ស្លាប់171នាក់នៅក្នុងប្រទេសអាហ្វហ្គានីស្ថាន
អ្នកនាំពាក្យរបស់ក្រសួងមហាផ្ទៃអាហ្វហ្គានីស្ថានលោកហ្សាម៉ារ៉ៃ បាសារី ឱ្យដឹងកាលពីថ្ងៃទី១៧ តុលា ថា អំពើហិង្សានៅអាហ្វហ្គានីស្ថានបណ្តាលឱ្យមនុស្សស្លាប់១៧១នាក់ ក្នុងនោះមានពួកបះបោរតាលីបង់១០៦នាក់ ជនស៊ីវិល៤២នាក់... និងសមាជិកប៉ូលិសជាតិ២៣នាក់រយៈពេល១សបា្តហ៍កន្លងមកនេះ ។
ក្នុង សន្និសីទសារព័ត៌មានមួយលោកបាសារីថ្លែងថា ការវាយប្រហារភេរវកម្មចំនួន១២១លើកកត់សំគាល់ឃើញក្នុងប្រទេសកាលពី សបា្តហ៍កន្លងមកនេះដែលមានការកើនឡើង៦%បើប្រៀបធៀបទៅនឹងសបា្តហ៍ មុននេះ ។ ឧប្បត្តិហេតុភាគច្រើនកើតមានក្នុងតំបន់ភាគខាងត្បូងប្រទេសដូចជា ខេត្តហែលម៉ង់ ហ្គាសនី និងវ៉ារដាក់ និងខេត្តប៉ាកទីកាភាគខាងកើតដែលនៅតំបន់ទាំងនេះពួកតាលីបង់មានសកម្ម ភាពខ្លាំង ។ លោកអះអាងថា គ្រាប់បែកចំនួន១១៩គ្រាប់ត្រូវបានរកឃើញនិងដោះយកចេញដោយប៉ូលិស ។ ទាក់ទិនដល់ការតស៊ូប្រឆាំងគ្រឿងញៀនអ្នកនាំពាក្យរូបនេះថ្លែងថា ប្រតិបត្តិការជាច្រើនត្រូវបានធ្វើហើយប៉ូលិសចាប់រឹបអូសយកបានគ្រឿង ញៀនចំនួន២.៤៥០គ.ក្រ ៕