព្រមព្រៀង ឯកសារ ពិធីសារ កិច្ចសន្យា និងអនុស្សារណៈសរុបចំនួន ១៦ រវាងមន្ត្រីជាន់ខ្ពស់រដ្ឋាភិបាលកម្ពុជា-ចិន។ ក្នុងនោះ ចិនក៏បានយល់ព្រមអនុវត្តន៍គម្រោងអភិវឌ្ឍន៍នៅកម្ពុជាចំនួន ២៣ គម្រោង ដែលមានទឹកប្រាក់សរុប ១.៦០០ លានដុល្លារអាមេរិក។ គម្រោងទាំងនេះ ត្រូវអនុវត្តន៍ចាប់ពីឆ្នាំ២០១០ ដល់ឆ្នាំ២០១៥ លើផ្លូវជាតិ ផ្លូវដែក ស្ពាន កំពង់ផែ និងប្រព័ន្ធព័ត៌មានវិទ្យា។

ជំនួប ពិភាក្សា ការងារ ទ្វេភាគី ជាមួយ សម្តេចនាយក រដ្ឋមន្ត្រី ហ៊ុន សែន នា ព្រលប់ ថ្ងៃទី ៤ ខែវិច្ឆិកា ឆ្នាំ ២០១០ លោក វូ ប៉ាង គួរ (Wu Bangguo) ប្រធានរដ្ឋសភា ចិន នៅ វិមាន សន្តិភាព

លោករដ្ឋមន្ត្រី ខៀវ កាញារីទ្ធ ក៏បានបន្ថែមថា តាមរយៈលោកប្រធានរដ្ឋសភាចិន វូ ប៉ាងគួរ ប្រទេសចិន ក៏បានប្រកាសពីការផ្តល់ជំនួយដល់កម្ពុជា ចំនួន ១០០ លានយន់ផងដែរ។

យ៉ាងណាក៏ដោយ លោក ខៀវ កាញារីទ្ធ បានបន្ថែមថា លោក វូ ប៉ាងគួរ បានសន្យាជម្រុញអ្នកវិនិយោគ និងអ្នកទេសចរចិន មកកាន់កម្ពុជាឲ្យកាន់តែច្រើន។ ចិនក៏បានសន្យានាំអង្ករ ពោត និងដំឡូងមី ទៅកាន់ប្រទេសចិនដោយផ្ទាល់ ដោយមិនចាំបាច់ឆ្លងកាត់ប្រទេសទី៣ឡើយ។

ជាមួយគ្នានោះ លោក ខៀវ កាញារីទ្ធ ក៏បានបញ្ជាក់ថា ចិនបានអរគុណកម្ពុជា ចំពោះការគាំទ្រចិន នៅក្នុងជម្លោះក្នុងសមុទ្រចិនភាគខាងត្បូង ព្រមទាំងការគាំទ្រឥតងាករេរបស់កម្ពុជា លើនយោបាយចិនតែមួយ។ នោះគឺចិនមិនបានស្វែងរកអំណាចក្នុងតំបន់ទេ តែចិនធ្វើជាដៃគូល្អជាមួយនឹងអាស៊ាន៕

ក្រុមសង្គមស៊ីវិល គ្រោងបង្ហាញរបាយការណ៍

2010-11-07T17:22:00.000-08:00

ភ្នំពេញ: នៅថ្ងៃទី៨ ខែវិច្ឆិកា ឆ្នាំ២០១០ គណៈកម្មាធិការប្រព្រឹត្តិកម្ម រួមទាំងអង្គការសង្គមស៊ីវិលជាដៃគូនឹងបញ្ចេញនូវរបាយការណ៍ ស្រមោលប្រមាណ ៤០ទំព័រ ហើយត្រូវបានបោះពុម្ព រួចជាស្រេចជាពីរភាសា គឺភាសាខ្មែរ និងអង់គ្លេសនោះ នឹងត្រូវបានផ្សព្វផ្សាយដល់ក្រុមអ្នកកាសែត និងអង្គការអន្តរជាតិស្ថានទូតបរទេសដែលប្រចាំការនៅកម្ពុជា រួមទាំងផ្តល់ឱ្យការិយាល័យឧត្តមស្នងការសហប្រជាជាតិទទួលបន្ទុក សិទ្ធិមនុស្ស ប្រចាំនៅស្រុកខ្មែរផងដែរ ។

លោក ចាន់ សុវេត មន្ត្រីអង្គការសិទ្ធិមនុស្សអាដហុក បានប្រាប់ឱ្យដឹងថា នៅថ្ងៃទី៨ ខែវិច្ឆិកា គឹគណៈកម្មាធិការប្រព្រឹត្តិកម្ម រួមទាំងអង្គការសិទ្ធិមនុស្ស ដែលធ្វើការផ្នែកការពារសិទ្ធិមនុស្ស បានត្រៀមចែកផ្សព្វផ្សាយនូវរបាយការណ៍ ស្តីពីការធ្វើទារុណកម្មជនជាប់ចោទ និងការធ្វើទារុណកម្មលើរាងកាយអ្នកដែលស្នាក់នៅក្នុងមណ្ឌលកែប្រែ ពន្ធនាគារ ព្រមទាំងជនជាប់ចោទ ដែលត្រូវសមត្ថកិច្ចចាប់ខ្លូនស្ថិតនៅក្នុងការិយាល័យសមត្ថកិច្ច មានដូចជា នៅកន្លែងនគរបាល កងរាជអាវុធហត្ថ ឬបន្ទាយទាហាន ៘

លោក ចាន សុ់វេត បានឱ្យដឹងបន្តថា គណៈកម្មាធិការប្រព្រឹត្តិកម្ម និងអង្គការដៃគូ ក៍ជំរុញដល់រាជរដ្ឋាភិបាលកម្ពុជា ធ្វើសេចក្តីព្រាងច្បាប់ទប់ស្កាត់ការធ្វើទារុណកម្មដើម្បីដាក់ជូន រដ្ឋសភាជាតិ អនុម័តឱ្យស្របតាមមាត្រា៣ នៃអនុសញ្ញាអង្គការសហប្រជាជាតិប្រឆាំងការធ្វើទារុណកម្ម ដែលរាជរដ្ឋាភិបាលកម្ពុជា បានចុះហត្ថលេខាទទួលស្គាល់រួចហើយនោះ បើទោះបីជាមានច្បាប់ខ្លះប្រឆាំងការធ្វើទារុណកម្មបង្ខំយកចំលើយនៅ កន្លែងសមត្ថកិច្ច មណ្ឌលកែប្រែ និងពន្ធនាគារ តែពុំទាន់គ្រប់គ្រាន់ទេ គឹរដ្ឋាភិបាលត្រូវតែបង្កើតច្បាប់ទប់ស្កាត់ការធ្វើទារុណកម្មឱ្យបាន តាមការសន្យារបស់រាជរដ្ឋាភិបាល ។

លោក ចាន់ សុវេត បានពន្យល់ថា រៀងរាល់ ៤ឆ្នាំម្តង រដ្ឋាភិបាលធ្វើរបាយការណ៍ដាក់ជូនអង្គការសហប្រជាជាតិផ្នែកសិទ្ធិមនុស្ស បានចំនួន ២លើកមកហើយ ស្តីពីការទប់ស្កាត់ការធ្វើទារុណកម្ម ប៉ុន្តៃពុំទាន់មានលក្ខណៈគ្រប់គ្រាន់នៅឡើយទេ ពីព្រោះរាជរដ្ឋាភិបាល ពុំទាន់បង្ហាញនូវឆន្ទៈដើម្បីទប់ស្កាត់ការធ្វើទារុណកម្ម ។ លោក សុវេត បន្តថា តាមការសង្កេតពីសំណាក់មន្ត្រីសិទ្ធិមនុស្សរកឃើញថា នៅមានការធ្វើទារុណកម្មលើជនជាប់ចោទ និងការធ្វើទារុណកម្ម លើអ្នកដែលស្ថិតក្នុងមណ្ឌលកែប្រែ តែងតែកើតមាន បើទោះបីជាមកដល់តុលាការត្រូវតុលាការច្រានចោលក៍ដោយ នេះបង្ហាញពីការរំលោភសិទ្ធិមនុស្សនៅតែបន្តមាននៅស្រុកខ្មែរ ។

កាលពីអំឡុងឆ្នាំ២០០៩ អង្គការសហប្រជាតិ ផ្នែកប្រឆាំងឧក្រិដ្ឋកម្មគ្រឿងញៀនធ្លាប់បានបញ្ចេញនូវរបាយការណ៍ ស៊ើបអង្កេតរកឃើញថា មានការរំលោភសិទ្ធិមនុស្ស ដោយកាធ្វើទារុណកម្មលើរាងកាយអ្នកដែលទៅទទួលការបន្សាបគ្រឿងញៀនតាម មណ្ឌលបន្សាបគ្រឿងញៀននៅក្នុងប្រទេសកម្ពុជា ដោយប្រើរំពាត់ខ្សែតី តែត្រូវបានមន្ត្រីអាជ្ញាធរជាតិប្រឆាំងគ្រឿងញៀនបដិសេធថា ពុំមានការធ្វើទារុណកម្ម អមនុស្សធម៌ រំលោភសិទ្ធិមនុស្សបែបនោះទេ ។ ហើយថ្មីនេះដែរ អង្គការយូមែនរ៉ាយវ៉ច ក៍បានបង្ហាញនូវរបាយការណ៍ស្តីពីការធ្វើទារុណកម្ម លើក្រុមស្ត្រីរកស៊ីផ្លូវភេទ មានដូចជាការបង្ខំយកទៅរួមភេទ ជាមួយមន្ត្រីមើលការខុសត្រូវ ការឆែកឆេរប៉ះពាល់បៀតបៀនផ្លូវភេទ ព្រមទាំងលូកស្ទាបយកលុយពីស្ត្រីទាំងនោះ បន្ទាប់ពីសមត្ថកិច្ចចាប់ខ្លួន ។

