ខឹងប្រពន្ធមិនអោយក្រេបលំអងជិត១សប្តាហ៍វាយប្រហារចានឆ្នាំងចោល
ប្ដីចិត្ត១០០cត្រូវប៉ូលីសវាយខ្នោះ
ខេត្តកណ្តាល ៖ បុរសម្នាក់ខឹងមួម៉ៅក្តៅក្រហាយប្រពន្ធមិនឱ្យរួមរ័កក៏គ្រវែង គ្រវាត់បំផ្លាញចានឆ្នាំងក្នុងផ្ទះបែកខ្ទេចខ្ទីហើយបន្តិចក្រោយ មកត្រូវបានប៉ូលិសឃាត់ខ្លួន។ អ្វីដែលបុរសនេះមានការឈឺចិត្តនោះគឺពេលដែលប្រពន្ធមិននៅផ្ទះទៅ... ធ្វើការរោងចក្របាត់ ខ្លួនបានយកចិត្តប្រពន្ធដាំបាយទុកឱ្យប្រពន្ធហូប ប៉ុន្តែប្រពន្ធបែរជាមិនព្រមហូប មិនតែប៉ុណ្ណោះបានជេរប្រមាថមកលើខ្លួនថែមទៀត ទើបរូបគេផ្ទុះកំហឹងវាយចានឆ្នាំងបែបនេះ។
ហេតុការណ៍នេះបានកើតឡើងកាលពីវេលាម៉ោង៥ និង២០នាទីល្ងាចថ្ងៃទី១៦ តុលា ២០១០ នៅភូមិក្រាំងអាវ ឃុំព្រៃពួច ស្រុកអង្គស្នួល ខេត្តកណ្តាល។ បុរសដែលត្រូវឃាត់ខ្លួននេះឈ្មោះហែម កែម អាយុ៤២ឆ្នាំ ចំណែកឯប្រពន្ធឈ្មោះវង្ស រ៉ាត់ អាយុ៣២ឆ្នាំ មានកូន៥នាក់ សព្វថ្ងៃរស់នៅភូមិកើតហេតុខាងលើ។
តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើប្រពន្ធបានទៅធ្វើការរោងចក្រកាត់ដេរ ឯបុរសជាប្តីនៅផ្ទះ លុះវេលាល្ងាចបុរសជាប្តីបានដាំបាយ និងខត្រី១ឆ្នាំង រង់ចាំប្រពន្ធចេញពីធ្វើការវិញហូបជុំគ្នា។ ប៉ុន្តែប្រពន្ធបែរជាតោះតើយនិយាយសម្តីគំហកកំហល់ដាក់បុរសជាប្តី និងច្រានចេញមិនឱ្យរួមរ័ក ទើបកើតរឿងក្តៅក្រហាយបែបនេះ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព.