ថៃគំរាមដកខ្លួនពីគណៈកម្មការបេតិកភណ្ឌពិភពលោក ប្រឆាំងនឹងផែនការអភិវឌ្ឍន៍ប្រាសាទព្រះវិហារ
កាសែតបាងកកប៉ុស្តិ៍បានដកស្រង់សម្តីរបស់ អាប់ភីស៊ីត វាចាជីវ៉ា មកចុះផ្សាយថា «យើងកំពុងតែធ្វើការពិភាក្សាជាមួយយូណេស្កូ។ ប្រសិនបើពួកគេមិនព្រមធ្វើការពន្យារពេល ពួកគេត្រូវដឹងថា យើងមិនអាចធ្វើការជាមួយពួកគេបានទៀតទេ»។ នាយករដ្ឋមន្រ្តីថៃរូបនេះបានធ្វើការអះអាងថា កម្ពុជានឹងជាប្រទេសតែមួយគត់ ដែលបានប្រឆាំងជំទាស់សំណើរបស់ថៃ ដែលសុំឲ្យពន្យារពេលផែនការអភិវឌ្ឍន៍តំបន់ជុំវិញប្រាសាទព្រះវិហារ នេះ។ កិច្ចប្រជុំរបស់គណៈកម្មាធិការបេតិកភណ្ឌពិភពលោកលើកទី៣៥នៅ ប្រទេសបារាំង ដែលមានរយៈពេល១០ថ្ងៃចាប់ផ្តើមតាំងតែពីថ្ងៃចន្ទមក នឹងធ្វើការពិភាក្សាអំពីរមណីយដ្ឋានថ្មីដែលត្រូវចុះបញ្ជីបេតិកភណ្ឌ ពិភពលោក ត្រួតពិនិត្យលើការអភិរក្សរមណីដ្ឋាន និងសម្រេចថា តើរមណីយដ្ឋានណាដែលកំពុងស្ថិតនៅក្នុងគ្រោះថ្នាក់។ ចំណែកសំណុំរឿងប្រាសាទព្រះវិហារគេនឹងលើកយកទៅពិភាក្សានៅថ្ងៃ ព្រហស្បតិ៍ ទី២៣ មិថុនាខាងមុខ៕
នាយករដ្ឋមន្រ្តីថៃ អាប់ភីស៊ីត វាចាជីវ៉ា កាលពីថ្ងៃម្សិលមិញនេះបានធ្វើការគំរាមថា ប្រទេសថៃនឹងដកខ្លួនចេញពីសមាជិកគណៈកម្មាធិការបេតិកភណ្ឌពិភពលោក ប្រសិនបើគណៈកម្មាធិការមួយនេះមិនព្រមធ្វើការពន្យារពេលលើផែនការ អភិវឌ្ឍន៍ប្រាសាទព្រះវិហារទេនោះ។