ដោយឡែកលោក ទិត សុធា ទីប្រឹក្សារាជរដ្ឋាភិបាល និងជាអ្នកនាំពាក្យអង្គភាពព័ត៍មាននៃទីស្តីការគណៈរដ្ឋមន្ត្រី បានមានប្រតិកម្មទៅនឹងគំរោងបញ្ចេញរបាយការណ៍ ស្រមោលរបស់ក្រុមអង្គការក្រៅរដ្ឋាភិបាល ដែលមាននិន្នាការ ប្រឆាំងរាជរដ្ឋាភិបាលថា ជារបាយការណ៍ភូតកុហក បោកប្រាស់ក្នុងគោលបំណងស្វែងរកតែជំនួយគាប់ចិត្តម្ចាស់ជំនួយ ប៉ុន្តែរាជរដ្ឋាភិបាលបានទទួលនូវការគាំទ្រនៅលើឆាកអន្តរជាតិ ដែលអនុវត្តនូវការគោរពសិទ្ធិមនុស្សគោរពនីតិរដ្ឋ និងលទ្ធិប្រជាធិបតេយ្យព្រមទាំងអភិវឌ្ឍន៍រីកចំរើនលើគ្រប់វិស័យ ៕

រមណីយដ្ឋាន "កោះថាស" ខេត្ដពោធិ៍សាត់

2010-11-03T03:15:00.000-07:00

កោះថាស គឺជាកន្លែងកំសាន្តថ្មីមួយទៀតក្នុង ចំណោម កន្លែងកំសាន្តនិងរមណីយដ្ឋានធម្មជាតិនានា ក្នុងខេត្ដពោធិ៍សាត់ដែលទើបបង្កើតថ្មី កាលពីខែ ធ្នូឆ្នាំ២០០៨ដែលមានទីតាំងនៅខាងត្បូងទំនប់ទឹក... ដំណាក់អំពិលចម្ងាយប្រហែល ១ គីឡូម៉ែត្រស្ថិត ក្នុងភូមិអូរលំចង់ ឃុំបាក់ចញ្ចៀន ស្រុកភ្នំក្រវ៉ាញ ខេត្ដពោធិ៍សាត់ ហើយមានចម្ងាយប្រហែល ១៥ គីឡូម៉ែត្រពីផ្លូវជាតិលេខ៥ ។

លោកអ្នក អាចធ្វើដំណើរចូលតាម ខ្លោងទ្វារបូជនីយដ្ឋានឧកញ៉ាឃ្លាំងមឿងផ្លូវដីគ្រួក្រហមដោយ មានស្លាកសញ្ញាបង្ហាញជាប់រហូត ។ សព្វថ្ងៃនេះ “កោះថាស” កំពុងទាក់ទាញភ្ញៀវទេសចរណ៍យ៉ាងខ្លាំងពិសេសនៅក្នុង ឱកាសបុណ្យចូលឆ្នាំថ្មីដែលទើបតែកន្លងផុតទៅថ្មីៗនេះ ។ នៅពេលធ្វើដំណើរទៅដល់ លោកអ្នកនឹងបានឃើញកោះថាសមានរាងមូលដូចថាសមានទឹកព័ទ្ធជុំវិញ ហើយមួយចំហៀងផ្នែកខាងកើតភ្ជាប់ទៅនឹងស្ទឹងពោធិ៍សាត់ ។ កន្លង មកពុំមានគេចាប់អារម្មណ៍ទេ ដោយសារនៅជុំវិញកោះពុំមានទឹក គឺគ្រាន់តែជាបឹងដក់ទឹកដុះស្មៅ និងជាកន្លែងធ្វើស្រែប្រាំងដាំបន្លែបង្ការរបស់ប្រជាពរដ្ឋនៅទីនោះ ប៉ុណ្ណោះ ។ ប៉ុន្តែអ្វីដែលនឹកស្មានមិនដល់នោះគឺចាប់តាំងពីមានទំនប់ទឹកដំណាក់ អំពិល ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមក បានបញ្ចាល់ទឹកឡើងកាន់កណ្ដាលកោះ ធ្វើឱ្យកោះមានសម្រស់ស្រស់ត្រកាលក្លាយជាកន្លែងកំសាន្តគួរជាទីគយគន់។

លោក ជា ម៉ៅ ប្រធានក្រុមហ៊ុនអាជីវកម្មខ្សាច់ ដែលជាអ្នករៀបចំបង្កើតកន្លែងកំសាន្ត“កោះថាសបាន ឱ្យដឹងថា កោះថាស មានផ្ទៃដី១០ហិកតា បួនជ្រុង ។ លោកបានទិញដីពីប្រជាពលរដ្ឋជាច្រើនគ្រួសាររួមបញ្ចូលគ្នា ព្រោះតែឃើញស្ថានភាពដីកោះអាចរៀបចំជាកន្លែងសម្រាប់ឱ្យភ្ញៀវចូលទៅ លេងកំសាន្ដបាន ។ កោះនេះលោកបានចាប់ផ្ដើមកសាងនៅ ខែ ធ្នូឆ្នាំ២០០៨ រហូត មកដល់ពេលនេះកសាងផ្លូវក្រាលក្រួសក្រហមប្រវែង ៧០០០ម៉ែត្រ ខ្យុសចំនួន ៥១ ខ្សែកាបចំនួនពីរសម្រាប់ភ្ញៀវជិះសម្រូតឆ្លងស្ទឹងទៅវិញទៅមក ស្ពានយោលប្រវែង ១៦០ម៉ែត្រ និងមានផ្ទៃទឹកធំទូលាយព័ទ្ធជុំវិញសម្រាប់ភ្ញៀវទេសចរជិះទូក និងជិះទាលេងកំសាន្ត ។ នៅលើផ្ទៃកោះទាំងមូលមានម្លុបឫស្សី ដើមស្វាយ និងបានរៀបចំជាកន្លែងលក់ ដូរ ធុងសម្រាម កន្លែងក្រាលកន្ទេល កៅអីបង្អែកធ្វើអំពីដើមឫស្សី និងមានបង្គន់អនាម័យចំនួន៨បន្ទប់ ។

លោក ជា ម៉ៅ មានប្រសាសន៍ថា កោះថាសភ្ញៀវទេសចរអាចមកលេងបានទាំងខែប្រាំង និង ខែ វស្សា គឺមានទឹកជាប់ជាប្រចាំ ។ ខែវស្សាមានទឹកជំនន់រីឯខែប្រាំងបានទឹកមកពីការច្រាលឡើងពីទំនប់ទឹក ដំណាក់អំពិល ដែលជាអំណោយរបស់ សម្ដេចតេជោ ហ៊ុន សែន ។ ការរៀបចំកសាងកោះថាសមានការអនុញ្ញាតច្បាប់ត្រឹមត្រូវពីអាជ្ញាធរ ដែនដី មន្ទីរទេសចរណ៍មន្ទីរបរិស្ថាននិងមន្ទីររៀបចំដែនដីនគរូបនីយកម្មសំណង់ និងសុរិយោដី ។ ការរៀបចំជាកន្លែងសម្រាប់ភ្ញៀវទេសចរចូលទៅលេងកំសាន្ដនេះចូលរួម លើកស្ទួយវិស័យទេសចរណ៍ នៅប្រទេសកម្ពុជាយើងផងដែរ។ លោកបញ្ជាក់ថាខណៈ ពេលកំពុងកសាងចាប់ពីខែធ្នូមកនោះ មានភ្ញៀវចូលទៅ លេងកំសាន្ដជាបណ្ដើរៗ ហើយ ក្នុងឱកាសបុណ្យចូលឆ្នាំថ្មីកន្លងមកនេះ លោកបានរៀបចំពិធីលេងល្បែងប្រជាប្រិយ និងរាំកំសាន្ដ។ កោះថាសលោកបានបើកឱ្យភ្ញៀវចូលលេងកំសាន្ដនៅថ្ងៃទី១០ មេសា ២០០៩ ដោយតម្រូវឱ្យចូលរួមបង់ថវិកាម្នាក់ ១០០០រៀល ជិះខ្សែរ៉កម្នាក់ ២០០០រៀល ជិះទាមួយម៉ោង ១០.០០០រៀល ខ្យុសកន្ទេរមួយ ២០.០០០រៀល ខ្យុសកន្ទេរពីរ ៤០.០០០រៀលនិងបង្គន់អនាម័យចូលម្ដងក្នុងម្នាក់ ៥០០រៀល ។ ថវិកាដែលបានមកនេះ លោក នឹង យកទៅកសាងបន្ដដូចជាធ្វើខ្យុស ព័ទ្ធជុំវិញ ទិញទា និងម៉ូតូទឹកបន្ថែមដើម្បីតម្រូវតាមកំណើនភ្ញៀវ និងមួយចំណែកទៀតជួយដល់ កាកបាទក្រ ហមកម្ពុជា។ លោក សេងហុង អនុប្រធានមន្ទីរទេសចរណ៍ខេត្ដពោធិ៍សាត់មានប្រសាសន៍ថា ទេសចរណ៍មាន៤កន្លែង គឺទេសចរណ៍អេកូទេសចរណ៍ ធម្មជាតិទេសចរណ៍វប្បធម៌ និងទេសចរណ៍កែច្នៃ។ កោះ ថាសនេះជាប្រភេទទេសចរណ៍កែច្នៃ ហើយកន្លែង ទេសចរណ៍បើប្រគល់ឱ្យឯកជនវិនិយោគ គឺមាន ការរីកចម្រើនលឿនជាងរដ្ឋនិងសហគមន៍ ប៉ុន្តែត្រូវមានអាជ្ញាប័ណ្ណ និង គ្រប់គ្រងបច្ចេកទេសដោយ ក្រសួងទេសចរណ៍ ។ មន្ទីរលើកទឹកចិត្ត និងគាំទ្រ

ចំពោះ ការបង្កើតរមណីយដ្ឋានរបស់លោក ជា ម៉ៅ ដែលមានឈ្មោះថា “កោះថាស” នេះពោលគឺយើងចង់បានឱ្យខេត្ដយើងមានកន្លែងកំសាន្តច្រើនសម្រាប់ទាក់ ទាញភ្ញៀវចូលមកលេងកំសាន្ដនិងជាការប្រកួតប្រជែងទៅ នឹងរមណីយដ្ឋានផ្សេងៗ ទៀតផងដែរ។ លោកមាន ប្រសាសន៍ថា ជារៀងរាល់ឆ្នាំរមណីយដ្ឋានទឹកធ្លាក់ច្រកល្អៀងមានមនុស្សទៅលេង ច្រើនជាងគេក្នុងខេត្ដពោធិ៍សាត់ ប៉ុន្តែសម្រាប់ឆ្នាំ ២០០៩ នេះមានការថយចុះច្រើនដោយ សារគេចង់ស្គាល់កន្លែងថ្មី ម្យ៉ាងវិញទៀតកោះថាសផ្លូវស្រួលសុវត្ថិភាព និងជិតទីរួមខេត្ដជាងគេ ។ ឯកឧត្ដម ឆាយ សារ៉េត អភិបាលខេត្ដពោធិ៍សាត់បានគាំទ្រនិងកោតសរសើរចំពោះលោក ជា ម៉ៅ ដែលមានគំនិតរៀបចំបង្កើតកោះថាសនេះឡើងបានជាកន្លែងកំសាន្ដដ៏ល្អ ប្រពៃសម្រាប់ភ្ញៀវទេសចរមកពីគ្រប់ទិសទីពិសេសប្រជាជនខេត្ដពោធិ៍សាត់ មួយចំនួនដែលគ្មានលទ្ធភាពទៅកំសាន្ដនៅប្រាសាទអង្គរវត្ដ ប្រាសាទព្រះវិហារ ខេត្ដព្រះសីហនុ កោះ កុង ឬ រមណីយដ្ឋាននានាដែលនៅក្រៅពីខេត្ដរបស់ខ្លួន ។ “កោះថាស”នេះដំណើរការទៅបានក៏ដោយសារ មានទំនប់ ទឹកដំណាក់អំពិលនៅខាងក្រោមផងដែរ ។ ដូច្នេះទំនប់ទឹកដំណាក់អំពិលអំណោយសម្ដេចតេជោ ហ៊ុន សែន មានប្រយោជន៍ ៣ សំខាន់ គឺបានទឹកធ្វើស្រែប្រាំង បានផ្លូវដើរ និង បានជាកន្លែងទេសចរណ៍ ។

នៅក្នុងឱកាសបុណ្យចូលឆ្នាំថ្មីកន្លងទៅនេះ គេសង្កេតឃើញកោះថាសមានភ្ញៀវទេសចរចូលទៅលេងកំសាន្ដយ៉ាងច្រើនកុះករ ដែលអ្នកខ្លះមកពី ភ្នំពេញ កំពង់ឆ្នាំង បន្ទាយមានជ័យ ប៉ៃលិន និង ខេត្ដបាត់ដំបង ។ ភ្ញៀវដែលបានចូលទៅលេង កំសាន្ដនៅទីនោះបានកោត សរសើរថាមានលក្ខណៈល្អប្រសើរជាងរមណីយដ្ឋាននានាក្នុងខេត្ដ ជាពិសេស“កោះថាស” នេះតែម្ដងដែលជាទីកំសាន្ដនៅជិតទីរួមខេត្ដជាងគេទៀតផង៕

ទឹកទន្លេមេគង្គឆ្នាំនេះធ្លាក់ទាបព្រោះអាកាសធាតុប្រែប្រួល

2010-11-03T03:06:00.000-07:00

មន្ត្រីក្រសួងធនធានទឹក និង ឧតុនិយមបាននិយាយឲ្យដឹងថា ស្ថានភាពទឹកទន្លេមេគង្គត្រូវបាន បញ្ចៀសហើយ មានន័យថា ទឹកទន្លេមិនឡើងទៀតទេ ។ ទឹកទន្លេមេគង្គនៅស្ថានីយជលសាស្ត្រ ទន្លេបាសាក់ចតុមុខនៅឆ្នាំនេះ ឡើងដល់កម្រិតអតិបរិមា ៨.៤៩ ម៉ែត្រ ។...

យោងតាមប្រតិបត្តព្យាករណ៍កម្ពស់ទឹក របស់នាយកដ្ឋានជលសាស្ត្រ នៃក្រសួងធនធានទឹក និងឧតុនិយមសម្រាប់ថ្ងៃទី៣ វិច្ឆិកា ឆ្នាំ២០១០នេះ បង្ហាញឲ្យឃើញថា កម្ពស់ទឹកនៅខេត្តស្ទឹងត្រែង មាន ៤.៩៤ ម៉ែត្រទាបជាងថ្ងៃទី២ វិច្ឆិកា ០.០៥ ម៉ែត្រ ។ នៅស្ថានីយជលសាស្ត្រទន្លេបាសាក់-ចតុមុខ ទឹកមានកម្ពស់ ៧.២៤ ម៉ែត្រ ទាបជាងថ្ងៃទី២ វិច្ឆិកា ០.០៩ ម៉ែត្រ ។

អាកាសធាតុក្នុងរយៈពេល១ ឆ្នាំចុងក្រោយនេះ សម្រាប់ប្រទេសកម្ពុជា ឃើញមានការប្រែប្រួលខ្លាំង គួរកត់សម្គាល់ដូចជា ទឹកសមុទ្រជោរខ្ពស់(ខែ១១-២០០៩) ខុសធម្មតាដល់ទៅជិត ០.៥០ ម៉ែត្រ កម្តៅនៅរដូវប្រាំងបានឡើងដល់ ៤១ ដឺក្រេ ទឹកទន្លេមេគង្គនៅស្ថានីយជលសាស្ត្រទន្លេបាសាក់ចតុមុខ ស្រកចុះដល់កម្រិត ១.៥៦ ម៉ែត្រ (ក្នុងខែមេសា) ជាកម្រិតទាបបំផុត ដែលគេកម្រជួបប្រទះហើយកាលពីថ្ងៃទី១១ តុលា នៅទីក្រុងតាខ្មៅមានភ្លៀងធ្លាក់ ១ មេដល់កម្រិត ៦២៨.២ មីលីម៉ែត្រ ជាកម្រិតទឹកភ្លៀងខ្ពស់បំផុត ជាប្រវត្តិសាស្ត្រ និងពេលនេះសីតុណ្ហភាពនៅទូទាំងប្រទេសកម្ពុជា ចុះត្រជាក់ខ្លាំងជាងឆ្នាំមុនៗ ហើយនៅពេលត្រជាក់មានរយៈពេលច្រើនថ្ងៃថែមទៀតផង ៕

ស្វែង សុជាតា ប្តឹងប៉េអឹមខេត្តសៀមរាបដែលបានបាញ់ឲ្យរបួសដៃស្តាំរបស់នាង

2010-11-03T02:59:00.000-07:00

ភ្នំពេញ: តារាភាពយន្ត ស្វែង សុជាតា ដែលកំពុងសម្រាកព្យាលខ្លួនក្នុងមន្ទីរពេទ្យ បានអះអាងថានាងនឹងប្តឹងប៉េអឹមខេត្តសៀមរាបដែលបានបាញ់ឲ្យរបួស ដៃស្តាំរបស់នាង ។

ស្វែងសុជាតាឆ្នាំនេះមានអាយុ៣០ឆ្នាំ នាងមានកូនបីនាក់ ប្រុស២ ស្រី១ និងមានស្រុកកំណើតនៅភូមិត្នោត ឃុំរកា ស្រុកពារាំង ខេត្តព្រៃវែង ។ សិល្បការិនីរូបនេះ បានចែកផ្លូវជាមួយស្វាមីរយៈពេលជិតមួយឆ្នាំមកហើយ... ហើយសព្វថ្ងៃ នាងស្នាក់នៅរាជធានីភ្នំពេញ។

សុជាតាបានទទួលរងរបួសបាក់ដៃស្តាំពីរកំណាត់ដោយសារប៉េអឹមអឹម ខេត្តសៀមរាបបានបាញ់ផ្លាតត្រូវ ហើយនៅថ្ងៃទី៥ខែវិច្ឆិកាឆ្នាំ២០១០ខាងមុវនេះ គ្រូពេទ្យនឹងត្រូវធ្វើការវះកាត់ដៃរបស់នាង ។

ស្វែងសុជាបានទទួលរងគ្រោះថ្នាក់កាលពីម៉ោង១២យប់ ថ្ងៃទី២៩ខែតុលា ឆ្នាំ២០១០ ក្នុងបរិវេណវត្តអធ្វាភូមិកក្រាញ់ សង្កាត់សៀមរាប ក្រុងនិងខេត្តសៀមរាបខណៈដែលកម្លាំងសមត្ថកិច្ចចុះបង្ក្រាបក្រុមអ្ន ថតកុនដែលផឹកស៊ីស្រវឹងហើយវាយតបសមត្ថកិច្ចវិញឲ្យរងរបួស។ ប៉ុន្តែ នាងមិនស្ថិតនៅក្នុងចំណោមមនុស្សដែលផឹកស៊ីនៅទេ។

សូមបញ្ជាក់ថា ក្រុមថតកុនឲ្យក្រុមហ៊ុនមួយដែលមានថៅកែឈ្មោះ ប៉ិចសេវេនបានជួបនឹងបញ្ហានៅពេលដែលពួកគេថតកុនចប់ហើយនាំគ្នា ជប់លាងរួច ក៏ត្រូវបានថៅកែកុនហៅប៉េអឹមឲ្យមក បំបែកក្រុមអ្នកស្រវឹង ដែលមិនអាចនិយាយស្តាប់គ្នាបាន ។ប៉ុន្តនាងសុជាតាអះអាងថានាងក៍ហួសចិត្តដោយសារ លោកថៅកែ ប៉ិច សេវេន មិនបានសួរសុខទុក្ខ និងមិនបានបើកលុយឲ្យអ្នកថតទេ តែថែមទាំងរករឿងគំរាមប្តឹងនាងទៀត ។ នាងស្វែង សុជាតា បានសំណូមពរតុលាការខេត្តសៀមរាបសុំកុំឲ្យចោទប្រកាន់ពួកក្រុម មិត្តភក្តិរបស់ខ្លួនដែលគេចាប់ទៅនោះធ្វើអ្វី ពីព្រោះថាពួកគេគ្មានកំហុសអ្វីទេ ។ តែនាងបានស្នើឲ្យ សមត្ថកិច្ចពាក់ពន្ធ័ជួយរកយុត្តិធម៌ឲ្យនាងក៍ដូចជាក្រុមការងារ ផងដែរ ៕

វិស័យទេសចរណ៍កម្ពុជារីកចម្រើនក្នុងឆ្នាំ ២០១០

2010-11-03T02:53:00.000-07:00

យោងតាមតួលេខដែលចេញកាលពី ម្សិលមិញដោយក្រសួងទេសចរណ៍ បានឱ្យដឹងថា រហូតមកទល់ខែកញ្ញា ភ្ញៀវទេសចរ ១,៨ លាននាក់បានធ្វើ ដំណើរមកកម្ពុជាដែលនេះជាការកើន... ឡើង ១៤,៥៦ ភាគរយ បើប្រៀបធៀបទៅ នឹងរយៈពេល ៩ ខែដំបូងនៃឆ្នាំ ២០០៩ ។ តួលេខនៅត្រីមាសទី ៣ សម្រាប់ឆ្នាំ ២០១០ នេះបានកើនឡើង ១៩,៤១ ភាគរយ បើប្រៀបធៀបទៅនឹងត្រីមាសទី ៣ នៃឆ្នាំមុន ។
លោក ថាង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា បន្ទាប់ពីបានធ្លាក់ចុះកាលពីឆ្នាំ ២០០៩ ដោយសារតែវិបត្តិសេដ្ឋកិច្ចពិភបលោកនោះនៅឆ្នាំនេះប្រាក់ចំណូលដែលបានពីវិស័យទេសចរណ៍របស់កម្ពុជាទំនង ជានឹងកើនលើសកម្រិតមុនពេលមានវិបត្តិ ។ ប្រាក់ចំណូលប្រហែល ១,៥៩៥ ពាន់លានដុល្លារបានមកពីវិស័យ ទេសចរណ៍កាលពីពីឆ្នាំ ២០០៨ និងប្រហែល ១,៥៦១ ពាន់លានដុល្លារក្នុងឆ្នាំ ២០០៩ ។ វិស័យទេសចរណ៍នៅក្នុងប្រទេសកម្ពុជានឹងរកប្រាក់ចំណូលបានប្រហែល ១,៦៨ ពាន់លានដុល្លារនៅឆ្នាំនេះ ។
នៅខែវិច្ឆិកា និង ធ្នូនេះមានការហោះហើរត្រង់មកពីប្រទេសបារាំង និង ប្រទេសអាល្លឺម៉ង់ធ្វើឱ្យទេសចរណ៍ កម្ពុជានឹងមានសញ្ញាល្អថែមទៀត ។
ដោយមានភ្ញៀវទេសចរចំនួន ៣៤១.១១៣ នាក់នោះប្រទេសវៀតណាមមានចំនួនភ្ញៀវទេសចរដែលមកទស្សនា កម្ពុជាច្រើនជាងគេបំផុតនៅក្នុងរយៈពេល ៩ ខែដំបូងនៃឆ្នាំនេះបន្ទាប់មកគឺកូរ៉េខាងត្បូងដែលមានចំនួន ២០៧.៤១២ នាក់ និង ចិនចំនួន ១២៧.៨២៩ នាក់ ។
ចំនួនភ្ញៀវទេសចរណ៍នៅអាកាសយានដ្ឋានអន្តរជាតិសៀមរាបបានកើនឡើង ១៧,៦៥ ភាគរយនៅក្នុងរយៈ ពេល ៩ ខែដំបូងនៃឆ្នាំ ២០១០ នេះ រហូតដល់ ៤៩៨.៦៩៧ នាក់ ។ ចំនួនភ្ញៀវទេសចរនៅអាកាសយានដ្ឋាន អន្តរជាតិភ្នំពេញ បានកើនឡើង ១១,១២ ភាគរយរហូតដល់ ៤២១.៩៣០ នាក់រហូតមកទល់ខែកញ្ញា ។

មន្ត្រីជាន់ខ្ពស់អ៊ីតាលីជាប់ចោទពីបទទាក់ទងជាមួយស្ត្រីអ្នករបាំ Bellydancing

2010-11-03T02:49:00.000-07:00

ស្ត្រីអ្នករបាំ Bellydancing បានប្តឹងថា លោក ប៊ែរលូស្កូនី បានឱ្យលុយនាង ចំនួន ៩.៦២៥ ដុល្លារ ខ្សែ-កពេជ្រមួយខ្សែ និង រថយន្តមួយគ្រឿងតម្លៃ ១១២.៥០០ ដុល្លារ ។
នាង ការីម៉ា កេយ៉េក វ័យ ១៧ ឆ្នាំ រូប នេះក៏បាននិយាយដែរថា... នាងបានឃើញភ្ញៀវក្នុងពិធីជប់លៀងអាហារ ពេលល្ងាចចូលរួមនៅក្នុងការរួមភេទនៅក្នុងអ្វីដែលនាយករដ្ឋមន្ត្រីអ៊ីតាលីរូបនេះបានហៅថា ជាល្បែង “Bunga Bunga” នោះ ។
ប៉ុន្តែនាងបានអះអាងថា គ្មានការរួមភេទកើតឡើងទេ រវាងនាងនឹងលោក ប៊ែរលូស្កូនី វ័យ ៧៤ ឆ្នាំរូបនេះហើយ បាននិយាយថា លោកហាក់ដូចជាឪពុកម្នាក់អ៊ីចឹងសម្រាប់នាង ដែលគ្រាន់តែជួយនាងនៅពេលដែលនាងមាន បញ្ហាតែប៉ុណ្ណោះ ។
នៅក្នុងបទសម្ភាសមួយជាមួយកាសែត La Republica របស់ប្រទេសអ៊ីតាលីកញ្ញា កេយ៉េក បាននិយាយថា នាងគឺជាស្រីម្នាក់ក្នុងចំណោមស្ត្រី ១០ នាក់ ដែលត្រូវបានអញ្ជើញឱ្យទៅចូលរួមក្នុងពិធីជប់លៀងមួយរបស់លោក ប៊ែរលូស្កូនី នៅក្នុងថ្ងៃបុណ្យនៃក្តីស្រឡាញ់នៅឯផ្ទះរបស់លោកនៅក្នុងសង្កាត់អាគ័រ ជិតទីក្រុងមីលែន ។
គាត់ក៏បានឱ្យលុយខ្ញុំចំនួន ៩.៧៥០ ដុល្លារ និង ខ្សែ-កពេជ្រមួយខ្សែ ។ បន្ទាប់ពីល្ងាចនោះមកខ្ញុំមិន ដែលបានទទួលដំណឹងពីគាត់ម្តងទៀតឡើយ ៕

www.mamaov.info លោក សម រង្ស៊ី ថានឹងវិល មកប្រទេសកម្ពុជាវិញ

2010-11-03T02:43:00.000-07:00

នៅខួបលើកទី ១៥ នៃកំណើតគណបក្ស លោក សម រង្ស៊ី ប្រធានគណបក្ស សម រង្ស៊ី បានថ្លែងប្រាប់ដល់អ្នក គាំទ្ររបស់ លោកកាលពីម្សិលមិញនៅពេល លោកបានសន្យាថានឹងវិលត្រឡប់មកប្រទេស កម្ពុជាវិញ ។
ថ្លែងទៅកាន់សមាជិកក្រុមប្រឹក្សាគណបក្ស សម រង្ស៊ី ថ្នាក់ស្រុកប្រហែលជិត ១.០០០ នាក់នៅទីស្នាក់ការ គណបក្សក្នុងទីក្រុងភ្នំពេញតាមវីដេអូខុនហ្វឺររ៉ែន កាលពីរសៀលថ្ងៃម្សិលម្ញិលោក សម រង្ស៊ី បានមានប្រសាសន៍ថា ឆាប់ៗនេះលោកនឹងវិលត្រឡប់ពីការនិរទេសខ្លួនដោយខ្លួនឯងក្នុងទីក្រុងប៉ារីស ។
លោកបានមានប្រសាសន៍ថា “ស្ថានការណ៍នៅក្នុងប្រទេសកម្ពុជានឹងផ្លាស់ប្តូរ ។ ខ្ញុំនឹងវិលត្រឡប់មកប្រទេសកម្ពុជាក្នុងពេលឆាប់ៗនេះ” ។ លោក សម រង្ស៊ី មិនបានស្ថិតក្នុងប្រទេសកម្ពុជាចាប់តាំងពីឆ្នាំមុនមក ហើយត្រូវបានកាត់ទោសឱ្យជាប់ ពន្ធនាគាររយៈពេល ១២ ឆ្នាំពីបទដកបង្គោលតម្រុយព្រំដែននៅតាមបណ្តោយ ព្រំដែនជាមួយប្រទេសវៀតណាម និង ពីបទផ្សព្វផ្សាយព័ត៌មានមិនពិតអំពីព្រំដែន ។
លោកបានមានប្រសាសន៍ថា យើងអាចមើលឃើញថា មានការរំលោភសិទ្ធិមនុស្សកាន់តែច្រើនឡើង ។ នេះគឺជាកង្វល់ដ៍ធំ ៕
តុលាការកម្ពុជា បានចេញសាលក្រមជាបន្តបន្ទាប់កាត់ទោសលោកសមរង្សី ជាប់ទោសពីបទដកបង្កោលព្រំដែន នឹងការក្លែងបន្លំផែនទី។

ប្រាសាទបន្ទាយគុក រងការខូចខាតស្ទើរទាំងស្រុង

2010-11-02T02:19:00.000-07:00

ប្រាសាទ បុរាណមួយ ដែលត្រូវរង នូវការខូចខាត ទ្រុឌទ្រោម ស្ទើរតែទាំងស្រុង ដោយសារសង្គ្រាម និងពួកឈ្មួញ ទមិឡ ឥតសាសនា គាស់ទន្ទ្រានរុករក វត្ថុបុរាណ ឥតឈប់ឈរនោះ ធ្វើឱ្យប្រាង្គប្រាសាទ ស្ទើរទាំងស្រុង រងនូវការដួលរលំ ជាពិសេស... ទៅទៀតនោះ ក្បាច់រចនានានា ដែលបុព្វបុរស ដូនតាខ្មែរយើង បានបន្សល់ទុក ជាកេរដំណែល សម្រាប់គោរពបូជា និង ជាការឧទ្ទិសដល់ ដួងវិញ្ញាណក្ខន្ធ នៃបុព្វបុរស ដូនតាខ្មែរ ត្រូវរលាយ បាត់អស់ ។

អ្វីៗដែលគួរឱ្យ សោកស្តាយនោះ ព្រលឹងដូនតា បានត្រូវ ជនអន្ធពាល ល្មោភនឹងប្រាក់ បានជីកកកាយ ធ្វើឱ្យបាក់ប្រាសាទ ព្រមទាំងដាប់យក រូបចម្លាក់ផ្សេងៗ ដែលជាស្ថាបត្យកម្ម ដ៏ប្រណីតពុំអាច កាត់ថ្លៃបាននោះ បែរជាត្រូវ បំផ្លាញដោយ ស្នាដៃ ក្រុមឈ្មួញទុច្ចរិត ទៅវិញ ។ ទាំងនេះ ក៏សបញ្ជាក់ ឱ្យឃើញថា ដោយសារតែ ប្រទេសកម្ពុជា យើងជួបនូវ វិបត្តិសង្គ្រាម រ៉ាំរ៉ៃ រាប់ទសវត្សរ៍ ទើបបណ្តាលឱ្យ ប្រាសាទមួយនេះ ក៏ដូចជាប្រាសាទ មួយចំនួនទៀត ជួបនូវគ្រោះ មហន្តរាយ និង ជាឱកាស សម្រាប់ពួក ស្រឡាញ់ទឹកប្រាក់ គុបគិតជាមួយ ប្រទេសជិតខាង ជ្រុលនិយម ដែលជាឈ្មួញ ក្នុងគោលបំណង បំផ្លាញឱ្យអស់រាល់ ប្រាង្គប្រាសាទ វត្ថុមានតម្លៃ សិលាចារឹក ដែលជាព័ស្តុតាង សម្រាប់កូនខ្មែរ ជំនាន់ក្រោយ មិនឱ្យស្គាល់ អំពីវប្បធម៌ អរិយធម៌ ដ៏ត្រចះត្រចង់ នៃសម័យកាល ដ៏យូរលង់ របស់បុព្វបុរស ដូនតាខ្មែរ សម័យមុន ។

បើតាមការឱ្យដឹង របស់មន្ត្រីវប្បធម៌ ខេត្តបន្ទាយមានជ័យ បានឱ្យដឹងថា ប្រាសាទបន្ទាយគុក ឬ ប្រាសាទគុកនេះ គឺកសាងឡើង អំពីថ្មបាយក្រៀម និង ថ្មភក់ ជារចនាបថ សម្បូណ៌ព្រៃគុហ៍ ហើយប្រាសាទនេះ កសាងឡើងដើម្បី ឧទ្ទិសដល់ទេវរូប និង ដួងវិញ្ញាណ ព្រះមហាក្សត្រ ដែលជាស្តេចបាន ធ្វើចម្បាំងឈ្នះ អស់សត្រូវមារ ទាំងពួង ។ ប្រាសាទបន្ទាយគុក នេះមានទីតាំង ស្ថិតនៅភូមិចម្ការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ មានចម្ងាយពី ព្រំប្រទល់ ប្រទេសសៀម ២ គីឡូ ម៉ែត្រ មានចម្ងាយពីទីរួម ខេត្តបន្ទាយមានជ័យ ប្រមាណជា ៤៥ គីឡូម៉ែត្រ ពោលគឺយើង ធ្វើដំណើរកាត់ តាមផ្លូវជាតិលេខ ៦៩ A ឆ្ពោះទៅទីរួម ស្រុកស្វាយចេក បន្ទាប់មកទៀត យើងធ្វើដំណើរ បន្តកាត់ភូមិចម្ការគ ពេលនោះ យើងនឹងបានឃើញ ប្រាសាទមួយ ដែលកំពុងលាក់ខ្លួន ពួនអាត្មា នៅជ្រកក្រោម កណ្តាលទ្រូងព្រៃ គួរឱ្យអាណិតអាសូរ យ៉ាងពន់ពេក ព្រោះប្រាសាទនេះ នៅដាច់ស្រយាល ពីទីប្រជុំជន ធ្វើឱ្យក្រុមទមិឡ មានឱកាស ជីកកកាយរុករក វត្ថុបុរាណ មានតម្លៃផ្សេងៗ នៅក្នុងតួ ប្រាសាទ គ្មានសេសសល់ ។

តាំងពីឆ្នាំ ២០០២ ប្រជាពលរដ្ឋខ្មែរយើង បានទៅសង់ លំនៅស្ថាន នៅក្បែរប្រាសាទ ព្រមទាំងបាន កាប់ឆ្ការព្រៃវល្លិ ដែលរុំព័ទ្ធជុំវិញ ប្រាសាទ ក៏បានប្រទះឃើញ ខ្នោះជើងបុរាណ ដែលបុព្វដូនតាយើង បានបន្សល់ទុក ក្នុងបាតប្រាសាទ ទើបអ្នកស្រុក នៅក្បែរប្រាសាទនេះ ដាក់នាមឱ្យ ប្រាសាទនេះ ថាជា “ប្រាសាទបន្ទាយគុក” ឬ “ប្រាសាទគុក” តមកដល់ សព្វថ្ងៃនេះ ។

លោក អុំ សារួន អនុប្រធាន មន្ទីរវប្បធម៌ និង វិចិត្រសិល្បៈ ខេត្តបន្ទាយមានជ័យ បានប្រាប់អ្នក យកព័ត៌មានថា ប្រាសាទបន្ទាយគុក ឬ ប្រាសាទគុក កសាងឡើងនា រជ្ជកាល ព្រះបាទជយវរ្ម័នទី ៧ ដើមឆ្នាំ ១១៨១ នៃគ.ស. ដែលធ្វើអំពី ថ្មបាយក្រៀម មានទំហំ ៧០០ x ៣០០ ម៉ែត្រ ប៉ុន្តែសព្វថ្ងៃនេះ ដួលរលំស្ទើរ ទាំងស្រុង ព្រោះប្រាសាទនេះ នៅឆ្ងាយពីទីប្រជុំជន ជាពិសេសទៅទៀតនោះ ជាអតីតសមរភូមិ ប្រយុទ្ធគ្នារវាង កងទ័ពរដ្ឋកម្ពុជា និង ពួកទ័ពព្រៃ ខ្មែរក្រហម ។

លោកអនុប្រធាន មន្ទីរបានឱ្យដឹង ទៀតថា ចំពោះឈ្មោះ ប្រាសាទបន្ទាយគុក នេះ គឺខ្ញុំសន្មតតាម ប្រជាពលរដ្ឋ ហៅតែប៉ុណ្ណោះ “ចំពោះឈ្មោះដើម នៅពុំទាន់ ស្រាវជ្រាវរក ឈ្មោះប្រាសាទនេះ ឃើញនៅឡើយទេ” ។ លើសពីនេះ ទៅទៀតនោះ លោកអនុប្រធាន មន្ទីរវប្បធម៌ និង វិចិត្រសិល្បៈ បានបន្ថែមទៀតថា នៅ ខេត្តបន្ទាយមានជ័យ ថ្វីដ្បិតជាខេត្ត មានព្រំប្រទល់ជាប់ នឹងប្រទេសសៀម ក៏ពិតមែន ប៉ុន្តែសក្តានុពល ផ្នែកវិស័យ ទេសចរណ៍របស់ ប្រាសាទគុកនេះ មានការទាក់ទាញ ភ្ញៀវ ទេសចរ នៅក្នុងខេត្តនេះ បានច្រើនគ្រាន់បើដែរ មិនចាញ់ ប្រាសាទផ្សេងៗ ឡើយ ៕

ទ្វារទឹកស្ទឹងបំណក់ ក្លាយជា រមណីយដ្ឋាន ទេសចរណ៍ នៅខេត្ត ពោធិ៍សាត់

2010-11-02T02:16:00.000-07:00

ខេត្តពោធិ៍សាត់ គឺជាខេត្តមួយ ដែលសម្បូរ ទៅដោយ រមណីយដ្ឋាន ធម្មជាតិ និង រមណីយដ្ឋាន ទេសចរណ៍ បែបប្រវត្តិសាស្ត្រ មិនចាញ់ខេត្ត ដទៃទៀតឡើយ ។ រមណីយដ្ឋាន ធម្មជាតិ និង រមណីយដ្ឋាន ប្រវត្តិសាស្ត្រ រួមមាន... រមណីយដ្ឋាន ទឹកធ្លាក់ ច្រកល្អៀង អូរដារ កោះថាស វត្តបាកាន កោះសំពៅ បូជនីយដ្ឋាន ឧកញ៉ា ឃ្លាំង មឿង ៘ ប៉ុន្តែពេលនេះ ទ្វារទឹកស្ទឹងបំណក់ ដែលទើបតែ សាងសង់ថ្មី នៅស្រុកក្រគរ ក៏បានក្លាយទៅជា តំបន់ទេសចរណ៍ថ្មី ទៀត ដែលធ្វើឱ្យ មានទាក់ទាញ យ៉ាង ខ្លាំងនៅ ស្រុកក្រគរ និង ខេត្តពោធិ៍សាត់ នេះទាំងមូល ។

ទ្វារទឹកស្ទឹងបំណក់ ត្រូវបានកសាង ឡើងនៅដើមឆ្នាំ ២០១០ នេះ ដើម្បីស្ទាក់ទឹកទុក សម្រាប់បម្រើឱ្យ វិស័យកសិកម្ម របស់ប្រជាជន នៅក្នុង ខេត្តកំពង់ឆ្នាំង និង ខេត្តពោធិ៍សាត់ ។ ទ្វារទឹកស្ទឹងបំណក់ នេះស្ថិតនៅក្នុង ឃុំឈើតុំ ស្រុកក្រគរ ខេត្តពោធិ៍ សាត់ ។ បើយើងចង់ ធ្វើដំណើរ ទៅកាន់សំណង់ ទ្វារទឹកស្ទឹងបំណក់ នេះ យើងត្រូវចេញពី ទីប្រជុំជន ស្រុកក្រគរ ឆ្ពោះទៅតាមផ្លូវ ក្រាលក្រួសក្រហម ក្នុងចម្ងាយផ្លូវ ២៨ គីឡូម៉ែត្រ យើងនឹងបានឃើញ សំណង់ទ្វារទឹក ទើបសាងសង់ ថ្មី ដែលមានឮ សូរសន្ធឹកទឹកហូរ និង មានហ្វូង ត្រីចង្វាតូចៗ លោតហក់បញ្ច្រាស ទឹកហូរ ដែលមើលទៅ គួរឱ្យចង់ ទស្សនាក្រៃលែង ។

លោក ថឹម ង៉ុក មេឃុំឈើតុំ បានឱ្យដឹងថា ដំបូងឡើយ លោកមិនបានគិតថា ទ្វារទឹកនេះ មានឥទ្ធិពល ទាក់ទាញ ភ្ញៀវទេសចរ យ៉ាងច្រើន ដូចនេះឡើយ ពោលគឺ យើងគ្រាន់តែ គិតថាវាមាន ផលប្រយោជន៍ ធំៗចំនួនពីរ ប៉ុណ្ណោះ ទីមួយ គឺជាស្ពាន ដែលតភ្ជាប់ជីវភាព និង ការរស់នៅរបស់ ប្រជាពលរដ្ឋ នៅត្រើយនៃ ស្ទឹងម្ខាង ទៅត្រើយម្ខាងទៀត ដែលទីនេះ ពីមុនមកពុំដែល មានស្ពានល្អ ដូចនេះឡើយ ហើយស្ពាននេះ ជាការតភ្ជាប់ ប្រព័ន្ធគមនាគមន៍ មួយយ៉ាងល្អ ប្រសើរក្នុងការ ធ្វើដំណើរ និង ការដឹកកសិផល ផ្សេងៗរបស់ ប្រជាពលរដ្ឋ នៅតាមបណ្តា ភូមិនានាទៅកាន់ ទីប្រជុំជន ។ ចំណុចទីពីរ លោកគិតថា វាជាប្រព័ន្ធ ស្ទាក់ទឹកមួយ យ៉ាងសំខាន់ ដែលបានរួមចំណែក យ៉ាងច្រើនក្នុងការ បម្រើឱ្យ វិស័យកសិកម្ម ពិសេសបម្រើ ការងារ ស្រោចស្រពដីស្រែ ដែលធ្វើឱ្យតំបន់ នៅជុំវិញស្ទឹងនោះ អាចធ្វើស្រែ បានពីរ ទៅបីដង ក្នុងមួយឆ្នាំ ប៉ុន្តែចំណុច ដែលលោកក៏ដូចជា មន្ត្រីផ្សេងៗ មិននឹកដល់នោះ គឺសំណង់ថ្មីនេះ បានក្លាយទៅជា រមណីយដ្ឋាន ទេសចរណ៍ យ៉ាងថ្មីសន្លាង ដែលធ្វើឱ្យ ប្រជាពលរដ្ឋ រាប់រយពាន់នាក់ ងាកមកចាប់ អារម្មណ៍ទស្សនា និង ងូតទឹក កម្សាន្តនៅទីនេះ ។ នៅថ្ងៃអនាគត ប្រជាពលរដ្ឋ ដែលរស់នៅតំបន់នេះ នឹងរកចំណូលបាន បន្ថែមទៀត តាមរយៈការ លក់ដូរនំចំណី និង អាហារផ្សេងៗ ឱ្យភ្ញៀវទេសចរ ដែល មកទស្សនា និង ងូតទឹកលេង នៅសំណង់ថ្មីនេះ ។ លោកមានសេចក្តី រីករាយណាស់ ដោយសារ សំណង់ថ្មីមួយ ដែលលេចជារូបរាង យ៉ាងស្រស់ត្រកាលនេះ បានផ្តល់អត្ថប្រយោជន៍ យ៉ាងសំខាន់សម្រាប់ ប្រជាពលរដ្ឋនៅក្នុង ឃុំរបស់លោក ។

ប្រសិនបើយើង ចេញពីសំណង់ថ្មីនេះ បានប្រមាណជា ៥ គីឡូម៉ែត្រនោះ យើងនឹងបានឃើញ ប្រព័ន្ធប្រឡាយ ស្រោចស្រព បែកជាបី ដែលខ្លះធ្វើ រួចរាល់ហើយ និង ខ្លះទៀតកំពុងធ្វើ ។ ប្រឡាយទីមួយ កសាងទៅកាន់ ស្រុកបរិបូណ៌ ខេត្តកំពង់ឆ្នាំង ប្រឡាយទីពីរ ធ្វើកាត់ឃុំឈើតុំ និង ប្រឡាយទីបី ធ្វើសំដៅទៅកាន់ ឃុំព្រៃស ក្នុងស្រុកក្រគរដែរ ។ ក្រៅពីនេះ នៅមានសំណង់ ប្រព័ន្ធធារាសាស្ត្រ តូចៗ ជាច្រើនទៀត រាប់មិនអស់ត្រូវបាន រដ្ឋាភិបាលសាងសង់ ឡើងដើម្បី បម្រើការងារ ស្រោចស្រព ដីស្រែរបស់ប្រជាជន នៅក្នុងស្រុកក្រគរ ខេត្តពោធិ៍សាត់ និង ស្រុកបរិបូណ៌ ខេត្តកំពង់ឆ្នាំង ។

ស្ទឹងបំណក់នេះ មានប្រភពទឹកហូរ មកមួយផ្នែក ពីភ្នំល្អៀង មួយផ្នែក ពីភ្នំយោក និង មួយផ្នែកទៀត ពីភ្នំបំណក់ ដែលនៅជិតនេះឯង ហើយវាបាននាំ ទឹកហូរកាត់ ទៅស្រុកបរិបូណ៌ ខេត្តកំពង់ឆ្នាំង រួចបន្តហូរធ្លាក់ ទៅក្នុង បឹងទន្លេសាប ។

លោក ញ៉ូ សុង ប្រធានមន្ទីរ ទេសចរណ៍ ខេត្តពោធិ៍សាត់ បានឱ្យដឹងថា លោកមានសេច ក្តីរីករាយណាស់ ដោយសំណង់ទ្វារទឹកថ្មី មួយនេះបានចូលរួម យ៉ាងសំខាន់ដើម្បី បម្រើការកម្សាន្តរបស់ ភ្ញៀវទេសចរជាតិ និង ភ្ញៀវទេសចរបរទេស ដែលបាន មកទស្សនានៅ ខេត្តពោធិ៍សាត់ ។

សព្វថ្ងៃនេះ សំណង់ថ្មីមួយនេះ មានប្រជាពលរដ្ឋ រាប់រយនាក់ទៅទស្សនា កម្សាន្ត និង ងូតទឹកលេងយ៉ាង សប្បាយរីករាយ នាថ្ងៃរៀងរាល់ ចុងសប្តាហ៍ ឬ ថ្ងៃ បុណ្យទានផ្សេងៗ ពិសេសថ្ងៃ បុណ្យភ្ជុំបិណ្ឌ កន្លងទៅនេះ មានភ្ញៀវទេសចរជាតិ រាប់ពាន់ នាក់ នាំគ្នាមកកម្សាន្ត និង ងូតទឹកលេង ពីព្រោះពួកគេ មកទស្សនានៅទីនេះ ក្រៅពីងូតទឹកលេង ពួកគាត់បានឃើញ ទេសភាពដ៏ស្រស់ ត្រកាល នៃកំពូលភ្នំបំណក់ យ៉ាងស្រស់ត្រកាល ដែលគេកម្ររកអ្វី មកប្រដូចឱ្យសម នឹងទីនេះណាស់ ។ នៅ ចម្ងាយប្រមាណ ជាង ១០០ ម៉ែត្រ ពីសំណង់ទ្វារទឹកនេះ មានស្ពានផ្លូវរថភ្លើង មួយទៀត ដែលគេឧស្សាហ៍ ឃើញមាន ភ្ញៀវទេសចរ យ៉ាងច្រើនទៅគយគន់ ខ្សែទឹកហូរ យ៉ាងខ្មួលខ្មាញ់ ជាពិសេសនៅទីនេះ ក៏ជាកន្លែងអង្គុយ សាសងគ្នារបស់ គូស្នេហ៍ វ័យក្មេង ដែលធ្វើឱ្យពួកគេ រឹតតែស្និទ្ធស្នាល នឹងគ្នាថែមទៀត ។

នៅតាមច្រាំងស្ទឹង ក្បែរសំណង់ ទ្វារទឹកបំណក់នេះ មានរៀបជាកំពែងថ្ម មានរាងទេរ ចូលទៅបាតស្ទឹង ដែលកន្លែងច្រាំង នេះហើយដែលជា កន្លែងភ្ញៀវទេសចរ នាំគ្នាអង្គុយលម្ហែកាយ និង អ្នកខ្លះអង្គុយ ស្ទូចត្រីលេងយ៉ាង សប្បាយរីករាយ ។ រីឯពួក ក្មេងៗដែល ធ្លាប់រស់នៅតាម ដងស្ទឹង តាមដងទន្លេ ដែលចេះ ហែលទឹកវិញ គេបាននាំគ្នាងូតទឹក លោតដាំដូងក្នុង ទឹកស្ទឹងយ៉ាង សប្បាយរីករាយ ឥតឧបមា ។ទោះបីទីនេះ មានភ្ញៀវទេសចរ មកកម្សាន្តយ៉ាងច្រើនក្តី ក៏គេនៅមិនទាន់ ឃើញមានកន្លែង លក់ដូរច្រើនប៉ុន្មានឡើយ ពីព្រោះទីនេះជា តំបន់ទេសចរណ៍ ដែលទើបនឹង កកើតថ្មីៗ ហើយគេសង្ឃឹមថា នៅថ្ងៃអនាគត ដ៏ខ្លីខាងមុខនេះ តំបន់ ទ្វារទឹកនៃ ស្ពានបំណក់ នឹងមានការទាក់ទាញ ភ្ញៀវទេសចរ កាន់តែច្រើនឡើងៗ ហើយគេក៏សង្ឃឹមដែរថា នឹងមានសេវាកម្ម ផ្សេងៗទៀត យ៉ាងល្អដើម្បីបម្រើ ភ្ញៀវទេសចរ ៕

បវរកញ្ញាមីនក្លាយជាតារាភាពយន្ត

2010-11-02T02:06:00.000-07:00

ភាពយន្ត ឯកសារ ដែលនិយាយ អំពីការរៀបចំ គម្រោងការប្រកួត បវរកញ្ញាមីន និង ជីវិតរបស់ កញ្ញាមីន នៅកម្ពុជា ត្រូវបានដាក់ បញ្ចាំងលើកទីមួយ នៅសហរដ្ឋអាមេរិក... កាលពីថ្ងៃទី ១៦ ខែតុលា ឆ្នាំ ២០១០ នេះ ប៉ុន្តែមិនបាន បញ្ចាំងនៅ កម្ពុជា ទេ ។

លោក ម័រថិន ត្រាវីក (Morten Traavik) ដែលជាប្រធាន គម្រោងរបស់ បវរកញ្ញាមីន បានឱ្យដឹងតាម រយៈអ៊ីម៉ែលថា ខ្សែភាពយន្ត ឯកសារ នេះ ដឹកនាំដោយលោក ស្តេន ហ្វេនហ្គោល (Stan Feingold) ជាមួយនឹង ក្រុមការងារ ជនជាតិ អាមេរិកាំង និង កាណាដា ។ ខ្សែភាពយន្ត មានរយៈពេល ៧១ នាទី និង ១១ នាទីនេះ ។ លោកបន្តថា ខ្សែភាពយន្តនេះ ត្រូវបានចាប់ផ្តើម ថតកាលពីខែធ្នូ ឆ្នាំ ២០០៨ និង បញ្ចប់នៅ ខែមករា ឆ្នាំ ២០១០ នេះ ហើយខ្សែភាពយន្តនេះ និយាយពីគម្រោង ប្រកួតបវរ កញ្ញាមីន ដែលលើកឡើង ពីបញ្ហាដ៏សំខាន់ៗ ទាក់ទង នឹងឥទ្ធិពលអាក្រក់ របស់គ្រាប់មីន និង គ្រាប់មិនទាន់ផ្ទុះ ហើយនិងលើកឡើង ពីការរើសអើង ដែលជនរងគ្រោះ និង ជនពិការកំពុងតែ ប្រឈមមុខនៅក្នុង ប្រទេសកម្ពុជា ។ ដោយការ យកភាព ក្លាហានដែល គួរឱ្យកោតសរសើរ និង ភាពរឹងប៉ឹង ហ្មត់ចត់ផ្ទាល់ខ្លួន របស់បេក្ខជន បវរកញ្ញាមីន ខ្សែភាពយន្តនេះ បានធ្វើឱ្យដំណឹង ផ្សព្វផ្សាយ របស់លោក ម័រថិន ដែល និយាយថា “មនុស្សគ្រប់រូប មានសិទ្ធិស្អាត” នោះ កាន់តែមាន ប្រសិទ្ធ ភាពឡើង ថែមមួយកម្រិតទៀត

កញ្ញា ដូស សុភាព អាយុ ១៩ ឆ្នាំ ដែលជា បវរកញ្ញាមីន ជាប់ចំណាត់ ថ្នាក់លេខមួយ កាលពីឆ្នាំ ២០០៩ និង ជាតួសម្តែងនៅក្នុង ខ្សែភាពយន្តឯកសារ នេះបាននិយាយឱ្យដឹង នៅមួយថ្ងៃមុនចាប់ផ្តើម បញ្ចាំងភាពយន្តនេះថា កញ្ញាមីនដឹងពីការចាក់ បញ្ចាំងរឿងនោះទេ ដោយ ហេតុថាមិនមានអ្នកណាម្នាក់ បានឱ្យដំណឹងដល់រូបនាង ក៏ដូចជាសមាជិកគ្រួសារ ដទៃទៀតរបស់នាង ដែលបានចូលរួមសម្តែងដែរនោះ ។ នាងបាននិយាយ ថា “ខ្ញុំពិតជាចង់មានវត្តមាន នៅក្នុងពេលដែល ខ្សែភាពយន្ត នោះ ត្រូវគេដាក់បញ្ចាំងណាស់ និង ចង់ឱ្យគេ យករឿងនេះមកដាក់បញ្ចាំងជាសាធារណៈ នៅស្រុកខ្មែរដែរ ។ ខ្ញុំពិតជាមានអារម្មណ៍សប្បាយ ចិត្តរកអ្វីមក ប្រៀបមិនបាននោះទេ ព្រោះអីខ្ញុំមិន ដែលនឹកស្មានថា ខ្ញុំពិការអ៊ីចឹងហើយនៅ មានកម្មវិធី ប្រឡងបវរ កញ្ញាមីនទៀត ។ កន្លងមកខ្ញុំធ្លាប់តែ ឃើញតាមទូរទស្សន៍មាន គេប្រឡងបវរកញ្ញាសម្រាប់ តែអ្នកជើងមិនពិការ ។ ខ្ញុំពិតជា សប្បាយចិត្តមែន ទែន” ។ កញ្ញា ដូស សុភាព បានបញ្ជាក់ប្រាប់ថា មូលហេតុដែលនាង ចង់ចូលរួម និង ចង់ឱ្យគេ យក ខ្សែភាព យន្តនោះមកដាក់បញ្ចាំងនៅស្រុកខ្មែរ ព្រោះថាការថត ខ្សែភាពយន្តនោះ បានធ្វើឱ្យកញ្ញាមាន ចិត្តអំណត់ និង ចេះខំប្រឹងតស៊ូឡើងដើម្បីឱ្យដូចអ្នក ដែលមិនពិការ ។ កញ្ញាថា “ម៉្យាងវិញទៀតខ្ញុំចង់ បង្ហាញឱ្យគេដឹងថា មនុស្ស ពិការក៏មាន សមត្ថភាព និង បញ្ញាដូចមនុស្សធម្មតាដែរ ។ កន្លងមកធ្លាប់ មានគេមើលងាយខ្ញុំ ជាមនុស្សពិការ នេះខ្លាំងណាស់ ។ គេហៅយើងអ៊ីចេះអ៊ីចុះ និង ចំអកឱ្យខ្ញុំថា ពិការអ៊ីចឹង មករៀនអីទៀត មិននៅផ្ទះទៅ ។ ក្រោយពី ថតរឿង ហ្នឹងហើយមក ខ្ញុំមានចិត្ត កាន់តែ អំណត់ឡើង និង ចង់ ឱ្យគេទទួលស្គាល់ ជនពិការនៅក្នុង សង្គមដែរ” ។

កញ្ញា ដូស សុភាព និយាយពីរឿងថតនោះ បន្តទៀតថា ជនបរទេសនោះបានមកថតនាង ឪពុក ម្តាយ និង បងប្អូនរបស់នាង ។ គេប្រាប់ថា គោល បំណងនៃការផលិតជាខ្សែភាពយន្តនោះគឺគេចង់ដឹងពីការរស់នៅរបស់នាង ក៏ដូចជាជីវភាពប្រចាំ ថ្ងៃរបស់ គ្រួសារនាង និង ពីមូលហេតុដែលបណ្តាលឱ្យនាង ក្លាយជាជនពិការដោយសារ គ្រាប់មីន ។ ការថត នោះធ្វើឡើងនៅក្នុងឆ្នាំ ២០០៩ គឺនៅមុនពេល នាងទទួលបានជើងសិប្បនិម្មិតដែលមានតម្លៃ ប្រ-ហែលជា ២០.០០០ ដុល្លារអាមេរិក ។ នាងថា នាងចំណាយពេលជាង ២ ថ្ងៃក្នុងការថតទាំងនៅ ផ្ទះរបស់នាងនៅ ឯខេត្តបាត់ដំបង និង នៅក្នុង ទីក្រុងភ្នំពេញ ។ វាពិបាកចំពោះនាងដែរនៅពេល ដើរតួនោះ ព្រោះកន្លែងខ្លះ គេឱ្យនាងដើរនៅហាល ថ្ងៃដើម្បីឱ្យមានពន្លឺគ្រប់គ្រាន់ និង គេសួរ សំណួរ នាងជាច្រើនផងដែរ ។ ក្រៅពីនោះ គេថតស្ទើរ គ្រប់សកម្មភាពរបស់គ្រួសារនាង ដូចជា ការបោក គក់សម្លៀកបំពាក់ ការចម្អិនអាហារ និង ការហូប ចុកជាដើម ហើយបើតាមនាងដឹង ពួកអ្នកផលិតខ្សែ ភាពយន្តនោះ ក៏មានថតបេក្ខនារី ដែល ចូលរួមនៅ ក្នុងការប្រកួតបវរកញ្ញាមីននោះដែរ មិនមែនមាន តែគ្រួសារនាងប៉ុណ្ណោះទេ ។

លោក ដូស អៀង អាយុ ៤៩ ឆ្នាំដែលជា ឪពុករបស់កញ្ញា ដូស សុភាព ក៏បានឱ្យដឹងដែរថា ពួកជនបរទេស ដែលចុះមកថតដល់ផ្ទះរបស់គាត់នោះ បានសួរគាត់ពីរឿងដែលកូនស្រីគាត់ សុភាព ក្លាយ ជាពិការ ។ គាត់បាន ប្រាប់គេថា នាងបានត្រូវ មីននៅ ពេលដែលនាងមានអាយុ ៦ ឆ្នាំ នៅក្នុងឃុំអម្ពិល ប្រាំដើម ស្រុកបរវេល ខេត្តបាត់ដំបង គឺឆ្នាំ ១៩៩៦ ដែលនៅពេលនោះគាត់ (ឪពុក) នៅជាទាហានរដ្ឋ កម្ពុជា (របស់រដ្ឋាភិបាល) ។ នៅពេលមុនកើតហេតុ កូនស្រី សុភាព បានទៅសួរសុខទុក្ខ គាត់នៅក្នុង ឃុំអម្ពិលប្រាំដើម ។ ស្របពេលនោះ ពួកទាហាន ប៉ុល ពត បានវាយឆ្មក់ចូលមក ។ ពួកគាត់ក៏នាំគ្នា រត់ ហើយទាក់ខ្សែមីន ហៅថាមីន ៦៩ ដែល បណ្តាលឱ្យកូនស្រីគាត់ពិការជើងឆ្វេងម្ខាង ហើយ គាត់រងរបួសត្រង់ដៃឆ្វេងម្ខាងដែរ ។ បន្ទាប់ពីរង គ្រោះដោយសារមីននោះមក ពួកគាត់ក៏ត្រូវគេយកទៅ សង្គ្រោះនៅពេទ្យភូមិភាគប្រាំដែលគេហៅថា ពេទ្យ សូវៀត នៅក្នុងខេត្តបាត់ដំបង ហើយបន្ទាប់មកគាត់ ក៏ត្រូវគេកាត់រំសាយនៅក្នុងឆ្នាំដដែលនោះ បន្ទាប់ពី ចូលធ្វើជាទាហាន អស់ រយៈពេលជាង ១៤ ឆ្នាំមក (១៩៨៣ ដល់ ១៩៩៦) ។

សូមបញ្ជាក់ដែរថា កញ្ញា ដូស សុភាព រស់ នៅក្នុងភូមិដំណាក់ហ្លួង សង្កាត់វត្តគោ ក្រុងបាត់ដំបង ខេត្តបាត់ដំបង ។ កញ្ញាទើបប្រឡងជាប់ថ្នាក់ទី ១២ ទុតិយភូមិ នៅឆ្នាំ ២០១០ នេះ ។ នាពេលអនាគត កញ្ញាចង់ក្លាយជា អ្នកគណនេយ្យម្នាក់នៅ អង្គការ ក្រៅរដ្ឋាភិបាលមួយ ប៉ុន្តែគោលបំណងនោះមិនដឹង ជាបានសម្រេចឬយ៉ាងណានោះទេ ព្រោះគ្រួសារ របស់កញ្ញាមិនមានលទ្ធភាពឱ្យកញ្ញាបន្តការសិក្សា នៅថ្នាក់មហាវិទ្យាល័យ ។

គួររំឭកផងដែរថា កាលពីឆ្នាំ ២០០៩ កន្លងមក នេះ រដ្ឋាភិបាលកម្ពុជាបានហាមមិនឱ្យមានការប្រឡង ជ្រើសរើសកញ្ញាមីននោះឡើយ ព្រោះការប្រកួត នោះអាចជារឿងចំអក ឬ ការមាក់ងាយចំពោះជន ពិការ ៕